完整藏文原文 · 德格版页 当前仅加载第 62 函德格 281a 版页；藏文 NFD、目录标记与异常页序保留在来源切片中，重复版页行以稳定序号区分。
བཅས་པ། །དེ་ཀུན་ཞེ་སྡང་དུག་ལས་བྱུང་། །ཞེ་སྡང་འདི་ནི་དུག་གི་མཆོག །ཤིང་གང་དུག་དང་བཅས་རྣམས་དང་། །སྲོག་ཆགས་གང་དག་དུག་བཅས་པ། །དེ་ཀུན་གཏི་མུག་དུག་ལས་བྱུང་། །གཏི་མུག་འདི་ནི་དུག་གི་མཆོག །དྲག་པོའི་དུག་གིས་དུག་བཅོམ་སྟེ། །
D217.062.0281a01.01བསྲུང་དང་ཡོངས་སུ་གཟུང་བ་བྱས། །སངས་རྒྱས་ཀུན་གྱིས་དུག་བཅོམ་པས། །རྫོགས་སངས་རྒྱས་ལ་སྐྱབས་སུ་དོང་། །དེ་དེ་བཞིན་བགྱིའོ་ཞེས་ཏེ་ཁྱིམ་བདག་དཔལ་སྦས་ཀྱིས་བཅོམ་ལྡན་འདས་ལ་ཚིགས་སུ་བཅད་པ་དེ་དག་ལེགས་པར་རབ་ཏུ་བླངས་ཏེ། བླངས་ནས་ཟས་དེ་དག་
D217.062.0281a02.01ལ་ལན་གསུམ་བཟླས་ཏེ། རང་གི་ལག་གིས་ཞལ་ཟས་བསོད་པ་མང་པོ་དགེ་སློང་གི་དགེ་འདུན་ལ་བསྟབས་ཏེ་ཚིམ་པར་བྱས་སོ། །དེ་ནས་ཁྱིམ་བདག་དཔལ་སྦས་ཀྱིས་བཅོམ་ལྡན་འདས་དང་། དགེ་སློང་གི་དགེ་འདུན་བཤོས་གསོལ་ཟིན་ཏེ། ཕྱག་བཅབས་ལྷུང་བཟེད་གྱུ་བར་རིག་ནས་སྟན་
D217.062.0281a03.01ཞིག་བླངས་ཏེ་ཕྱོགས་གཅིག་ཏུ་འདུག་གོ། །ཁྱིམ་བདག་དཔལ་སྦས་ཕྱོགས་གཅིག་ཏུ་འདུག་པ་དང་། བཅོམ་ལྡན་འདས་ཀྱི་གཏམ་རིམ་གྱིས་མཛད་པ་འདི་ལྟ་སྟེ། གང་འདི་སྦྱིན་པའི་གཏམ་དང་། ཚུལ་ཁྲིམས་ཀྱི་གཏམ་དང་། མཐོ་རིས་ཀྱི་གཏམ་དང་། འདོད་པའི་ཉེས་དམིགས་དང་། དེའི་
D217.062.0281a04.01འོག་ཏུ་ཟག་པ་དང་། ཀུན་ནས་ཉོན་མོངས་པ་དང་། མངོན་པར་འབྱུང་བའི་ཕན་ཡོན་དང་། རྣམ་པར་བྱང་བའི་ཕྱོགས་སོ། །དེ་ནས་བཅོམ་ལྡན་འདས་ཀྱིས་ཁྱིམ་བདག་དཔལ་སྦས་ལ་རྒྱ་ཆེར་རབ་ཏུ་བསྟན། རབ་ཏུ་འཇོག །རྣམ་པར་འགྲེལ། རྣམ་པར་འབྱེད། གསལ་བར་མཛད་དོ། །བཅོམ་
D217.062.0281a05.01ལྡན་འདས་ཀྱིས་གང་གི་ཚེ་ཁྱིམ་བདག་དཔལ་སྦས་སེམས་དགའ་བ་དང་། སེམས་མཉེན་པ་དང་། སེམས་དགེ་བ་དང་། སྒྲིབ་པ་མེད་པའི་སེམས་སུ་གྱུར་པར་མཁྱེན་པ་དེའི་ཚེ་སངས་རྒྱས་བཅོམ་ལྡན་འདས་རྣམས་ཡང་དག་ཕུལ་གྱི་ཆོས་གང་སྟོན་པ་དེ་བཅོམ་ལྡན་འདས་ཀྱིས་ཁྱིམ་
D217.062.0281a06.01བདག་དཔལ་སྦས་ལ་རྒྱ་ཆེར་རབ་ཏུ་བསྟན། རབ་ཏུ་བཞག །རྣམ་པར་བཀྲོལ། རྣམ་པར་ཕྱེ། གསལ་བར་མཛད། རབ་ཏུ་བཤད་དོ། །དེ་ནས་ཁྱིམ་བདག་དཔལ་སྦས་སྟན་དེ་ལ་འདུག་བཞིན་དུ་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་ཏེ། འདི་ལྟ་སྟེ། དཔེར་ན་
D217.062.0281a07.01