完整藏文原文 · 德格版页 当前仅加载第 62 函德格 296b 版页；藏文 NFD、目录标记与异常页序保留在来源切片中，重复版页行以稳定序号区分。
གྲངས་འདིས་ནི་བྱང་ཆུབ་སེམས་དཔའ་དེའི་ཉོན་མོངས་པ་ཐམས་ཅད་བསལ་ནས། ཤེས་རབ་ཀྱི་སྣང་བ་ཚད་མེད་པ་སྐྱེད་པར་བྱེད་དོ། །ཆོས་ཐམས་ཅད་ལ་ཡང་སྒྲིབ་པ་མེད་པ་ཐོབ་པར་འགྱུར་རོ། །ཡོངས་སུ་གདུང་བ་དང་བྲལ་ཞིང་ཀུན་ནས་དཀྲིས་པ་ཡང་མེད་པར་འགྱུར་རོ། །དེ་ལ་ཆགས་པ་མེད་པའི་སྤོབས་པ་
D218.062.0296b01.01ཡང་མྱུར་དུ་མངོན་སུམ་དུ་འགྱུར་རོ། །བདུད་དང་ཕྱིར་རྒོལ་བ་ཐམས་ཅད་ཀྱིས་ཀྱང་མི་རྫི་བར་འགྱུར་རོ། །ཆོས་ཀྱང་སྟོན་ཏེ། སྤོབས་པ་མཐར་ཐུག་པ་མེད་པས་སྟོན་པར་འགྱུར་རོ། །འཇམ་དཔལ་འདི་ལྟ་སྟེ་དཔེར་ན་མེ་བྱུང་ན་རྩྭ་དང་ཤིང་ཐམས་ཅད་སྲེག་པར་བྱེད་དོ། །འཇམ་དཔལ་དེ་བཞིན་དུ་ཆོས་ཀྱི་རྣམ་
D218.062.0296b02.01གྲངས་འདིས་ཡང་ཉོན་མོངས་པ་ཐམས་ཅད་སྲེག་པར་བྱེད་དོ། །འཇམ་དཔལ་འདི་ལྟ་སྟེ་དཔེར་ན། རིའི་རྒྱལ་པོ་གངས་ཀྱིས་རི་ནག་པོ་ཐམས་ཅད་ཟིལ་གྱིས་གནོན་ཏོ། །འཇམ་དཔལ་དེ་བཞིན་དུ་བྱང་ཆུབ་སེམས་དཔའ་ཆོས་ཀྱི་རྣམ་གྲངས་འདི་ལ་མཁས་པས་ནི་ཕ་རོལ་རྒོལ་བ་ཐམས་ཅད་ཆོས་དང་ལྡན་པས་ཚར་
D218.062.0296b03.01བཅད་ནས་ཟིལ་གྱིས་གནོན་པར་བྱེད་དོ། །འཇམ་དཔལ་འདི་ལྟ་སྟེ་དཔེར་ན། འཁོར་ལོས་སྒྱུར་བའི་རྒྱལ་པོས་ནི་ཁམས་ཀྱི་རྒྱལ་པོ་རྣམས་ཟིལ་གྱིས་གནོན་ཏོ། །འཇམ་དཔལ་དེ་བཞིན་དུ་བྱང་ཆུབ་སེམས་དཔའ་ཆོས་ཀྱི་རྣམ་གྲངས་འདི་ལ་གནས་པས་ནི་གང་ཟག་ཚིག་དང་ཡི་གེའི་འབྲུ་སྣ་ཚོགས་
D218.062.0296b04.01ཐམས་ཅད་ལ་མཁས་པ་རྣམས་ཟིལ་གྱིས་གནོན་ཏོ། །འཇམ་དཔལ་འདི་ལྟ་སྟེ་དཔེར་ན། དགེ་སློང་འདུལ་བ་འཛིན་པ་ནི་ལྟུང་བ་ཐམས་ཅད་འདུལ་བ་ལ་མཁས་པ་ཡིན་ནོ། །འཇམ་དཔལ་དེ་བཞིན་དུ་བྱང་ཆུབ་སེམས་དཔའ་ཆོས་ཀྱི་རྣམ་གྲངས་འདི་ལ་མཁས་པ་ནི་ཕྱོགས་བཅུའི་སེམས་ཅན་ཐམས་ཅད་ཀྱི་
D218.062.0296b05.01འགྱོད་པ་སེལ་བར་བྱེད་དོ། །འཇམ་དཔལ་འདི་ལྟ་སྟེ་དཔེར་ན། ཉི་མའི་དཀྱིལ་འཁོར་ཤར་ན་མུན་པ་མུན་ནག་ཐམས་ཅད་མེད་པར་འགྱུར་རོ། །འཇམ་དཔལ་དེ་བཞིན་དུ་བྱང་ཆུབ་སེམས་དཔའ་ཆོས་ཀྱི་རྣམ་གྲངས་འདི་ལ་མཁས་པ་ནི་སེམས་ཅན་ཐམས་ཅད་ཀྱི་ཉོན་མོངས་པ་སེལ་བར་བྱེད་དེ་ཡེ་ཤེས་ཀྱི་སྣང་
D218.062.0296b06.01བ་ཡང་བྱེད་པར་འགྱུར་རོ། །དེ་ཅིའི་ཕྱིར་ཞེ་ན། འཇམ་དཔལ་ཆོས་ཀྱི་རྣམ་གྲངས་འདི་ལ་སློབ་པ་གང་ཡིན་པ་དེ་ནི་ལྷག་པའི་ཤེས་རབ་ལ་སློབ་པ་ཡིན་པའི་ཕྱིར་རོ། །དེ་ནས་བདུད་སྡིག་ཅན་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཁྱོད་ནི་ཐུགས་
D218.062.0296b07.01