完整藏文原文 · 德格版页 当前仅加载第 79 函德格 197b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཉིད་རིག་ཅིང་ངེས་པའོ། །ཀུན་ནས་ཉོན་མོངས་རྣམ་པར་བྱང་། །གཟུང་འཛིན་ཐབས་དང་ཤེས་རབ་སྟེ། །བསམ་གྱིས་མི་ཁྱབ་གཉིས་པའོ། །ལུས་ངག་སེམས་ཀྱི་རང་བཞིན་ལས། །རྣམ་ཐར་སྟོང་དང་མཚན་མ་མེད། །སྨོན་པ་མེད་དང་སྐུ་གསུང་ཐུགས། །བསམ་གྱིས་མི་ཁྱབ་
D385.079.0197b01.01གསུམ་པའོ། །བྱམས་དང་སྙིང་རྗེ་དགའ་བཏང་སྙོམས། །ས་ཆུ་མེ་རླུང་རང་བཞིན་ལས། །བཞི་ཡི་གྲངས་སུ་ངེས་པ་སྟེ། །དགའ་བ་ལ་སོགས་དེ་བཞིན་ནོ། །རིགས་ལྔ་ཡི་ནི་སངས་རྒྱས་ལྔ། །ཕུང་པོ་ལྔ་དང་ཆགས་སྡང་ལྔ། །བསམ་གྱིས་མི་ཁྱབ་ལྔ་པའོ། །ཕ་རོལ་ཕྱིན་དྲུག་
D385.079.0197b02.01རང་བཞིན་ལས། །ཡུལ་དྲུག་དབང་པོ་དྲུག་ལ་སོགས། །བསམ་གྱིས་མི་ཁྱབ་དྲུག་ཉིད་དེ། །བརྒྱ་སོགས་གྲངས་ནི་བསམ་མི་ཁྱབ། །གང་ཞིག་རང་རིག་གཞན་རིག་གཉིས། །ཐོག་མ་མེད་ནས་གནས་པ་སྟེ། །ལུས་དང་གྲིབ་མའི་ཚུལ་དུ་གནས། །རང་རིག་མེད་པར་གཞན་རིག་
D385.079.0197b03.01དག །སོ་སོ་སྐྱེ་བོའི་དུས་ན་འདོད། །འདི་ཡང་རྨོངས་ཆེན་མ་རུངས་པ། །གཞན་རིག་མ་སྤངས་རང་རིག་འདོད། །འཁོར་བ་སྤངས་ནས་མྱ་ངན་འདས། །ཁ་ཅིག་འཁོར་བ་མྱ་ངན་འདས། །རིག་པས་བླང་དོར་གཉིས་སུ་རྟོགས། །དེ་ལ་སོགས་པ་ལྟ་བའི་གདོན། །རིག་པ་འཛིན་
D385.079.0197b04.01ལ་བརྒྱ་རྩ་བཅུ། །ཐེག་ཆེན་མདོ་སྡེ་སྟོང་ཕྲག་གསུམ། །ཉན་ཐོས་རང་རྒྱལ་བརྒྱ་ཕྲག་གཉིས། །ཁྱབ་འཇུག་དྲག་པོ་ལ་སོགས་པ། །ལྟ་བའི་གདོན་ལ་བསམ་མི་ཁྱབ། །རང་རིག་གདོད་ནས་མ་སྐྱེས་པ། །སྟོང་པ་མ་བཅོས་ལྷུན་གྱིས་གྲུབ། །བདེ་བ་ཆེན་པོ་རོས་གང་བ། །ཁམས་
D385.079.0197b05.01གསུམ་འཁོར་བ་ཀུན་ཤེས་ན། །སངས་རྒྱས་ཉིད་ནི་འཁོར་བ་ལ། །འཁོར་བ་ཉིད་ནི་མྱ་ངན་འདས། །ལྟ་བའི་གདོན་དང་བྲལ་བ་སྟེ། །རང་རིག་མེད་ཅིང་གཞན་རིག་མེད། །དོན་དམ་ཀུན་རྫོབ་གཉིས་ཀ་སྤངས། །སེམས་མེད་ནམ་མཁའ་ཆོས་ཉིད་མེད། །འཁྲུལ་བ་མེད་ཅིང་མ་
D385.079.0197b06.01འཁྲུལ་མེད། །ཐེག་པ་མེད་ཅིང་རིམ་པ་མེད། །དམན་དང་གྱ་ནོམ་གཉིས་ཀ་མེད། །ཡེ་ཤེས་མེད་ཅིང་བདེ་བ་མེད། །མཐའ་བྲལ་དབུ་མར་མི་གནས་པ། །བསམ་མི་ཁྱབ་ཏུ་གནས་པ་སྟེ། །འདི་རྟོགས་ཁོང་དུ་ཆུད་པ་དང་། །མི་འཇིགས་སྒྲོ་སྐུར་མི་རྩོམ་པ། །རྒྱལ་བའི་སྲས་ཀྱི་
D385.079.0197b07.01