完整藏文原文 · 德格版页 当前仅加载第 67 函德格 265a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་དག་པར་བགྱིས་ལ། མཆོད་རྟེན་གྱི་ནང་ངམ། མི་ཕལ་གྱི་གནས་སམ། དབེན་པའི་ཕྱོགས་གང་ན་གནས་སམ། ཡང་ན་མདོ་སྡེ་འདི་གཙང་སྦྲ་མ་ཕྱེད་པའི་ཡན་ལག་གིས་འཛིན་ཀྱང་རུང་། བདག་ཅག་གིས་མི་དེ་ལ་མི་རིགས་པའི་གནོད་པས་མི་ཚུགས་པར་
D265.067.0265a01.01བགྱིའོ། །དེ་མཆིས་པའི་གནས་ཁྱིམ་གྱི་རིམ་གྲོ་ཡང་བགྱིའོ། །བདག་ཅག་ལྷའི་རྒྱལ་པོ་ལ་སོགས་པ་ཐམས་ཅད་ཀྱིས་དེ་ཕན་ཚུན་མཆི་ན་ཡང་དེའི་མདུན་དུ་འདྲེན་ཅིང་ཤུལ་སེལ་བ་དང་། ཅི་འཚལ་བ་བསྒྲུབ་པར་བགྱིའོ། །དེ་ཕྱོགས་བཞི་དག་ཏུ་མཆིས་ན་ཡང་སྒྲིབ་ཅིང་ཆགས་པ་མ་མཆིས་
D265.067.0265a02.01ལ། རྟག་ཏུ་དགེ་བའི་ཆོས་མཐོང་ཞིང་ཚེ་རྗེས་ན་ལྷའི་ནང་དུ་སྐྱེ་བ་དང་། དེའི་བསོད་ནམས་ཀྱིས་སངས་རྒྱས་འབྱུང་བ་དང་མཇལ་ཞིང་ཐེག་པ་ཆེན་པོ་ལས་མི་ཉམས་པར་བགྱིའོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་། ལྷ་མ་སྲིན་
D265.067.0265a03.01རྣམས་ཀྱི་རྒྱལ་པོ་ལ་སོགས་པ་དེ་དག་ལ་བཀའ་སྩལ་པ། དེ་དེ་བཞིན་ནོ། །དེ་དེ་བཞིན་ཏེ། ཁྱོད་ཀྱིས་སྨྲས་པ་དེ་བཞིན་ཏེ། ཆོས་ཀྱི་གཞུང་འདི་ལྟ་བུ་འདི་ཐོས་པར་ཡང་དཀའ་ན་རྟོགས་པར་ལྟ་སྨོས་ཀྱང་ཅི་དགོས། ཆོས་ཀྱི་གཞུང་འདི་ལེན་ཅིང་འཛིན་ལ་འདོན་ཅིང་ཀློག་པར་བྱེད་ན།
D265.067.0265a04.01གཙང་སྦྲ་དང་ཁྲུས་ཀྱིས་དག་ཅིང་དད་པར་བྱས་ལ། གོས་གཙང་མ་བགོས་ཏེ་གནས་གཙང་མར་བྱས་ལ། དར་གྱི་བླ་རེ་དང་བ་དན་ལ་སོགས་པས་གནས་ཀྱི་ནང་བཟང་པོར་བྱས་ཏེ་བརྒྱན་ལ། སྤོས་མཆོག་ཏུ་དྲི་ཞིམ་པ་ཙན་དན་དང་། ཕྱེ་མ་དག་གིས་བྱུག་པ་དང་། སྤོས་རྣམ་པ་མང་
D265.067.0265a05.01པོ་བསྲེགས་ནས་ཕྱག་འཚལ་ཏེ། ཉིན་ཞག་གཅིག་ལ་ཉིན་ལན་གསུམ་མཚན་ལན་གསུམ་དུ་དེ་ལྟ་བུར། ཉིན་ཞག་བདུན་གྱི་བར་དུ་ཆོས་ཀྱི་གཞུང་འདི་ཀློག་ཅིང་འདོན་ཏེ་སེམས་དང་ཡིད་མི་གཡེང་བ་དང་། དྲན་པ་མི་གཡེལ་ཞིང་གཅིག་ཏུ་བརྟན་པ་དང་། བསམ་པ་དྲང་བ་དང་། དྲན་
D265.067.0265a06.01པ་ཉེ་བར་གཞག་ཅིང་འགྲོ་བ་དང་ལེན་ཅིང་འཛིན་པ་མ་འཁྲུལ་པ་དང་། སྤྱོད་ལམ་བརྟན་པ་དང་། འདོན་ཅིང་ཟློས་པ་ཕྱིན་ཅི་མ་ལོག་པ་དེ་ལྟ་བུའི་ཚུལ་དུ་མདོ་སྡེ་འདི་ལས་བསྟན་པའི་དེ་བཞིན་གཤེགས་པ་རྣམས་དང་། མདོ་སྡེ་བཅུ་གཉིས་དང་། བྱང་ཆུབ་སེམས་དཔའ་རྣམས་ཀྱི་
D265.067.0265a07.01