完整藏文原文 · 德格版页 当前仅加载第 79 函德格 196a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཤྲཱི་ཙཀྲ་སྃ་བ་ར་གུ་ཧྱ་ཨ་ཙིནྟ་ཏནྟྲ་རཱ་ཛ། བོད་སྐད་དུ། དཔལ་འཁོར་ལོ་སྡོམ་པ་གསང་བ་བསམ་གྱིས་མི་ཁྱབ་པའི་རྒྱུད་ཀྱི་རྒྱལ་པོ། །དཔལ་བདེ་བ་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན།
D385.079.0196a01.01བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་ཐུགས་རྡོ་རྗེ་བཙུན་མོའི་བྷ་ག་ལ་སྙོམས་པར་བཞུགས་སོ། །དེའི་ཚེ་དེའི་དུས་ན་འཁོར་འདུས་པ་ཐམས་ཅད་ཀུན་རྫོབ་འཁོར་བའི་ཆོས་ལ་སྐྱོ་བར་གྱུར་ཏོ། །དེ་ནས་གསང་བའི་བདག་པོ་དཔལ་ཕྱག་ན་རྡོ་རྗེས་
D385.079.0196a02.01གསོལ་པ། །ཀྱེ་ཀྱེ་བཅོམ་ལྡན་ཧེ་རུ་ཀ། །ཀུན་རྫོབ་འཁོར་བའི་ཆོས་རྣམས་ཀྱི། །དེ་ཡི་རང་བཞིན་ཇི་ལྟ་བུ། །གཙོ་བོས་བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །སླུ་བའི་མཐའ་དང་མཚན་མར་སྣང་། །དེ་ཉིད་ཀུན་རྫོབ་འཁོར་བའི་ཆོས། །སེམས་
D385.079.0196a03.01ཉིད་བསམ་གྱིས་མི་ཁྱབ་པ། །འཁོར་བའི་ཆོས་ཀྱི་རང་བཞིན་ནོ། །ཕྱག་ན་རྡོ་རྗེས་ཡང་ཞུས་པ། །བསམ་གྱིས་མི་ཁྱབ་སེམས་ཉིད་ཀྱིས། །དབྱེ་བ་མི་མཐུན་གྲངས་དག་དང་། །དུས་དང་གནས་པའི་ཚུལ་དག་དང་། །འཇུག་པའི་དུས་དང་ཐབས་རྣམས་དང་། །གནས་པའི་ཚད་དང་
D385.079.0196a04.01རིམ་པ་དག །གཙོ་བོས་བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །བག་ཆགས་ཉོན་མོངས་ཡེ་ཤེས་སྐུ། །རིས་དྲུག་རྩ་ཤིང་འཁྲིལ་ལྕུག་གི། །རང་བཞིན་ངག་གི་ལམ་འདས་ལ། །དེ་ཉིད་བསམ་གྱིས་མི་ཁྱབ་སྟེ། །དུས་གསུམ་སངས་རྒྱས་ངོ་བོ་
D385.079.0196a05.01ཡིན། །བདེ་གཤེགས་ཀུན་གྱི་ཐུགས་ཀྱི་གསང་། །དེ་ནི་ང་ཡིས་བཤད་ཀྱིས་ཉོན། །རྟག་ཆད་སྐྱེ་འགག་ལ་སོགས་པའི། །མཐའ་སྤངས་སེམས་ཉིད་རང་རིག་ཅིང་། །གདོད་ནས་སྤྲོས་བྲལ་བདེ་བ་ཉིད། །དེ་དོན་བསམ་གྱིས་མི་ཁྱབ་ངེས། །དེ་ཉིད་དབྱེ་བར་རབ་འབྲིང་ཐ། །རྣམ་
D385.079.0196a06.01པ་གསུམ་དུ་ཤེས་བྱ་སྟེ། །དང་པོར་རང་རིག་བསམ་མི་ཁྱབ། །རྒྱུ་དང་ལམ་རྟགས་བསམ་མི་ཁྱབ། །མཐའ་དང་ཉོན་མོངས་བསམ་མི་ཁྱབ། །ཆོས་དང་ལྟ་སྤྱོད་བསམ་མི་ཁྱབ། །ཡི་གེ་བསམ་གྱིས་མི་ཁྱབ་པ། །མདོར་བསྟན་དེ་ཉིད་རྣམ་པར་དབྱེ། །གཟུགས་སྒྲ་དྲི་རོ་རེག་བྱ་ཆོས། །
D385.079.0196a07.01