完整藏文原文 · 德格版页 当前仅加载第 62 函德格 282a 版页；藏文 NFD、目录标记与异常页序保留在来源切片中，重复版页行以稳定序号区分。
དམྱལ་བ་ཆེན་པོ་དེ་ལས་ཐར་བར་མཛད་པ་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྔོན་བྱུང་བ་འདས་པའི་དུས་ན་བྲམ་ཟེའི་ཁྱེའུ་ཆོས་འདོད་ཅེས་བྱ་བ་ཚུལ་ཁྲིམས་དང་ལྡན་པ། ཡོན་ཏན་དང་ལྡན་པ། འདོད་པ་ཆུང་བ། ཆོག་ཤེས་པ། རབ་ཏུ་དབེན་
D217.062.0282a01.01པ། དགེ་བའི་ཆོས་ཅན་ཞིག་བྱུང་སྟེ། བྲམ་ཟེའི་ཁྱེའུ་ཆོས་འདོད་ནི་གཟུགས་བཟང་བ། མཛེས་པ། བལྟ་ན་སྡུག་པ། ཁ་དོག་བཟང་པོ་རྒྱས་པ་མཆོག་དང་ལྡན་པའོ། །བྲམ་ཟེའི་ཁྱེའུ་ཆོས་འདོད་དེ་བྲམ་ཟེ་དང་། རྒྱལ་རིགས་དང་། ཁྱིམ་བདག་རྣམས་ཀྱིས་བཀུར་སྟི་བྱས། བླ་མར་བྱས་ཏེ་
D217.062.0282a02.01མཆོད་ནས་གོས་དང་། ཟས་དང་། མལ་ཆ་དང་། ན་བའི་གསོས་སྨན་དང་། ཡོ་བྱད་བཟང་པོ་མང་པོ་རྙེད་པར་གྱུར་ཏོ། །བྲམ་ཟེའི་ཁྱེའུ་ཆོས་འདོད་ནི་སྟོང་ཕྲག་བརྒྱས་ཚིགས་སུ་བཅད་པ་གཅིག་ཚོལ་ལོ། །དེ་ནས་བྲམ་ཟེ་ཞིག་བྲམ་ཟེའི་ཁྱེའུ་ཆོས་འདོད་ཀྱི་རྙེད་པ་དང་། བཀུར་སྟི་དང་། ཚིགས་
D217.062.0282a03.01སུ་བཅད་པ་མ་བཟོད་ནས་བྲམ་ཟེའི་ཁྱེའུ་ཆོས་འདོད་ག་ལ་བ་དེར་སོང་སྟེ་ཕྱིན་པ་དང་། བྲམ་ཟེའི་ཁྱེའུ་ཆོས་འདོད་ལ་འདི་སྐད་ཅེས་སྨྲས་སོ། །ངས་བྲམ་ཟེའི་ཁྱེའུ་ཁྱོད་ལ་ལེགས་པར་བཤད་པ་བསྒྲག་པར་བྱའོ། །བྲམ་ཟེའི་ཁྱེའུ་ཆོས་འདོད་ཀྱིས་སྨྲས་པ། འཕགས་པ་ལེགས་པར་བཤད་པ་
D217.062.0282a04.01བདག་ལ་ལེགས་པར་བསྒྲག་ཏུ་གསོལ། བྲམ་ཟེས་སྨྲས་པ། ཆོས་འདོད་ངས་ཁྱོད་ལ་དེ་བཞིན་དུ་ལེགས་པར་བཤད་པ་བསྒྲག་ཏུ་མི་རུང་ངོ་། །ཆོས་འདོད་ཀྱིས་སྨྲས་པ། འཕགས་པ་འོ་ན་ཁྱོད་ཀྱིས་ལེགས་པར་བཤད་པ་བདག་ལ་ཇི་ལྟར་བསྒྲག་པར་བགྱི། བྲམ་ཟེས་སྨྲས་པ། གལ་ཏེ་
D217.062.0282a05.01ཆོས་འདོད་ཁྱོད་ཀྱིས་དོང་ཆེན་པོ་རྐོར་བཅུག་ལ། བརྐོས་ནས་མེས་འགེངས་སུ་བཅུག་སྟེ། མེ་མི་འབར་ཞིང་དུ་བ་མི་འཐུལ་བས་བཀང་ནས་མཆོད་སྡོང་མཐོན་པོ་འཛུགས་སུ་ཆུག་ལ། འཛུགས་སུ་བཅུག་ནས་མེ་དོང་དེར་བདག་ཉིད་མཆོངས་ན་དེ་ལྟ་ན་ངས་ཁྱོད་ལ་ལེགས་པར་བཤད་པ་
D217.062.0282a06.01བསྒྲག་པར་བྱའོ། །བྲམ་ཟེའི་ཁྱེའུ་ཆོས་འདོད་ཀྱིས་སྨྲས་པ། འཕགས་པ་བདག་འདི་ན་ལེགས་པར་བཤད་པ་གང་ཅི་ཚོལ་བ་དེ་ཐམས་ཅད་ནི་སེམས་ཅན་རྣམས་ཀྱི་དོན་གྱི་སླད་དུ་ལགས་ན། སློབ་དཔོན་བདག་གིས་ལེགས་པར་བཤད་པ་སེམས་ཅན་རྣམས་ལ་མ་བསྒྲགས་པར་ཇི་ལྟར་མེ་དོང་དུ་མཆོང་
D217.062.0282a07.01