完整藏文原文 · 德格版页 当前仅加载第 62 函德格 292a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲིམས་ཀྱི་ཆོས་རྣམས་དང་། ཚུལ་ཁྲིམས་ཀྱི་ཆོས་རྣམས་ལ་གཉིས་སུ་མི་འབྱེད་པ་དང་། གནོད་སེམས་ཀྱི་ཆོས་རྣམས་དང་། བཟོད་པའི་ཆོས་རྣམས་ལ་གཉིས་སུ་མི་འབྱེད་པ་དང་། ལེ་ལོའི་ཆོས་རྣམས་དང་། བརྩོན་འགྲུས་ཀྱི་ཆོས་རྣམས་ལ་གཉིས་སུ་མི་འབྱེད་པ་
D218.062.0292a01.01དང་། རྣམ་པར་གཡེངས་པའི་ཆོས་རྣམས་དང་། བསམ་གཏན་གྱི་ཆོས་རྣམས་ལ་གཉིས་སུ་མི་འབྱེད་པ་དང་། འཆལ་པའི་ཤེས་རབ་ཀྱི་ཆོས་རྣམས་དང་། ཤེས་རབ་ཀྱི་ཆོས་རྣམས་ལ་གཉིས་སུ་མི་འབྱེད་པ་དེས་ནི་ལས་ཀྱི་སྒྲིབ་པ་རྣམ་པར་དག་པ་ཐོབ་པར་འགྱུར་རོ། འཇམ་དཔལ་
D218.062.0292a02.01གཞན་ཡང་བྱང་ཆུབ་སེམས་དཔའ་གང་ཉོན་མོངས་པ་ཐམས་ཅད་ལ་སངས་རྒྱས་ཀྱི་ཆོས་རྣམས་སུ་མོས་པ་དེས་ནི་ལས་ཀྱི་སྒྲིབ་པ་རྣམ་པར་དག་པ་ཐོབ་པར་འགྱུར་རོ། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་
D218.062.0292a03.01དཔའ་ཇི་ལྟར་ཉོན་མོངས་པ་ཐམས་ཅད་ལ་སངས་རྒྱས་ཀྱི་ཆོས་རྣམས་འཇུག་པར་བགྱིད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ཇི་སྙམ་དུ་སེམས། ཆོས་འགའ་ཙམ་ཡང་ཆོས་འགའ་ཙམ་ལ་ཀུན་ནས་ཉོན་མོངས་པའི་བྱ་བ་བྱེད་དམ། གསོལ་པ། བཅོམ་
D218.062.0292a04.01ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ཇི་སྙམ་དུ་སེམས། ཆོས་འགའ་ཙམ་ཡང་ཆོས་འགའ་ཙམ་ལ་རྣམ་པར་བྱང་བའི་བྱ་བ་བྱེད་དམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ།
D218.062.0292a05.01འཇམ་དཔལ་འདི་ཇི་སྙམ་དུ་སེམས། ཁྱོད་ཀྱིས་མི་སྐྱེ་བའི་ཆོས་ལ་བཟོད་པ་ཇི་ལྟར་ཐོབ། འཇམ་དཔལ་གྱིས་གསོལ་པ། བཅོམ་ལྡན་འདས་བདག་གིས་ནི་ཉོན་མོངས་པ་ཐམས་ཅད་ལ་མི་སྐྱེ་བའི་ཆོས་ལ་བཟོད་པ་ཐོབ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཉོན་མོངས་པ་ཐམས་
D218.062.0292a06.01ཅད་ནི་ནམ་མཁའི་གཞི་ལས་བྱུང་བའི་སླད་དུ་སྟེ། བཅོམ་ལྡན་འདས་བདག་གིས་ནི་ཆོས་འགའ་ཙམ་ཡང་ཡོངས་སུ་མ་འཚལ་ཅིང་མ་སྤངས་ལ། མ་བསྒོམས་ཤིང་མངོན་སུམ་དུ་མ་བགྱིས་ལགས་སོ། །བཅོམ་ལྡན་འདས་བྱིས་པ་སོ་སོའི་སྐྱེ་བོ་ཐམས་ཅད་ནི་སངས་རྒྱས་ཀྱི་ཆོས་རྣམས་དང་
D218.062.0292a07.01