完整藏文原文 · 德格版页 当前仅加载第 80 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་ནི་སྔར་འགྱུར་རོ། །འབྲས་བུ་ཐོབ་པའི་གྲགས་པ་སྟེ། །མཚན་དང་དཔེ་བྱད་དང་ལྡན་ནོ། །དངོས་དང་དངོས་མིན་བྲལ་བའི་ཕྱིར། །ཞལ་བཟང་མཚམས་ཀྱི་ཡེ་ཤེས་སོ། །ཉིན་མོ་སྣང་བ་མཆེད་འཁོར་གྲགས། །མཚན་མོ་སྣང་བ་མྱ་ངན་
D423.080.0142a01.01འདས། །སྲིད་དང་མྱ་ངན་འདས་བྲལ་བ། །མཚམས་ནི་སྣང་བ་ཐོབ་པའོ། །དེ་ལྟ་བུ་ཡི་གསང་ཆེན་མཆོག །གང་དུ་ཡང་ནི་གསལ་མ་བྱས། །སྐལ་ལྡན་ཁྱོད་ཀྱི་ངོར་བྱས་པས། །ཡེ་ཤེས་རིན་ཆེན་གསལ་བྱས་སོ། །ལྷ་མོས་གསོལ་པ། འབྲས་བུ་དེ་ཉིད་རིན་ཆེན་
D423.080.0142a02.01གང་། །མངའ་བདག་དེ་ནི་ཇི་ལྟར་རྙེད། །བཅོམ་ལྡན་འདས་ཀྱིས་བཀའ་སྩལ་པ། །འབྲས་བུ་དེ་ནི་རིན་ཆེན་གང་། །དེ་ནི་གཉིས་སུ་དབྱེ་བར་གནས། །མཆོག་གི་དགའ་བའི་ངོ་བོ་གཅིག །མཆོག་གི་དགའ་བ་དང་བྲལ་བ། །མཆོག་དགའ་ངོ་བོར་གྲགས་པ་
D423.080.0142a03.01ནི། །ཉམས་སུ་མྱོང་བས་རྙེད་པ་ཡིན། །མཆོག་གི་དགའ་བ་དང་བྲལ་བ། །རང་ལས་རབ་ཏུ་གསལ་བར་འགྱུར། །སྐལ་ལྡན་མོ་གང་ཉམས་སུ་མྱོང་། །དེ་ནི་རྫོགས་པའི་རང་བཞིན་ནོ། །ཉམས་སུ་མྱོང་མིན་རྫོགས་པ་ནི། །གང་དུ་སུས་ཀྱང་མི་ཤེས་སོ། །ཇི་ལྟར་བུ་
D423.080.0142a04.01མོ་ལང་ཚོར་བབ། །སྐྱེས་བུ་མེད་ན་ནམ་ཡང་མིན། །ལེགས་དགྱེས་ཀྱི་ནི་བདེ་མྱོང་བ། །ལེགས་དགྱེས་དབང་མོ་མི་ཤེས་སོ། །གང་ཞིག་བསམ་པ་ལ་སོགས་ཀྱིས། །དེ་ནི་བསྐྱེད་པའི་མཚན་ཉིད་དོ། །བསྐྱེད་པ་དང་ནི་རྫོགས་བྲལ་བ། །དེ་ནི་འབྲས་མཆོག་རང་
D423.080.0142a05.01བཞིན་ནོ། །དེ་རུ་གང་ཞིག་སྒོམ་པ་ནི། །ཕྲ་མོའི་ཕྲ་མོ་ཡང་དག་མཆོག །གང་གིས་བླ་ན་མེད་པ་རྙེད། །འགྲོ་བའི་མ་དེ་ཡོད་པ་མིན། །བླ་ན་མེད་པའི་ཡེ་ཤེས་ཆེ། །བཞི་དང་བྲལ་བ་རྟག་ཏུ་ཤར། །རྟག་ཏུ་ཤར་བ་ལས་གཞན་ཅི། །གང་དུ་ཡང་ན་སྒོམ་ཡོད་དམ། །
D423.080.0142a06.01གལ་ཏེ་གང་གིས་སྒོམ་པ་དེ། །ཁྱད་པར་ཅན་དུ་ཡོང་མི་སྐྱེ། །མི་སྐྱེའི་ཕྱིར་ན་བསམ་གཏན་ལ། །གལ་ཏེ་ཁྱད་པར་འོང་འགྱུར་ན། །དེ་ནི་དེ་ཉིད་རང་བཞིན་མིན། །དེ་ཉིད་མིན་པར་ཐེ་ཚོམ་མེད། །དེ་ཉིད་མི་སྒོམ་དེ་ཉིད་ནི། །སུ་ཞིག་དེ་ལ་རྙེད་པར་འདོད། །
D423.080.0142a07.01