完整藏文原文 · 德格版页 当前仅加载第 79 函德格 196b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཉིད་ཆོས་ནི་བསམ་མི་ཁྱབ། །ཨ་ནི་ཡི་གེ་དམ་པ་སྟེ། །ཁོང་ནས་འབྱུང་བ་སྐྱེ་བ་མེད། །སྐྱེ་བ་ཀུན་གྱི་རྒྱུར་གྱུར་པ། །ཡི་གེ་དམ་པ་བསམ་མི་ཁྱབ། །ཕྲག་བྱུང་ཁྲུས་དང་གཙང་སྦྲ་དང་། །རྒྱན་ཆ་གཅེར་བུ་ཐལ་གོས་སོགས། །ཆང་དང་བདུད་རྩི་ཤ་དང་ཡང་། །མ་དང་སྲིང་མོ་བུ་མོ་
D385.079.0196b01.01སོགས། །རོལ་པའི་སྤྱོད་པ་བསམ་མི་ཁྱབ། །ང་ཡིས་གདུལ་བའི་སེམས་ཅན་ལ། །མོས་པའི་མཐའ་ལ་ཐུག་པ་མེད། །དེ་ཕྱིར་ཐེག་པ་ཐུག་མེད་པས། །དེ་ཉིད་ལྟ་བ་བསམ་མི་ཁྱབ། །རྟག་ཆད་སྒྲོ་སྐུར་ལྟོས་པའི་སྒྲ། །དེ་ཉིད་མཐའ་གནས་བསམ་མི་ཁྱབ། །འདོད་ཆགས་ཞེ་སྡང་གཏི་
D385.079.0196b02.01མུག་སོགས། །ཉོན་མོངས་བསམ་གྱིས་མི་ཁྱབ་པ། །འདར་དང་འཕར་དང་དྲོད་ལ་སོགས། །རྟགས་ཉིད་བསམ་གྱིས་མི་ཁྱབ་པ། །ལྷ་བསྒོམ་རླུང་དང་རྩ་སོགས་པ། །ལམ་ཉིད་བསམ་གྱིས་མི་ཁྱབ་པ། །རང་རིག་ནམ་མཁའི་སྤྲིན་ཆར་ཚུལ། །ཕ་རོལ་ཕྱིན་དྲུག་ལ་སོགས་པ། །རྒྱུ་
D385.079.0196b03.01ཉིད་བསམ་གྱིས་མི་ཁྱབ་པ། །རྒྱུ་འབྲས་ཐ་སྙད་ཀུན་དང་བྲལ། །རྩོལ་བ་རྡུལ་གྱིས་མ་གོས་པ། །སྤྲིན་མེད་མཁའ་ལྟར་མ་བཅོས་པའི། །སྤྱི་དང་རང་གི་མཚན་ཉིད་དག །རང་རིག་བསམ་གྱིས་མི་ཁྱབ་པའོ། །ཨ་ནི་ཤད་དང་སྦྲུལ་སོགས་ཀྱིས། །བཅུ་གཉིས་ལ་སོགས་དབྱེ་བ་ཡིས། །
D385.079.0196b04.01ཡི་གེའི་དབྱེ་བ་རྒྱས་པའོ། །གཟུགས་ནི་སྡུག་དང་མི་སྡུག་སོགས། །བཅུ་དགུ་ཕྲ་རབ་རྡུལ་གྱི་བར། །སྒྲ་ལ་སོགས་པ་དེ་བཞིན་ཏེ། །སྒྲ་བརྒྱད་དྲི་གསུམ་རོ་དྲུག་སྟེ། །རེག་བྱ་བཅུ་གཅིག་ཆོས་དེ་བཞིན། །གང་ཞིག་འདུས་བྱས་འདུས་མ་བྱས། །ཆོས་ཀྱི་དབྱེ་བ་རྒྱས་པའོ། །ཐེག་
D385.079.0196b05.01པ་གསུམ་དང་{བཅྭ་,བཅོ་}བརྒྱད་དང་། །ཇི་སྙེད་འདུ་ཤེས་ཡོད་ཀྱི་བར། །ལྟ་བའི་དབྱེ་བ་རྒྱས་པའོ། །ཚོགས་ཀྱི་ལམ་དང་སྦྱོར་བའི་ལམ། །མཐོང་ལམ་བསྒོམ་ལམ་མཐར་ཕྱིན་ལམ། །ལམ་གྱི་དབྱེ་བ་རྒྱས་པའོ། །སེམས་རྟག་བདུད་རྟགས་འབྱུང་བའི་རྟགས། །རྟགས་ཀྱི་དབྱེ་བ་
D385.079.0196b06.01རྒྱས་པའོ། །མུ་སྟེགས་རང་རྒྱལ་ཉན་ཐོས་ནས། །རྡོ་རྗེ་འཛིན་པའི་སྤྱོད་པའི་བར། །སྤྱོད་པའི་དབྱེ་བ་རྒྱས་པའོ། །རྟག་དང་ཆད་དང་སྒྲོ་སྐུར་ནས། །འཁོར་དང་མྱ་ངན་འདས་མཐའ་དང་། །ཐབས་དང་ཤེས་རབ་མཐའ་ཡི་བར། །མཐའ་ཡི་དབྱེ་བ་རྒྱས་པའོ། །འདོད་ཆགས་
D385.079.0196b07.01