完整藏文原文 · 德格版页 当前仅加载第 62 函德格 292b 版页；藏文 NFD、目录标记与异常页序保留在来源切片中，重复版页行以稳定序号区分。
བྲལ་བ་ཡང་མ་ལགས། རྟོགས་པ་ཡང་མ་ལགས་ཏེ། བཅོམ་ལྡན་འདས་ཉོན་མོངས་པ་སྤང་བའི་སླད་དུ་སངས་རྒྱས་ཀྱི་ཆོས་རྣམས་ལ་དམིགས་པ་དེ་དག་ནི་ཕོངས་པར་འགྱུར་བ་ལགས་སོ། །དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་ལེགས་སོ་ཞེས་བྱ་བ་བྱིན་ཏེ།
D218.062.0292b01.01འཇམ་དཔལ་གཉིས་སུ་མེད་པའི་ཆོས་ལ་གནས་པ་བསྟན་པ་འདི་ནི་ལེགས་སོ། །ལེགས་སོ། །འཇམ་དཔལ་སྔོན་བྱུང་བ་འདས་པའི་དུས་བསྐལ་པ་གྲངས་མེད་པའི་གཞལ་དུ་མེད་པ། ཚད་མེད་པ། བསམ་གྱིས་མི་ཁྱབ་པ། དཔག་ཏུ་མེད་པའི་ཕ་རོལ་བས་ཀྱང་ཆེས་ཕ་རོལ་དུ་གྱུར་པ་དེའི་
D218.062.0292b02.01ཚེ་དེའི་དུས་ན། འཇིག་རྟེན་གྱི་ཁམས་ཤིན་ཏུ་དྲི་ལྡན་ཞེས་བྱ་བར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་
D218.062.0292b03.01སྟོན་པ། སངས་རྒྱས་བཅོམ་ལྡན་འདས་ཉི་མའི་སྙིང་པོ་འོད་ཟེར་དྲི་མ་མེད་པ་ཞེས་བྱ་བ་འཇིག་རྟེན་དུ་བྱུང་ངོ་། །འཇམ་དཔལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་མའི་སྙིང་པོ་འོད་ཟེར་དྲི་མ་མེད་པ་དེའི་སྐུ་ཚེའི་ཚད་ནི་བསྐལ་པ་དགུ་སྟོང་ཐུབ་པར་གྱུར་ཏོ། །
D218.062.0292b04.01འཇིག་རྟེན་གྱི་ཁམས་དེའི་སེམས་ཅན་གང་ཡིན་པ་དེ་དག་ནི་དམན་པ་ལ་མོས་པར་གྱུར་ཏེ། རྒྱ་ཆེན་པོ་ལ་མོས་པ་ནི་ཉུང་བར་གྱུར་ཏོ། །དེ་བཞིན་གཤེགས་པ་དེ་ཡོངས་སུ་མྱ་ངན་ལས་འདས་པའི་དམ་པའི་ཆོས་ནི་ལོ་སྟོང་གི་བར་དུ་གནས་པར་གྱུར་ཏོ། །དེའི་སྐུ་གདུང་རྣམས་ཀྱང་འདི་ལྟ་སྟེ་དཔེར་ན་
D218.062.0292b05.01ངའི་སྐུ་གདུང་ཇི་ལྟར་རྒྱས་པར་འགྱུར་བ་བཞིན་དུ་རྒྱས་པར་གྱུར་ཏོ། །འཇམ་དཔལ་དེའི་ཚེ་དགེ་སློང་དཔས་བྱིན་ཞེས་བྱ་བ་ཚུལ་ཁྲིམས་ཀྱི་ཕུང་པོ་ལ་གནས་པ། ངོ་ཚ་ཤེས་ཤིང་བསླབ་པ་འདོད་པ། མང་དུ་ཐོས་པ་ཞིག་བྱུང་སྟེ། དགེ་སློང་དེ་མཛེས་ཤིང་བལྟ་ན་སྡུག་ལ། ཁ་དོག་བཟང་
D218.062.0292b06.01པོ་རྒྱས་པ་མཆོག་དང་ལྡན་ནོ། །དེ་ནང་པར་སྨད་གཡོགས་བགོས་ནས་ལྷུང་བཟེད་དང་ཆོས་གོས་བླངས་ཏེ། གྲོང་ཁྱེར་ཆེན་པོ་རྣམ་པར་རྒྱལ་བར་བསོད་སྙོམས་ཀྱི་ཕྱིར་སོང་ངོ་། །དེ་གྲོང་ཁྱེར་དེ་ན་བསོད་སྙོམས་ཀྱི་ཕྱིར་རྒྱུ་ཞིང་ཚོང་དཔོན་གྱི་ཁྱིམ་ཞིག་ཏུ་སོང་བ་དང་། ཚོང་དཔོན་གྱི་ཁྱིམ་དེ་ན་
D218.062.0292b07.01