完整藏文原文 · 德格版页 当前仅加载第 67 函德格 283a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་མང་པོའི་མདུན་དུ་མཐོལ་ཞིང་བཤགས་པར་འཚལ་ན་དེ་གནང་བར་གསོལ་ལོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། འཇིགས་པའི་སེམས་བསྐྱེད་དཀའ་བ་དང་། དགེ་བའི་སེམས་བསྐྱེད་དཀའ་བ་ལས་བསྐྱེད་པ་ནི་ལེགས་སོ་ལེགས་སོ། །
D265.067.0283a01.01ཁྱོད་ཀྱིས་མི་དགེ་བ་བཅུ་བཤགས་པ་དང་། མཚམས་མེད་པ་ལྔ་བཤགས་པ་དང་། འདོད་ཆེན་ལ་སོགས་པ་བཤགས་ནས་དེ་བཞིན་གཤེགས་པའི་སྙིང་པོ་དེ་མཐོང་བར་འདོད་པ་དེ་ལེགས་ཀྱིས་ཡིད་ལ་སེམས་པ་བཞིན་མཐོལ་ཅིག །དེ་ནས་རྒྱལ་བུ་དགེ་མཐོང་དང་མི་སུམ་སྟོང་གིས་བཅོམ་
D265.067.0283a02.01ལྡན་འདས་ཀྱི་བྱམས་པའི་གསུང་ཐོས་ནས་ཆོས་གོས་ཚུལ་བཞིན་དུ་བགོས་ནས་ཐལ་མོ་སྦྱར་ཏེ་སྤྱི་བོས་བཏུད་ནས་ཕྲག་པ་གཡས་པ་ཆོས་བཞིན་དུ་ཕྱུང་། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་ཅག་ལ་སོགས་པ་ཕྱོགས་
D265.067.0283a03.01བཅུའི་སངས་རྒྱས་བཅོམ་ལྡན་འདས་རྣམས་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཕྱོགས་བཅུའི་ཆོས་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཕྱོགས་བཅུའི་དགེ་འདུན་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཡང་ཤར་ཕྱོགས་ཀྱི་དེ་བཞིན་གཤེགས་པ་འཁྲུགས་མི་མངའ་ལ་
D265.067.0283a04.01ཕྱག་འཚལ་ཞིང་སྐྱབས་སུ་གསོལ་ལོ། །ཡང་ལྷོ་ཕྱོགས་ཀྱི་དེ་བཞིན་གཤེགས་པ་རིན་ཆེན་འབྱུང་ལྡན་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཡང་ནུབ་ཕྱོགས་ཀྱི་དེ་བཞིན་གཤེགས་པ་སྣང་བ་མཐའ་ཡས་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཡང་བྱང་ཕྱོགས་ཀྱི་དེ་བཞིན་
D265.067.0283a05.01གཤེགས་པ་གདོན་མི་ཟ་བར་གྲུབ་པ་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཡང་སྟེང་གི་ཕྱོགས་ཀྱི་དེ་བཞིན་གཤེགས་པ་སྤོས་བརྩེགས་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཡང་འོག་གི་ཕྱོགས་ན་དེ་བཞིན་གཤེགས་པ་འབུམ་གཟུགས་ལ་ཕྱག་འཚལ་ཞིང་སྐྱབས་སུ་གསོལ་ལོ། །
D265.067.0283a06.01ཤར་ཕྱོགས་ན་འཕགས་པ་ཀུན་ཏུ་བཟང་པོ་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །ལྷོ་ཕྱོགས་ན་འཕགས་པ་འཇིག་རྟེན་གཟུངས་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །ནུབ་ཕྱོགས་ན་འཕགས་པ་སྤྱན་རས་གཟིགས་དབང་ཕྱུག་ལ་ཡང་ཕྱག་འཚལ་ཞིང་སྐྱབས་སུ་
D265.067.0283a07.01