完整藏文原文 · 德格版页 当前仅加载第 67 函德格 264b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་ཡི་གེར་འདྲི་ལ་འདོན་ཅིང་ཀློག་པ་དང་། འཛིན་ཅིང་འཆང་ལ་ཕྱག་འཚལ་ཏེ་ཆོས་ཀྱི་གཞུང་འདི་ལས་བསྟན་པའི་དེ་བཞིན་གཤེགས་པ་འགའི་མཚན་དང་། བྱང་ཆུབ་སེམས་དཔའ་འགའི་མིང་ནས་བརྗོད་ན་ཡང་མི་དེས་ད་ལྟར་གྱི་ཚེ་འདི་ལ་བདེ་ཞིང་སྐྱིད་པ་དང་། སྡིག་པ་མི་དགེ་བ་མི་འབྱུང་ལ།
D265.067.0264b01.01ནམ་འགུམ་པའི་ཚེ་ན་ཡང་བདག་ཅག་བྱང་ཆུབ་སེམས་དཔའ་རྣམས་དང་། ལྷ་རྣམས་ཀྱིས་དེའི་སྔོན་དུ་ཤུལ་འདྲེན་ཅིང་སངས་རྒྱས་ཀྱི་ཞིང་ཡོངས་སུ་དག་པ་དག་མཐོང་ལ། དད་ནས་གནས་གཅིག་ཏུ་སྐྱེ་བར་འགྱུར་རོ། །དེ་ཅིའི་སླད་དུ་ཞེ་ན། ཆོས་ཀྱི་གཞུང་འདི་ལེན་ཅིང་ཡོངས་སུ་བཟུང་བའི་
D265.067.0264b02.01སླད་དུའོ། །མདོ་སྡེ་འདི་ལེན་ཅིང་ཡོངས་སུ་འཛིན་པ་ནི་སངས་རྒྱས་ཀྱི་སྐུ་ཡོངས་སུ་འཛིན་པ་ལགས་སོ། །དེ་བཞིན་གཤེགས་པའི་སྐུ་ཡོངས་སུ་འཛིན་པ་དེ་ནི་བྱང་ཆུབ་སེམས་དཔའ་ལགས་ཏེ། དེ་བས་ན་བདག་ཅག་དང་སློབ་པ་གཅིག་སྟེ། རྒྱུ་དེའི་སླད་དུ་ཆོས་ཀྱི་གཞུང་འདི་ཡོངས་སུ་
D265.067.0264b03.01བཟུང་བས་གནས་གཅིག་ཏུ་སྐྱེ་ཞིང་གཅིག་གིས་གཅིག་མི་སྤོང་ཞིང་མི་འབྲལ་བས་སྨོན་ལམ་གཅིག་པ་ལགས་སོ། །དེ་ནས་ཡང་ལྷ་མ་སྲིན་རྣམས་ཀྱི་རྒྱལ་པོ་དང་ཚངས་པ་ཆེན་པོའི་རྒྱལ་པོ་དང་སུམ་ཅུ་རྩ་གསུམ་གྱི་ལྷ་རྣམས་དང་། འཇིག་རྟེན་སྐྱོང་བ་ཕྱོགས་བཞིའི་རྒྱལ་པོ་ཆེན་པོ་བཞི་དང་།
D265.067.0264b04.01ཕྱག་བརྙན་ལག་ན་རྡོ་རྗེ་དག་དང་། སྡེ་དཔོན་ཆེན་པོ་ལ་སོགས་པ་དང་ཀླུའི་རྒྱལ་པོ་དགའ་བོ་དང་བསྙེན་དགའ་བོ་དང་། ལྷ་མ་ཡིན་གྱི་རྒྱལ་པོ་དང་། ནམ་མཁའ་ལྡིང་གི་རྒྱལ་པོ་དང་། མིའམ་ཅིའི་རྒྱལ་པོ་དང་། བུ་དགུ་མའི་ལྷ་དང་། རིའི་ལྷ་དང་། ཤིང་གི་ལྷ་དང་། འབབ་ཆུའི་ལྷ་དང་།
D265.067.0264b05.01མཚོའི་ལྷ་དང་། སའི་ལྷ་དང་། མེའི་ལྷ་དང་། རླུང་གི་ལྷ་ལ་སོགས་པའི་རྒྱལ་པོ་དང་དེ་དག་ལ་སོགས་པ་ཚད་མེད་གྲངས་མེད་པ་དག་དང་། ལྷ་ཆེན་པོ་རྣམས་དང་འཁོད་པ་ལས་ལངས་ཏེ། གདོང་དང་སྤྱི་བོས་ཕྱག་འཚལ་ནས་ཐལ་མོ་སྦྱར་ཏེ་རྗེས་དང་གུས་པར་བཅས་པས་བཅོམ་ལྡན་འདས་ལ་
D265.067.0264b06.01གསོལ་པ། བཅོམ་ལྡན་འདས་བདག་ཅག་ལ་སོགས་པས་སླན་ཆད་རྟག་ཏུ་བཅོམ་ལྡན་འདས་ཀྱིས་གསུངས་པའི་རྟོགས་པ་ཆེན་པོས་ཡོངས་སུ་རྒྱས་པའི་ཆོས་ཀྱི་གཞུང་འདི་ཡོངས་སུ་བཟུང་སྟེ། མདོ་སྡེ་འདི་གང་ན་གནས་པར་བདག་ཅག་ལྷའི་རྒྱལ་པོ་རྣམས་རྟག་ཏུ་དེའི་མདུན་དུ་མཆིས་ཏེ། གཙང་
D265.067.0264b07.01