完整藏文原文 · 德格版页 当前仅加载第 62 函德格 288a 版页；藏文 NFD、目录标记与异常页序保留在来源切片中，重复版页行以稳定序号区分。
ཆགས་རྣམས་སྡུག་བསྔལ་འགྲེལ་པ་ཁྱོད། །འཁོར་བའི་འཁོར་ལོ་མི་བདེན་ཐུགས་སུ་ཆུད། །ཡེ་ཤེས་སྟོབས་འཕགས་ཁྱོད་ལ་ཕྱག་འཚལ་ལོ། །རྟོག་དང་རྣམ་རྟོག་རྣམས་ཀྱིས་རྟག་མི་ཆགས། །ཡེ་ཤེས་བསམ་མི་ཁྱབ་པས་གྲོལ་བ་པོ། །འཇིག་རྟེན་
D218.062.0288a01.01གསུམ་མཆོག་དྲི་མེད་ཉོན་མོངས་གྲོལ། །དྲི་མེད་དག་པའི་སེམས་ཅན་ཁྱོད་ཕྱག་འཚལ། །བྱང་ཆུབ་ལ་ནི་བདག་ཀྱང་ཞུགས་བགྱིས་ལ། །སེམས་ཅན་སྡུག་བསྔལ་སྐྱབས་མ་མཆིས་རྣམས་དགྲོལ། །འདི་འདྲའི་ཡེ་ཤེས་བདག་གིས་ཐོབ་གྱུར་ཅིང་། །ཐེག་པ་དམན་པས་ཟག་པ་
D218.062.0288a02.01བས་མ་གྱུར། །བསྐལ་པ་བྱེ་བ་ཁྲག་ཁྲིག་བསམ་ཡས་ཀྱིས། །སྡུག་བསྔལ་བས་བགྱི་བྱང་ཆུབ་ཡོང་མི་སྤོང་། །སྐར་མའི་ཚོགས་ཀྱི་ནང་ན་དགུང་ཟླ་ལྟར། །འཇིག་རྟེན་མགོན་པོ་བདག་གིས་དེ་འདྲར་མཐོང་། །ཇི་ལྟར་བསམ་པ་དམན་པའི་མི་འགའ་ཞིག །རྒྱ་མཚོ་ཆེན་པོའི་
D218.062.0288a03.01ནང་དུ་ཕྱིན་གྱུར་ཀྱང་། །རིན་ཆེན་མང་པོ་མི་ལེན་སྤོང་བགྱིད་ཅིང་། །མཆིང་བུའི་ནོར་བུ་བླངས་ནས་མཆི་བར་བགྱིད། །དེ་བཞིན་གང་དག་སངས་རྒྱས་རྣམ་འཕྲུལ་སྟོབས། །ཐོས་ཀྱང་འདིར་ནི་བྱང་ཆུབ་སེམས་མི་སྐྱེད། །བྱང་ཆུབ་སྤངས་ནས་ཉན་ཐོས་འཚལ་བ་གང་། །དེ་དག་
D218.062.0288a04.01ཡེ་ཤེས་ཡངས་ལ་འཇུག་མི་འགྱུར། །འདིར་ནི་མི་ཞིག་བྱིས་པའི་རང་བཞིན་ཅན། །རྒྱལ་པོ་འབངས་ཀྱིས་བསྐོར་བ་མཐོང་གྱུར་ཀྱང་། །དེ་ནི་བློན་པོའི་ཐབས་ལ་སེམས་བསྐྱེད་ན། །དེ་ཡི་ཤེས་པ་ཡངས་པར་མི་འཇུག་ལྟར། །དེ་ལྟར་སངས་རྒྱས་ཡོན་ཏན་ཆེ་ཉིད་དང་། །ཡེ་ཤེས་
D218.062.0288a05.01རྣམ་པར་འཕྲུལ་པ་ཐོས་གྱུར་ཀྱང་། །ཤེས་པ་དམན་པ་ལ་ནི་འདུན་སྐྱེད་པ། །དེ་ནི་ལེ་ལོ་ཅན་ཏེ་སེམས་ཀྱང་ཞུམ། །ཐེག་པ་དམན་པས་འཇིག་རྟེན་མ་ཆགས་པ། །མཚན་མོ་སྲིན་བུ་མེ་ཁྱེར་སྣང་བ་འདྲ། །ཉི་མའི་གཟི་བརྗིད་ཀྱིས་ནི་ལས་བགྱིད་པ། །སྣང་བ་ཐོབ་ནས་མུན་དང་
D218.062.0288a06.01བྲལ་བར་འགྱུར། །སངས་རྒྱས་སྒྲས་ནི་མཐོ་རིས་མཆི་བར་འགྱུར། །སངས་རྒྱས་སྒྲས་ནི་བཟང་འགྲོར་མཆི་བར་འགྱུར། །འཇིག་རྟེན་འདི་ན་སངས་རྒྱས་སྒྲོན་མའི་མཆོག །ལྷར་བཅས་འཇིག་རྟེན་འདི་ནི་སྣང་བར་མཛད། །ཝ་ཡི་ཁྲོད་ན་སེང་གེ་མཐོང་གྱུར་ན། །ཝ་ཡི་སྐད་ལ་འདུན་
D218.062.0288a07.01