完整藏文原文 · 德格版页 当前仅加载第 62 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ཏེ། འདི་སྙམ་དུ་སེམས་ཅན་འདི་དག་ཐམས་ཅད་ཇི་ལྟར་བྱས་ན་སངས་རྒྱས་ཀྱི་ཆོས་རྣམས་ལས་ངེས་པར་འབྱུང་བར་འགྱུར་ཞིག་གུ་སྙམ་མོ། །འཇམ་དཔལ་འདི་ལྟ་སྟེ་དཔེར་ན་སྨན་པ་ནི་སྨན་དཔྱད་ཀྱི་རྒྱུད་རྒྱུན་མ་ཆད་ན། དགའ་ཞིང་མགུ་ལ་ཡི་རངས་པར་འགྱུར་རོ། །འཇམ་
D218.062.0291a01.01དཔལ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་སངས་རྒྱས་ཀྱི་གདུང་རྒྱུད་མ་ཆད་ན་དགའ་ཞིང་མགུ་ལ་ཡི་རངས་པར་འགྱུར་རོ། །འཇམ་དཔལ་སེམས་ཅན་ཐམས་ཅད་ནི་སྨན་པ་དང་འདྲ་བ་མ་ཡིན་ནོ། །འཇམ་དཔལ་གསོ་བར་བྱེད་པའི་སྨན་པ་ནི་དཀོན་ནོ། །འཇམ་དཔལ་དེ་བཞིན་དུ་སེམས་
D218.062.0291a02.01ཅན་ཐམས་ཅད་ནི་སངས་རྒྱས་དང་འདྲ་བ་མ་ཡིན་ཏེ། བྱང་ཆུབ་ཀྱི་སེམས་ནི་དཀོན་ནོ། །བྱང་ཆུབ་ཀྱི་ཕྱིར་གོ་ཆ་བགོ་བ་ནི་སེམས་ཅན་ཐམས་ཅད་ཀྱིས་མི་བཟོད་དོ། །དཔེར་ན་ལེ་ལོ་ཅན་རྣམས་ནི་བདག་གིས་སྨན་པ་བྱའོ་སྙམ་དུ་སྨན་པའི་ཆོས་རྣམས་ལ་ལྷག་པར་དམིགས་པ་མེད་དོ། །དེ་བཞིན་དུ་
D218.062.0291a03.01སེམས་ཅན་ཐམས་ཅད་ནི་བྱང་ཆུབ་ཏུ་སེམས་བསྐྱེད་མི་ནུས་ཏེ། ལེ་ལོས་བདག་ཉིད་ནད་པར་བྱེད་དོ། །འཇམ་དཔལ་རང་བྱུང་ནི་དཀོན་ནོ། །གཞན་ལ་རག་ལས་པ་མ་ཡིན་པའི་ཡེ་ཤེས་ནི་དཀོན་ནོ། །སེམས་རྒྱ་ཆེ་བ་ནི་དཀོན་ནོ། །སངས་རྒྱས་ཀྱི་ཆོས་རྣམས་ལ་ལྷག་པར་དམིགས་པ་ནི་དཀོན་
D218.062.0291a04.01ནོ། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟར་བྱང་ཆུབ་སེམས་དཔའ་ཆོས་ཐམས་ཅད་ལ་སྒྲིབ་པ་མ་མཆིས་པར་རྣམ་པར་དག་པར་འགྱུར་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འཇམ་
D218.062.0291a05.01དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་བྱང་ཆུབ་སེམས་དཔའ་ཆོས་ཐམས་ཅད་འདོད་ཆགས་ཀྱི་ཆོས་སུ་མཐོང་བ་གང་ཡིན་པ་དེས་ནི་ལས་ཀྱི་སྒྲིབ་པ་རྣམ་པར་དག་པ་ཐོབ་པར་འགྱུར་རོ། །ཆོས་ཐམས་ཅད་ཞེ་སྡང་གི་ཆོས་སུ་མཐོང་བ་དེས་ནི་ལས་ཀྱི་སྒྲིབ་པ་
D218.062.0291a06.01རྣམ་པར་དག་པ་ཐོབ་པར་འགྱུར་རོ། །ཆོས་ཐམས་ཅད་གཏི་མུག་གི་ཆོས་སུ་མཐོང་བ་དེས་ནི་ལས་ཀྱི་སྒྲིབ་པ་རྣམ་པར་དག་པ་ཐོབ་པར་འགྱུར་རོ། །འཇམ་དཔལ་གཞན་ཡང་བྱང་ཆུབ་སེམས་དཔའ་འདོད་པའི་ཡོན་ཏན་ལྔ་པོ་དག་ལ་མངོན་པར་དགའ་ཞིང་མི་གཏོང་མི་སྤོང་ལ། སངས་རྒྱས་
D218.062.0291a07.01