完整藏文原文 · 德格版页 当前仅加载第 62 函德格 273b 版页；藏文 NFD、目录标记与异常页序保留在来源切片中，重复版页行以稳定序号区分。
འདབ་གཤོག་མ་སྐྱེས་པ་ཞིག་ཡོད་དེ། དེ་ནས་སྲེག་པ་མ་མོ་དེས་འདབ་མ་ཆུར་བཅུག་སྟེ། སྲེག་པའི་ཕྲུ་གུའི་ཁོར་ཡུག་ཏུ་གཏོར་ཏོ། །གཏོར་ནས་ཀྱང་རྒྱུག་ཅིང་ཡང་དང་ཡང་དེ་ལྟར་བརྩོན་པར་བྱས་སོ། །དེ་ནས་སྲེག་པའི་ཕྲུ་གུ་དེས་མ་འདི་ལྟར་རྩོལ་བ་བྱེད་པ་དེ་མཐོང་ངོ་། །
D217.062.0273b01.01མཐོང་ནས་ཀྱང་དེས་མ་ལ་འདི་སྐད་ཅེས་སྨྲས་སོ། །ཡུམ་ཅིའི་སླད་དུ་འདི་ལྟར་རྩོལ་བར་མཛད། དེས་སྨྲས་པ། བུ་ཤེས་པར་གྱིས་ཤིག །རྒྱལ་པོ་ཡུལ་ཀ་ལིང་ཀའི་རྒྱལ་པོས་གླིང་བེགས་བུར་ཆད་པའི་{རི་དགས་,རི་དྭགས་}གསད་པའི་ཕྱིར་མེ་ཆེན་པོ་བཏང་ངོ་། །དེ་ནས་གླིང་
D217.062.0273b02.01བེགས་བུར་ཆད་པ་ན་{རི་དགས་,རི་དྭགས་}དང་། བྱ་གང་དག་གནས་པ་ནམ་མཁའ་ལ་རྒྱུ་བ་དང་། ཐང་ལ་རྒྱུ་བ་དང་། ཆུ་ལ་རྒྱུ་བ་དེ་དག་སྲེག་པའི་མེ་ཆེན་པོ་དེས་འཁྲུགས་ནས་དེ་ན་གང་དག་ནམ་མཁའ་ལ་རྒྱུ་བ་དེ་དག་ནི་ནམ་མཁའ་ལ་བྱེར། གང་དག་ཆུ་ལ་རྒྱུ་བ་དེ་དག་ནི་ཆུར་ཞུགས།
D217.062.0273b03.01གང་དག་ཐང་ལ་རྒྱུ་བ་དེ་དག་ནི་ཕན་ཚུན་འབྱེར་ཞིང་རྒྱུག་སྟེ་བྲོས་སོ། །ང་ནི་འདི་ལྟར་ཁྱོད་ཚིག་ཏུ་འོང་ངོ་ཞེས་ཁྱོད་ཀྱི་ཕྱིར་འདི་ལྟར་རྩོལ་བར་བྱེད་དོ། །དེས་སྨྲས་པ། ཡུམ་ཐོང་ཤིག །ཐོང་ཤིག །ཡུམ་ཁྱོད་ནི་བྱིས་པ་སྟེ། ཁྱོད་ཀྱིས་རྩོལ་བ་འདི་ལྟ་བུས་བདག་སྲེག་པའི་
D217.062.0273b04.01མེ་འདི་ལས་ཐར་བར་ཡང་མི་སྤྱོད་དོ། །ཡུམ་ཁྱོད་ཀྱིས་བདག་ཉིད་ཀྱི་མཐུ་དང་སྟོབས་བསྐྱེད་དེ། ངན་བུ་ལེགས་པར་ཤིན་ཏུ་བླངས་ལ་གླིང་བེགས་བུར་ཆད་པ་འདིར་ཤིང་ནང་གི་མཐོན་པོའི་ཁར་ངན་བུ་གཞག་པར་སྤྱོད་དམ། དེ་བཞིན་བྱའོ་ཞེས་ཏེ་སྲེག་པ་མ་མོ་དེས་སྲེག་པའི་ཕྲུ་
D217.062.0273b05.01གུའི་ལྟར་མཉན་ནས་རང་གི་མཐུ་དང་སྟོབས་བསྐྱེད་དེ། སྲེག་པའི་ཕྲུ་གུ་དེ་ཀུན་དུ་ལེགས་པར་བླངས་ནས་གླིང་བེགས་བུར་ཆད་པ་དེའི་ཤིང་ནང་གི་མཐོན་པོའི་ཁར་བཞག་གོ། །དེ་ནས་སྲེག་པའི་ཕྲུ་གུ་དེས་སྲེག་པའི་མེ་ཆེན་པོ་དེ་མཐོང་ནས་བྱམས་པས་ཁྱབ་པར་བྱེད་དོ། །
D217.062.0273b06.01བྱམས་པས་ཁྱབ་པར་བྱས་ནས་དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྐང་མེད་སེམས་ཅན་རྣམས་ཀྱང་ཡོད། །འདབ་ཆགས་རྐང་བཅས་པའང་ཡོད། །ཕ་མ་དག་གིས་བསྲུངས་ཤིང་འཁོད། །མེ་གདུག་ཚུར་ནི་མ་འོང་ཤིག །དགེ་བསྙེན་སྲེག་པའི་ཕྲུ་
D217.062.0273b07.01