完整藏文原文 · 德格版页 当前仅加载第 80 函德格 138a 版页；藏文 NFD、目录标记与异常页序保留在来源切片中，重复版页行以稳定序号区分。
ཐུན་ཚོད་གཉིས་ཀྱི་བར་དུ་ཞུ་བའོ། །དྲུག་པོ་དེ་ནི་བསྐྱེད་པ་དང་རྫོགས་པའི་གྲགས་པ་དགའ་བ་དྲུག་ཟུར་གསུམ་པ་ལ་ཐུན་ཚོད་གསུམ་གྱི་བར་དུ་འཛག་པའོ། །གང་ཞིག་ཐིག་ལེ་ཤར་བ་དང་ནུབ་པ་དེ་ནི་ཐིམ་པ་དང་ལོངས་སྤྱོད་དུ་གྲགས་པའི་སྲོག་དེ་ནི་ཟུར་བཞི་པ་ལ་ཐུན་
D423.080.0138a01.01ཚོད་བཞིའི་བར་དུ་འབར་བའོ། །གང་ཞིག་འཕོ་བའི་སྦྱོར་བ་དེ་ནི་སྟེང་དང་འོག་གི་འདབ་མ་ཡོད་པར་བྱང་ཆུབ་ཀྱི་སེམས་འདུས་པའི་དབང་ནི་ཟུར་ལྔ་པ་ལ་ཐུན་ཚོད་ལྔའི་བར་དུ་ཞུ་བའོ། །གང་ཞིག་རྩའི་འཁོར་ལོ་འབྱུང་བ་དེ་ནི་ཡན་ལག་ཐམས་ཅད་ལ་བདུད་རྩི་རྒྱས་པ་ཟུར་དྲུག་པ་
D423.080.0138a02.01ལ་ཐུན་ཚོད་དྲུག་གི་བར་དུ་འཛག་པའོ། །གང་ཞིག་དབང་གི་རིམ་པ་དེ་ནི་གཅིག་ཉིད་སྲོག་གི་ཁ་རུ་སྲོག་ལ་འབབ་པ་དང་། འཕུར་བ་དང་ཁྱབ་པ་དེ་ཡང་ཟུར་བདུན་པ་ལ་ཐུན་ཚོད་བདུན་པའི་བར་དུ་འབར་བའོ། །གང་ཞིག་སྲུང་བའི་འཁོར་ལོ་དེ་ནི་མཐེའུ་ཆུང་གི་མདུད་
D423.080.0138a03.01པའི་ནང་དུ་བདུད་རྩི་ལ་བསྐོར་བ་ཟུར་བརྒྱད་པ་ལ་ཐུན་ཚོད་བརྒྱད་ཀྱི་བར་དུ་ཞུ་བའོ། །དེ་དག་ནི་གཡོན་དུ་བསྐོར་བའི་སྲོག་གི་རླུང་ལ་ཞོན་པ་ཉི་མ་སྐྱེ་བ་ལ་མཚན་མོ་དང་ཉིན་མོའི་བར་དུ་སུམ་ཅུ་རྩ་གཉིས་ཀྱི་ཚ་རྒྱས་པར་འགྱུར་རོ། །སུམ་ཅུ་རྩ་གཉིས་ཀྱི་ནང་ན་བཅུ་དྲུག་བྲལ་བའི་
D423.080.0138a04.01མཚན་ཉིད་མི་གསལ་བ་དང་། དགའ་བའི་མཚན་ཉིད་བཅུ་དྲུག་གསལ་བ་དེའི་དོན་གྱི་ཕྱིར་དགའ་བྲལ་གྱི་དགའ་བའི་མཚན་ཉིད་ཨཱ་ལིའི་རང་གི་ངོ་བོ་ཟླ་བའོ། །ཕྱི་དང་ཕྱིའི་དོན་རྣམས་ཀྱིས་ནི་ནང་དང་ནང་གི་དོན་གནས་པར་ཤེས་པར་བྱའོ། །དེ་ཡང་ཕྱིའི་ཚེས་ཀྱི་གྲངས་ཀྱིས་
D423.080.0138a05.01སོ། །ནང་སྲོག་གི་རླུང་གི་གྲངས་ཀྱིས་སོ། །ལྷ་མོས་གསོལ་པ། སུམ་ཅུ་རྩ་གཉིས་ཀྱི་ཆུ་སྐྱེས་ཀྱི་ཨུཏྤ་ལའི་རྣམ་པ་ལ་བདེ་བ་ཆེན་པོའི་ཀུན་དུ་སྤྱོད་པ་ངེས་པའི་དོན་གྱིས་གནས་པ་དེ་མཆོག་གི་དབང་ཕྱུག་གི་བཀའ་དྲིན་བསྐྱབ་ཏུ་གསོལ། །བཅོམ་ལྡན་འདས་ཀྱིས་
D423.080.0138a06.01བཀའ་སྩལ་པ། །ཉོན་ཅིག་ལྷ་མོ་སྐལ་ལྡན་མོ། །གསང་བ་ཆེན་པོ་ཡེ་ཤེས་མཆོག །གང་ཞིག་ཤེས་པ་ཙམ་གྱིས་ནི། །ཐམས་ཅད་ས་ཡི་དབང་ཕྱུག་འགྱུར། །གང་ཞིག་སྙིང་པོའི་སྔགས་ནི་ཉིད། །དེ་ནི་བདག་ཉིད་བཅུ་དྲུག་བདེ། །ཀུན་རྫོབ་རི་བོང་ཅན་གྱི་
D423.080.0138a07.01