完整藏文原文 · 德格版页 当前仅加载第 67 函德格 284a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་དང་། ལྷའི་མིག་དང་ལྡན་པ་དང་། ལྷའི་རྣ་བ་དང་ལྡན་པ་དེ་དག་ཐམས་ཅད་ཀྱིས་གཟིགས་ཤིང་གསོན་ཏེ་ཀུན་གྱིས་དབང་མཛད་པར་གསོལ་ལོ། །བདག་ཅག་ལ་སོགས་པ་སེམས་ཅན་ཐམས་ཅད་ལ་མ་མཐོལ་མ་བཤགས་པ་ཞིག་མཆིས་ན་ཡང་སྡིག་པ་ཐམས་
D265.067.0284a01.01ཅད་བྱང་བར་གྱུར་ཅིག །བདག་ཅག་ལ་སོགས་པ་སེམས་ཅན་ཐམས་ཅད་འཁོར་བའི་ཁམས་ཚུན་ཆད་ནས། ད་ལྟར་གྱི་ལུས་ངན་པ་འདི་ཐོབ་པའི་བར་དུ་རྨོངས་ཤིང་བསླད་པའི་སེམས་ཀྱིས་ལོག་པར་མཐོང་བ་དཔག་ཏུ་མ་མཆིས་པས་ལས་དང་ཉོན་མོངས་པ་དང་། མི་དགེ་བའི་ལས་
D265.067.0284a02.01བགྱིས་པ་ནི་བརྗོད་ཀྱིས་མི་རྫོགས་ཏེ་སྡིག་པ་མང་པོ་ཅི་བགྱིས་པ་རྣམས་བདག་ཉིད་ཀྱིས་མ་ཚོར་མ་རིག་པས་མི་དགེ་བའི་སེམས་རབ་ཏུ་རྒྱས་པའི་དབང་གིས་འཇིག་རྟེན་ཕ་རོལ་མ་མཐོང་ཞིང་། ཚེ་འདི་འབའ་ཞིག་མཐོང་བ་ལ་གནས་ཏེ། ཉོན་མོངས་པའི་བག་ཆགས་ལ་མོས་པས་དགེ་བའི་
D265.067.0284a03.01རྩ་བ་དང་རིང་དུ་གྱུར་ཅིང་མི་དགེ་བའི་ལས་ཀྱིས་བར་ཆད་དུ་གྱུར་ཅིང་བསྒྲིབས་པའམ། སྡིག་པའི་གྲོགས་པོ་ལ་བརྟེན་པས་དགེ་སློང་ཕ་དང་། དགེ་སློང་མ་ལ་མི་རིགས་ཤིང་ཚུལ་མ་ལགས་པའི་ལས་བགྱིས་པའམ། ཕ་དང་མ་ལ་མི་རིགས་ཤིང་ཚུལ་མ་ལགས་པའི་ལས་བགྱིས་པ
D265.067.0284a04.01འམ། ཡང་རང་ཉམ་གྱི་དབང་གིས་ཕྱོགས་བཅུའི་དགེ་འདུན་གྱི་ནོར་དང་། ཡོ་བྱད་ལ་སོགས་པ་སྤྱོད་པ་དང་དགེ་འདུན་སྡེ་ལྔ་ལ་ཡང་མི་རིགས་ཤིང་ཚུལ་མ་ལགས་པའི་ལས་བགྱིས་པའམ། འཇིག་རྟེན་གྱི་ཀུན་ནས་ཉོན་མོངས་པའི་འབྲས་བུ་དཔག་ཏུ་མེད་པ་སྙེད་བཤད་པ་དང་།
D265.067.0284a05.01བྱང་ཆུབ་ཀྱི་དགེ་བའི་རྩ་བའི་སེམས་ཅན་ལའང་ངན་དུ་སྨད་པ་དང་། ཆོས་ཀྱི་མཁན་པོ་ལ་སྐུར་བའམ། དམ་པའི་ཆོས་ནི་ཆོས་མ་ལགས་པར་བཤད་པའམ། ཆོས་མ་ལགས་པ་ནི་དམ་པའི་ཆོས་ལགས་པར་བཤད་པའམ། དེ་བཞིན་གཤེགས་པ་ནི་མི་རྟག་ཅེས་བགྱིས་པའམ། དམ་པའི་ཆོས་
D265.067.0284a06.01ཀྱང་མི་རྟག་གོ་ཞེས་བགྱིས་པའམ། དགེ་འདུན་དཀོན་མཆོག་ཀྱང་མི་རྟག་གོ་ཞེས་བགྱིས་པའམ། ཕན་པའི་སྦྱིན་པ་ལ་མ་དད་པའམ། ཆོས་ལོག་པ་ལ་དད་ཅིང་འཛིན་པ་དེ་ལྟ་བུའི་སླད་དུ། ད་འཇིགས་ཤིང་སྐྲག་པ་ནི་དཔག་ཏུ་མ་མཆིས་འཛེམ་ཞིང་གནོང་བ་བསམ་གྱིས་མི་ཁྱབ་སྟེ།
D265.067.0284a07.01