完整藏文原文 · 德格版页 当前仅加载第 79 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
སོགས། །ཉོན་མོངས་རྗེས་ནས་རྒྱུ་བ་སྟེ། །བྱམས་དང་སྦྱིན་སོགས་དེ་བཞིན་ནོ། །བཟོད་སོགས་བཏང་སྙོམས་དེ་བཞིན་ཏེ། །བསམ་གྱིས་མི་ཁྱབ་རྒྱུ་ཡི་དུས། །བླ་མའི་ཞལ་ནས་ཤེས་པར་བྱ། །སྦྱིན་དང་ཚུལ་ཁྲིམས་ལ་སོགས་དང་། །བྱམས་དང་སྙིང་རྗེ་ལ་སོགས་པའི། །མདོར་
D385.079.0198b01.01ན་དཀར་པོའི་ཆོས་རྣམས་དང་། །བཟོ་དང་སྒྱུ་རྩལ་ལ་སོགས་དང་། །བསྐྱེད་རྫོགས་བསྒོམ་པའི་རིམ་པ་ཀུན། །སྐྱེ་བ་གཅིག་གམ་དུ་མས་ནི། །ཡོངས་སུ་རྫོགས་པར་གྱུར་པ་དང་། །འཁོར་བའི་ཆོས་ལ་གང་སྐྱོ་བ། །བསམ་མི་ཁྱབ་ལ་འཇུག་པའི་དུས། །བསྐྱེད་དང་རྫོགས་སོགས་
D385.079.0198b02.01མི་གནས་ཤིང་། །རྫོགས་པ་ཆེན་པོར་གང་འདོད་པ། །དེ་ཡང་འཇུག་པའི་དུས་ཡིན་ཏེ། །བདུད་རྣམས་བསམ་གྱིས་མི་ཁྱབ་པས། །བར་མཆོད་པར་འཇུག་པའི་དུས། །གཟུང་བའི་ཐབས་ནི་{བཅྭ་,བཅོ་}བརྒྱད་དེ། །མཁའ་མཉམ་གཞི་བཅས་གཞི་མེད་དང་། །ཡུལ་དྲུག་དུས་གསུམ་
D385.079.0198b03.01བརྟེན་པ་དང་། །ལྷན་ཅིག་སྐྱེས་ཉིད་སྒྲ་ལ་བརྟེན། །ས་ཆུ་མེ་རླུང་སྒྲ་བརྟེན་ནོ། །ཆོས་རྣམས་གཟོད་ནས་མ་སྐྱེས་པའི། །རང་རིག་བསྒོམ་པ་མཁའ་མཉམ་སྟེ། །བླ་མས་སེམས་གཟུང་དང་པོར་གཅེས། །ཆོས་རྣམས་ཐམས་ཅད་སེམས་ཡིན་ཏེ། །སེམས་ནི་གཟོད་ནས་མ་སྐྱེས་པ། །
D385.079.0198b04.01གཞི་བཅས་རང་རིག་རྣལ་འབྱོར་རོ། །སེམས་ནི་གཟོད་ནས་རང་རིག་པ། །གཞི་མེད་བསམ་གྱིས་མི་ཁྱབ་པའོ། །གཟུགས་སྒྲ་དྲི་རོ་རེག་བྱ་ཆོས། །དེ་བརྟེན་སེམས་གཟུང་བླ་མ་ལས། །སྐྱེས་བུས་འབད་དེ་བླང་བར་བྱ། །དེ་བཞིན་འདོད་ཆགས་ཞེ་སྡང་དང་། །གཏི་མུག་རྗེས་སུ་
D385.079.0198b05.01མཁས་པས་གཟུང་། །ལྷན་ཅིག་སྐྱེས་གཉིས་འབྱུང་བཞི་ལ། །བརྟེན་ཏེ་སྐྱེ་བ་མེད་པར་བསྒོམ། །བྱེ་བྲག་སེམས་གཟུང་བསམ་མི་ཁྱབ། །ཉན་ཐོས་ལ་སོགས་ཐེག་ཆེན་ལ། །མན་ངག་ཡོད་པ་མ་ཡིན་ཏེ། །ལྟ་བ་སྤྱོད་པ་སེམས་གཟུང་དང་། །རྒྱུ་དང་འབྲས་བུ་ལམ་དང་ཡང་། །
D385.079.0198b06.01དུས་དང་ལོངས་སྤྱོད་རྣལ་འབྱོར་དང་། །བདག་དོན་གཞན་དོན་དགོངས་པ་དང་། །ངལ་དུབ་མཐའ་སྤངས་ཚེགས་ཆུང་དང་། །ཚོགས་སོགས་པ་ཡི་ཁྱད་པར་དང་། །ཁྱད་པར་རྣམ་པ་{བཅྭ་,བཅོ་}ལྔ་ཡིས། །རིག་འཛིན་ཐེག་པ་ཁྱད་པར་འཕགས། །ཀྱེ་ཧོ་བཅོམ་ལྡན་འཇིགས་པ་ཆེ། །རང་
D385.079.0198b07.01