完整藏文原文 · 德格版页 当前仅加载第 67 函德格 282b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། དང་བའི་དབང་གིས་སོ། །ང་འདས་པའི་ཕྱི་ན་རིགས་ཀྱི་བུ་དང་། རིགས་ཀྱི་བུ་མོ་གང་ལ་ལ་ཞིག་གིས་ཉིན་གཅིག་གམ། མཚན་གཅིག་གམ། དུས་གཅིག་གམ། སྐད་ཅིག་ལ་ཕྱོགས་བཅུ་ན་དུས་གསུམ་དུ་གཤེགས་པའི་སངས་རྒྱས་དང་། གསུང་རབ་མདོ་སྡེ་བཅུ་གཉིས་དང་།
D265.067.0282b01.01བྱང་ཆུབ་སེམས་དཔའ་རྣམས་ལ་ཕྱག་འཚལ་ནུས་ཤིང་ཐེག་པ་ཆེན་པོ་ཚུལ་བཞིན་དུ་ཡིད་ལ་བྱེད་པ་དང་། དོན་དམ་པའི་བདེན་པ་ཇི་བཞིན་པར་ཡིད་ལ་བྱེད་པའི་གང་ཟག་དེ་ནི་ཐང་ཅིག་ཡུད་ཙམ་ཅིག་གིས་མི་དགེ་བ་བཅུ་དང་། མཚམས་མེད་པ་ལྔ་དང་། མཉམ་པ་ཉིད་ལ་སྐུར་བ་དང་། ཀུན་ནས་
D265.067.0282b02.01ཉོན་མོངས་པའི་ལས་ཐམས་ཅད་ཀུན་མ་ལུས་པར་བྱང་བར་འགྱུར་རོ། །ཡང་དགེ་སློང་ཕའམ། དགེ་སློང་མའམ། བྱང་ཆུབ་སེམས་དཔའ་འམ། དགེ་ཚུལ་ཕའམ། དགེ་ཚུལ་མས་ངོ་བོ་ཉིད་ཀྱི་སེམས་སྟོར་བས་རང་གི་རྩ་བ་བཞི་གཞིག་པ་དང་། སྡོམ་པ་བརྒྱད་ཉམས་
D265.067.0282b03.01པ་དང་། ལྕི་བ་དྲུག་དང་། མི་དགེ་བ་བཅུ་དང་། མཚམས་མེད་པ་ལྔ་བྱས་པ་དང་། མཉམ་པ་ཉིད་ལ་སྐུར་བ་ཡང་ཕྱོགས་བཅུ་དུས་གསུམ་དུ་གཤེགས་པའི་སངས་རྒྱས་བཅོམ་ལྡན་འདས་རྣམས་ཀྱི་མཚན་ལ་མོས་པ་བསྐྱེད་དེ་ཕྱག་འཚལ་ན་དེ་ལྟ་བུའི་ལས་མི་དགེ་བ་ཀུན་མ་ལུས་པར་
D265.067.0282b04.01འབྱང་བར་འགྱུར་རོ། །དེ་སྐད་ཅེས་བཀའ་སྩལ་མ་ཐག་ཏུ་དེ་ནས་སངས་རྒྱས་འོད་ངེས་པ་ཞེས་བྱ་བ་དེའི་དྲུང་ནས་དེའི་ཚེ་རྒྱལ་བུ་དགེ་མཐོང་དང་མི་སུམ་སྟོང་པོ་རྣམས་བློ་བུར་དུ་སྐད་ཅིག་གཅིག་གིས་དུས་དེར་ལྷགས་ནས་བཅོམ་ལྡན་འདས་ཀྱི་ཞབས་ལ་སྤྱི་བོས་གཏུགས་ཏེ། ཕྱག་འཚལ་ནས་
D265.067.0282b05.01མགྲིན་གཅིག་ཏུ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ལ་སོགས་པས་བསྐལ་པ་དཔག་ཏུ་མ་མཆིས་པ་ནས་མི་དགེ་བའི་ལས་བགྱིས་ཤིང་བསགས་པ་ནི་བརྗོད་ཀྱིས་ཀྱང་མི་རྫོགས་ཏེ། ལ་ལས་ནི་མི་དགེ་བ་བཅུ་བགྱིས། ལ་ལས་ནི་
D265.067.0282b06.01མཚམས་མ་མཆིས་པ་ལྔ་བགྱིས། ལ་ལས་ནི་མཉམ་པ་ཉིད་ཀྱི་ཆོས་ལ་སྐུར་པ་ལ་སོགས་པ་བསམ་གྱིས་མི་ཁྱབ་ཅིང་བརྗོད་ཀྱིས་མི་རྫོགས་པའི་སྡིག་པ་བགྱིས་པ་དེ་དག་དུས་གསུམ་གྱི་དེ་བཞིན་གཤེགས་པ་རྣམས་དང་། གསུང་རབ་ཡན་ལག་བཅུ་གཉིས་ཀྱི་མདོ་སྡེ་ལ་བརྟེན་ནས།
D265.067.0282b07.01