完整藏文原文 · 德格版页 当前仅加载第 67 函德格 286b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །ཕྱོགས་བཅུའི་སངས་རྒྱས་ཐམས་ཅད་ད་བདག་གིས་མཆོད་ནས་སེམས་ཅན་མ་ལུས་པ་ཐམས་ཅད་ས་བཅུ་ལ་གནས་པར་བགྱིས་ཏེ། ཀུན་གྱིས་དེ་བཞིན་གཤེགས་པའི་ཡང་དག་པ་ཉིད་ཐུགས་སུ་ཆུད་པ་དང་ལྡན་པར་བགྱིས་པར་གྱུར་ཅིག །དེ་ནས་བཅོམ་ལྡན་འདས་ཀྱིས་རྒྱལ་བུ་དགེ་མཐོང་ལ་
D265.067.0286b01.01བཀའ་སྩལ་པ། ལེགས་སོ་ལེགས་སོ། །རྒྱལ་རིགས་དྲ་མ་ཆེན་པོ་རབ་ཏུ་ལེགས་སོ། །རྒྱལ་རིགས་དྲ་མ་ཆེན་པོ་བདག་ཉིད་ཀྱིས་དགེ་སྡིག་གི་ལས་ལ་རྟོག་པ་མཁས་ཏེ། འཇིགས་ཤིང་སྐྲག་པ་ཆེན་པོས་འགྱོད་ནས་སྡིག་པའི་ལས་རྣམས་མངོན་པར་བཤགས་ཀྱི་སྟེང་དུ། སེམས་
D265.067.0286b02.01ཅན་ཐམས་ཅད་ཀྱི་ཕྱིར་ཡང་མཐོལ་ཞིང་སོ་སོར་བཤགས་པ་དེ་བས་ན་ཁྱོད་ནི་རྒྱལ་རིགས་དྲ་མ་ཆེན་པོ་ཉིད་ཡིན་ཏེ། བདག་སྡིག་པ་མི་དགེ་བ་དང་བྲལ་གྱི་སྟེང་དུ། སེམས་ཅན་ཐམས་ཅད་ཀྱང་སྡིག་པ་དང་བྲལ་བར་བྱས་པ་དང་། བདག་ཉིད་ཀྱི་ཕྱིར་སྨོན་ལམ་མ་བཏབ་པས་སྔར་སེམས་ཅན་ཐམས་ཅད་ཀྱི་དོན་
D265.067.0286b03.01དུ་སྨོན་ལམ་བཏབ་སྟེ། དེ་བཞིན་གཤེགས་པའི་བཀའ་ཡང་དག་པ་ཉིད་ཐུགས་སུ་ཆུད་པ་དང་ལྡན་པར་བསྔོས་པས་ན་ཁྱོད་ནི་རྒྱལ་རིགས་དྲ་མ་ཆེན་པོ་ཡང་དག་པ་ཉིད་ཡིན་ནོ། །དེ་ནས་རྒྱལ་བུ་དགེ་མཐོང་དང་། མི་སུམ་སྟོང་གིས་མཐོལ་ཞིང་བཤགས་ཟིན་ནས་བཅོམ་ལྡན་འདས་ལ་
D265.067.0286b04.01ཚིགས་སུ་བཅད་པས་བསྟོད་པ། བཅོམ་ལྡན་ཉག་གཅིག་རབ་ཀྱི་མཆོག །ཁམས་གསུམ་རྒྱན་ལགས་ཡབ་ཡུམ་དང་། །ཐམས་ཅད་སྙོམས་པའི་ཡེ་ཤེས་ལགས། །ཀུན་ལ་སྙོམས་པའི་དཔེ་མ་མཆིས། །སངས་རྒྱས་དཀོན་ལ་ཕྱག་འཚལ་ལོ། །བྱིས་པས་ཤེས་རབ་བདག་ཕྱིར་སྤྱད། །ནོར་
D265.067.0286b05.01རྫས་བྱིན་ལ་ལན་འདོད་ཕྱིར། །བྱམས་ཆེན་སངས་རྒྱས་དེ་མིན་ཏེ། །དགྲ་སྡང་ཉེ་བྱམས་སྙོམས་མཛད་པའི། །བརྩོན་འགྲུས་ཆེ་ལ་བདག་སྐྱབས་མཆི། །རྐང་གཉིས་ཀུན་ལ་སངས་རྒྱས་གཙོ། །ཤེས་རབ་སྤྱན་ལྡན་མཁྱེན་གཟིགས་ཁྱབ། །ལྷ་རྣམས་ཤེས་རབ་དེ་མ་འཚལ། །དུས་གསུམ་སངས་རྒྱས་
D265.067.0286b06.01ཐམས་ཅད་ལ། །བདག་ཅག་ཀུན་གྱིས་གུས་ཕྱག་འཚལ། །དེ་བཞིན་སངས་རྒྱས་བདག་སྐྱབས་མཆི། །དུས་གསུམ་སངས་རྒྱས་མཆོད་བྱས་འདྲ། །དེ་ནས་ཕྱོགས་བཅུའི་དེ་བཞིན་གཤེགས་པ་རྣམས་ཀྱིས་རྒྱལ་བུ་དགེ་མཐོང་དང་། མི་སུམ་སྟོང་ལ་ཚིགས་སུ་བཅད་དེ་བཀའ་སྩལ་པ། སངས་རྒྱས་ཆོས་ནི་ཚོགས་
D265.067.0286b07.01