完整藏文原文 · 德格版页 当前仅加载第 62 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ནམ་མཁའ་ལྟར་ཡོངས་སུ་དག་པའི་ཕྱིར་དྲི་མ་མེད་པའོ། །དགེ་སློང་ཆོས་ཐམས་ཅད་ནི་ཅི་ལས་ཀྱང་དབེན་པའི་ཕྱིར་ཅི་ཡང་མ་ཡིན་པའོ། །དགེ་སློང་ཆོས་ཐམས་ཅད་ནི་ངོ་བོ་ཉིད་ཀྱིས་མ་སྐྱེས་པའི་ཕྱིར་དུལ་བའོ། །དགེ་སློང་ཆོས་ཐམས་
D218.062.0287a01.01ཅད་ནི་སྔོན་གྱི་མཐའ་དང་། ཕྱི་མའི་མཐའ་དང་། དབུས་ཡོངས་སུ་བཅད་པའི་ཕྱིར་མི་བདེན་པའོ། །དགེ་སློང་ཆོས་ཐམས་ཅད་ནི་གཅིག་ལ་གཅིག་རྒྱུར་འགྱུར་བ་མེད་པའི་ཕྱིར་གྲོལ་བའོ། །དགེ་སློང་ཆོས་ཐམས་ཅད་ནི་རྩྭ་དང་། ཤིང་དང་། རྩིག་པ་
D218.062.0287a02.01པ་དང་། བོང་བ་དང་འདྲ་བའི་ཕྱིར་བེམས་པོ་ཡིན་ནོ། །དགེ་སློང་ཆོས་ཐམས་ཅད་ནི་ནམ་མཁའ་དང་ཚུལ་འདྲ་བའི་ཕྱིར་ངོ་བོ་མེད་པའོ། །དགེ་སློང་ཆོས་ཐམས་ཅད་ནི་ཆགས་པ་མེད་པའི་ཕྱིར་མཉམ་པའོ། །དགེ་སློང་ཆོས་ཐམས་ཅད་ནི་ནམ་མཁའི་ལུས་
D218.062.0287a03.01དང་། ཆང་པ་སྟོང་པ་དང་འདྲ་བའི་ཕྱིར་གཟུང་དུ་མེད་པའོ། །དགེ་སློང་ཆོས་ཐམས་ཅད་ནི་ཡེ་ཤེས་དང་ལྡན་པ་རྣམས་ཀྱིས་ཡོངས་སུ་བཙལ་བའི་ཕྱིར་ཐོབ་པ་མེད་པའོ། །དགེ་སློང་ཆོས་ཐམས་ཅད་ནི་དུས་གསུམ་ཡོངས་སུ་དག་པའི་ཕྱིར་དུས་མེད་པའོ། །
D218.062.0287a04.01དགེ་སློང་ཆོས་ཐམས་ཅད་ནི་མུན་པར་ཆགས་པ་མེད་པའི་ཕྱིར་སྦྱོར་བ་མེད་པའོ། །དགེ་སློང་ཆོས་ཐམས་ཅད་ནི་སྒྲིབ་པ་ལས་དབེན་པའི་ཕྱིར་ཟུག་རྔུ་མེད་པའོ། །དགེ་སློང་ཆོས་ཐམས་ཅད་ནི་མྱ་ངན་ལས་འདས་པ་དང་མཚུངས་པའི་ཕྱིར་བདེ་བའོ། །དགེ་སློང་
D218.062.0287a05.01ཆོས་ཐམས་ཅད་ནི་འཇིགས་པ་དང་བྲལ་བའི་ཕྱིར་འཇིགས་པ་མེད་པའོ། །དགེ་སློང་ཆོས་ཐམས་ཅད་ནི་ཚུ་རོལ་མི་དམིགས་པའི་ཕྱིར་ཕ་རོལ་མ་ཡིན་ནོ། །དགེ་སློང་ཆོས་ཐམས་ཅད་ནི་གྲངས་སུ་བགྲང་བ་མེད་པའི་ཕྱིར་དཔག་ཏུ་མེད་པའོ། །དགེ་སློང་ཆོས་
D218.062.0287a06.01ཐམས་ཅད་ནི་མཚན་མ་གསོབ་ཡིན་པའི་ཕྱིར་མཚན་མ་མེད་པའོ། །དགེ་སློང་ཆོས་ཐམས་ཅད་ནི་སྨོན་པ་ཆད་པའི་ཕྱིར་སྨོན་པ་མེད་པའོ། །དགེ་སློང་ཆོས་ཐམས་ཅད་ནི་འདུ་བྱེད་{བརྫུན་,རྫུན་}པའི་ཆོས་ཉིད་ཡིན་པའི་ཕྱིར་མངོན་པར་འདུ་བྱེད་པ་མེད་པའོ། །དགེ་
D218.062.0287a07.01