完整藏文原文 · 德格版页 当前仅加载第 79 函德格 197a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སོགས་ཉི་ཁྲི་དང་། །ཆིག་སྟོང་རྩ་བ་ཉེ་བ་དང་། །ཞེ་སྡང་ལ་སོགས་དེ་བཞིན་ཏེ། །ཉོན་མོངས་དབྱེ་བ་རྒྱས་པའོ། །ཀུན་ནས་ཉོན་མོངས་རྣམ་པར་བྱང་། །འདོད་ཆགས་ཆེ་དང་སྦྱིན་པ་སོགས། །རྒྱུ་ཡི་དབྱེ་བ་རྒྱས་པའོ། །སེམས་དང་ནམ་མཁའ་ཡེ་
D385.079.0197a01.01ཤེས་དང་། །སངས་རྒྱས་འོད་གསལ་ཟུང་འཇུག་སོགས། །རང་རིག་དབྱེ་བ་རྒྱས་པའོ། །བློས་བརྟགས་མཚན་མར་སྣང་བ་དང་། །སྒྲོ་འདོགས་པ་དང་སྐུར་འདེབས་དང་། །རིམ་མིན་མོས་པ་ཁྱད་པར་ཚོལ། །རྡུལ་ཙམ་ཁས་ལེན་བློས་འཇོག་ཅིང་། །སངས་རྒྱས་ཉིད་ཀྱང་སྒྲུབ་
D385.079.0197a02.01བྱེད་པ། །གང་ལྟར་བཅོས་ཀྱང་དེ་མཐའ་སྟེ། །གང་ཞིག་མཐར་ལྷུང་ལྟ་བ་དེ། །རང་རིག་གཞན་རིག་སེམས་མ་ཡིན། །ཀུན་རྫོབ་དོན་དམ་གཉིས་མ་ཡིན། །རང་རིག་རྟོག་གེ་སྐམ་པོ་དང་། །མཐར་ལྟུང་དབུ་མར་ཁས་ལེན་པ། །དེ་ནི་སེམས་ཉིད་རང་རིག་དང་། །བརྗོད་མེད་
D385.079.0197a03.01བསམ་གྱིས་མི་ཁྱབ་པའི། །མི་མཐུན་པ་ཡི་ཕྱོགས་ཡིན་ཏེ། །དེ་བྲལ་བསམ་གྱིས་མི་ཁྱབ་པའི། །རང་རིག་ཡེ་ཤེས་ཆེན་པོ་ཡིན། །སྦྱིན་སོགས་དཀར་པོའི་ཆོས་རྣམས་དང་། །རང་རིག་སྤྱི་ཡི་རྣམ་པ་ཡིས། །རང་རིག་ཡེ་ཤེས་ཆེན་པོ་ལ། །ཐབས་དང་ཐབས་ལས་བྱུང་བ་
D385.079.0197a04.01འམ། །རྒྱུ་དང་འབྲས་བུ་ལ་སོགས་པ། །རྡུལ་ཙམ་ཐ་སྙད་ཡོད་མ་ཡིན། །རང་འབྱུང་ཡེ་ཤེས་ཡིན་པའི་ཕྱིར། །འདོད་ཆགས་ལ་སོགས་སྐྱོན་གྱིས་ཀྱང་། །དེ་ལ་སྒྲིབ་པ་མ་ཡིན་ཏེ། །ནམ་མཁའ་ལ་ནི་སྤྲིན་བཞིན་ནོ། །རང་རིག་གཞན་རིག་བྱེ་བྲག་གིས། །སེམས་ཅན་སངས་རྒྱས་
D385.079.0197a05.01གཉིས་སུ་དབྱེ། །རང་རིག་སྤྲིན་མེད་ནམ་མཁའ་ལ། །གཞན་རིག་རྣམ་རྟོག་ནམ་མཁར་མཚུངས། །སྤྲིན་སོགས་རླུང་གིས་གཏོར་བྱས་ཏེ། །སྤྲིན་མེད་མཁའ་འདྲ་སྣང་བ་ཉིད། །གཞན་རིག་རྣམ་རྟོག་བྲལ་བ་ལ། །སྒྲིབ་བྲལ་སངས་རྒྱས་ཞེས་བྱ་སྟེ། །རང་རིག་ཁོ་ན་ཙམ་དུ་ཟད། །
D385.079.0197a06.01དཔེར་ན་སྐྱེས་བུ་ནམ་མཁའ་ལྟ་བ་ལ། །སྤྲིན་གྱིས་སྐྱེས་བུའི་མིག་ལ་བསྒྲིབས་པ་ལས། །ནམ་མཁའ་དེ་ལ་མ་བསྒྲིབས་ཇི་བཞིན་ནོ། །གྲངས་ནི་དང་པོ་གཅིག་ཡིན་ཏེ། །གཞན་རིག་རང་རིག་གྱུར་པ་ལས། །དག་པ་གཞན་གྱིས་རྣམ་གྲོལ་མིན། །འདིར་ནི་རང་རིག་གཅིག་ཁོ་ན། །
D385.079.0197a07.01