完整藏文原文 · 德格版页 当前仅加载第 79 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
རིག་བསམ་མི་ཁྱབ་པ་ལ། །སྦྱིན་དང་བྱམས་སོགས་དགོངས་པ་ཅི། །སྐུ་གཉིས་གཞན་དོན་གང་ལས་བྱུང་། །བསམ་མི་ཁྱབ་ལ་ལེགས་གནས་པས། །དེ་ཉིད་ཅི་ལགས་ཕྱི་རུ་ཅི། །བཅོམ་ལྡན་འདས་ཀྱིས་བཀའ་སྩལ་པ། །སྦྱིན་དང་བྱམས་པ་ལ་
D385.079.0199a01.01སོགས་པས། །གཞན་རིག་རྣམ་རྟོག་འགགས་པ་དང་། །སྐུ་གཉིས་སེམས་ཅན་དོན་མཛད་པའི། །སེམས་ཅན་རྣམས་ནི་སངས་རྒྱས་སུ། །འབྱུང་བའི་རྐྱེན་དུ་ངེས་པས་ན། །བསམ་མི་ཁྱབ་ལ་མི་གནས་ཀྱང་། །སྦྱིན་སོགས་འབད་དེ་བསླབ་པར་བྱ། །དེ་ལ་བསམ་མི་
D385.079.0199a02.01ཁྱབ་པ་འབྱུང་། །སྐུ་གཉིས་སྟོབས་དང་མི་འཇིགས་དང་། །གཟུངས་དང་ཏིང་འཛིན་ལས་རྣམས་ཀུན། །སྦྱིན་ལ་སོགས་པ་སྦྱིན་བྱས་ནས། །བསམ་མི་ཁྱབ་པ་འབྱུང་བར་ངེས། །དེ་ཉིད་རྟོགས་ན་བསམ་མི་ཁྱབ། །དེ་ཉིད་མ་རྟོགས་འཁོར་བའི་ཆོས། །དབུལ་པོས་ནོར་བུའི་
D385.079.0199a03.01བྱི་དོར་བཞིན། །བསམ་མི་ཁྱབ་ལ་སེམས་གཞག་ཀྱང་། །བསྐྱེད་རྫོགས་རིམ་པས་སེམས་གནས་ནས། །དེ་ནི་སྔོན་སྦྱངས་འཕྲོ་ཅན་ཏེ། །སེམས་ཀྱི་ཡིག་མགོ་གཅད་པ་གཅེས། །རང་སེམས་ལས་སུ་རུང་བ་ན། །དེ་ནི་ཕྱི་རྟགས་ནང་དུ་སྟེ། །དེ་ཉིད་ནང་རྟགས་ཕྱི་རུ་འབྱུང་། །
D385.079.0199a04.01ལུས་ལ་དྲི་མེད་སྲིན་བུ་མེད། །སྐྲ་དཀར་གཉེར་མ་སོགས་མེད་པ། །བསྐྱེད་དང་རྫོགས་པའི་རྟགས་ཡིན་ནོ། །འཁོར་བ་སྒྱུ་མར་སྣང་བ་དང་། །སྤྲིན་མེད་མཁའ་ལྟར་གང་སྣང་བ། །བསམ་མི་ཁྱབ་པའི་རྟགས་ཡིན་ནོ། །དེ་ནས་འཁོར་འདུས་པ་དེ་དག་ཐམས་ཅད་ཆོས་
D385.079.0199a05.01ཐམས་ཅད་ཀྱི་རང་བཞིན་དེ་ཁོ་ན་ཉིད་བསམ་གྱིས་མི་ཁྱབ་པ་ལ་རྗེས་སུ་ཡི་རང་བར་གྱུར་ཏོ།། །།དཔལ་འཁོར་ལོ་སྡོམ་པའི་གསང་བ་བསམ་གྱིས་མི་ཁྱབ་པའི་རྒྱུད་ཀྱི་རྒྱལ་པོ་བཅོམ་ལྡན་འདས་ཀྱིས་གསུངས་པ་རྫོགས་སོ།། །།པཎྜི་ཏ་ག་ཡ་དྷ་ར་དང་། ལོཙྪ་བ་ཤཱཀྱ་ཡེ་
D385.079.0199a06.01ཤེས་ཀྱིས་བསྒྱུར་བའོ།། །།
D385.079.0199a07.01