完整藏文原文 · 德格版页 当前仅加载第 62 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
ཚོད་ཀྱིས་གཞོན་པ། གསར་དུ་རབ་ཏུ་བྱུང་བ་དེ་ཐམས་ཅད་མཁྱེན་པའི་ང་རྒྱལ་ཅན་ཏེ། ཐམས་ཅད་མཁྱེན་པའི་ང་རྒྱལ་དེས་འཇིག་རྟེན་འདི་ཐམས་ཅད་བསླུས་ཀྱིས། དེ་གསད་པའི་ཕྱིར་འདི་ལྟར་བརྩོན་པར་བྱེད་དོ། །དེས་སྨྲས་པ། ཇོ་བོ་བཅོམ་ལྡན་འདས་དེ་
D217.062.0271a01.01བགྲོངས་པར་ཁྱོད་ཀྱིས་མི་སྤྱོད་ཀྱིས་སྐྱོ་བར་གྱུར་ཏ་རེ། དེ་ཅིའི་སླད་དུ་ཞེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་སླད་དུའོ། །དེ་ནས་ཁྱིམ་བདག་དཔལ་སྦས་འདི་སྙམ་དུ་སེམས་ཏེ། བདག་གི་ཆུང་མ་ཤཱཀྱའི་བྲན་གྱི་བུ་མོ་འདིས་
D217.062.0271a02.01གསང་འཕེལ་དུ་འོང་ཞེས་དེའི་ཐོར་ཏོ་ནས་བཟུང་སྟེ་ཁྱིམ་དུ་བཅུག་ནས་སྒོ་གཏན་བཅུག་གོ། །སྒོ་གཏན་བཅུག་ནས་བཅོམ་ལྡན་འདས་ལ་གདུགས་ཚོད་ལ་བབ་པ་གསོལ་ཏེ། ཀྱེ་གཽ་ཏ་མ་བཤོས་ལགས་ཀྱི་གདུགས་ཚོད་ལ་བབ་བོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་
D217.062.0271a03.01པ་ཀུན་དགའ་བོ་ལ་བཀའ་སྩལ་པ། ཁྱོད་སོང་ལ་བསིལ་ཡབ་ཐོགས་ཏེ་གནས་ཁང་ནས་གནས་ཁང་དུ་སོང་ལ་ཚེ་དང་ལྡན་པ་དག་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏེ། ངའི་སྔ་རོལ་དུ་དགེ་སློང་གང་ཡང་དཔལ་སྦས་ཀྱི་ཁྱིམ་དུ་མ་འཇུག་ཤིག་ཅེས་དོན་དེ་
D217.062.0271a04.01བསྒོ་ཤིག །བཅོམ་ལྡན་འདས་དེ་བཞིན་ནོ་ཞེས་གསོལ་ནས། ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་ལྟར་མཉན་ཏེ། བསིལ་ཡབ་ཐོགས་ནས་དགེ་སློང་རྣམས་ཀྱི་གན་དུ་སོང་སྟེ། ཚེ་དང་ལྡན་པ་དག་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏེ། ངའི་
D217.062.0271a05.01སྔ་རོལ་ཏུ་དགེ་སློང་གང་ཡང་ཁྱིམ་བདག་དཔལ་སྦས་ཀྱི་ཁྱིམ་དུ་མ་འཇུག་ཤིག་ཅེས་དོན་དེ་བསྒོའོ། །དེ་ནས་བཅོམ་ལྡན་འདས་སྔ་དྲོའི་དུས་ཀྱི་ཚེ་ཤམ་ཐབས་དང་ཆོས་གོས་གསོལ་ཏེ། ལྷུང་བཟེད་བསྣམས་ནས་དགེ་སློང་གི་དགེ་འདུན་གྱིས་ཡོངས་སུ་བསྐོར། དགེ་
D217.062.0271a06.01སློང་གི་དགེ་འདུན་གྱིས་མདུན་དུ་བདར་ཏེ་བྱ་རྒོད་ཀྱི་ཕུང་པོའི་རི་ལས་བབས་སོ། །དེ་ནས་མི་མཇེད་ཀྱི་བདག་པོ་ཚངས་པ་ཚངས་རིས་ཀྱི་ལྷའི་བུ་དུ་མས་ཡོངས་སུ་བསྐོར་ཅིང་མདུན་དུ་བདར་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་
D217.062.0271a07.01