完整藏文原文 · 德格版页 当前仅加载第 80 函德格 140b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བཀའ་སྩལ་པ། །ས་ལ་སོགས་པ་མ་རྙེད་པ་རྣམས་ལ་ཐོག་མར་རང་གི་ངོ་བོས་སོ། །ས་ལ་སོགས་པ་རྙེད་པ་རྣམས་ལ་མཐར་ཐུག་པའི་རང་གི་ངོ་བོས་སོ། །གང་གི་ཕྱིར་ཞེ་ན། དེ་རྣམས་ལ་བརྩོན་འགྲུས་ཀྱི་སྟོབས་ཀྱིས་ཤིན་ཏུ་བསོད་ནམས་ཀྱི་བྱིན་གྱིས་བརླབས་ཀྱིས་བྱ་བ་ལ་སོགས་
D423.080.0140b01.01པ་དང་བྲལ་བའི་ཡེ་ཤེས་ཆེན་པོ་མཐོང་བ་ཙམ་གྱིས་ཐོབ་བོ། །ཇི་ལྟར་པདྨ་ཡོངས་སུ་སྨིན་པ་ཉི་མའི་འོད་ཀྱིས་རེག་པ་ཙམ་གྱིས་རྒྱས་སོ། །མ་སྨིན་པ་དེ་བཞིན་དུ་མ་ཡིན་ནོ། །ལྷ་མོས་གསོལ་པ། མ་སྨིན་པ་རྣམས་ལ་ཡོངས་སུ་སྨིན་པའི་དུས་གང་ལགས། །བཅོམ་ལྡན་འདས་ཀྱིས་
D423.080.0140b02.01བཀའ་སྩལ་པ། །སྦྱིན་སོགས་བསོད་ནམས་བསགས་པ་ཡིས། །མཆོག་གི་བླ་མས་གཏན་ལ་ཕབ། །སྐལ་ལྡན་མོ་དེ་སྨིན་པའི་དུས། །དེ་ལས་བླ་མེད་བྱང་ཆུབ་ནི། །བླ་མེད་གནས་ནི་ཐོབ་པ་གང་། །ཕྱི་ནས་ཅི་ཡང་བསླབ་མི་དགོས། །བླ་མེད་ཡེ་ཤེས་ཆེན་པོའི་གནས། །
D423.080.0140b03.01འབད་མིན་དེ་ནི་མཐོང་བའོ། །ཇི་ལྟར་ཉི་མ་ཤར་ཙམ་གྱིས། །སྣ་ཚོགས་གཟུགས་ནི་མཐོང་བར་འགྱུར། །དེ་བཞིན་བླ་མེད་འོད་ཀྱིས་ནི། །ཡེ་ཤེས་ཆེན་པོ་མཐོང་བར་འགྱུར། །ཡེ་ཤེས་ཆེན་པོ་སྐུ་དང་བྲལ། །གཉིས་སུ་མེད་པ་ནམ་མཁའ་བཞིན། །ལུས་དང་
D423.080.0140b04.01ངག་དང་ཡིད་གཟུགས་མིན། །སྒྲ་ལ་སོགས་པ་རྣམ་པར་སྤངས། །དཔེ་མེད་ནམ་མཁའ་དང་བྲལ་བ། །སྲིད་དང་མྱ་ངན་འདས་པ་སྤངས། །སྦོམ་དང་ཕྲ་ལ་སོགས་ལས་འདས། །ཆར་ཡང་ཐིག་ལེ་དང་བྲལ་བ། །ཚུལ་དང་ཚུལ་ཙམ་མ་ཡིན་ཏེ། །མཆོག་དང་གཞན་
D423.080.0140b05.01མཆོག་གནས་ལས་གྲོལ། །སྐྱེ་བ་མེད་དང་འཆི་མེད་པ། །རྨད་བྱུང་ཆེན་པོའི་འདུ་ཤེས་སོ། །ལྷ་མོས་གསོལ་པ། ཀྱཻ་བཅོམ་ལྡན་འདས་ཡེ་ཤེས་ཆེན་པོའི་དབང་ཕྱུག་བླ་ན་མེད་པའི་ཡང་དག་པའི་བྱང་ཆུབ་རྙེད་པ་ལ་ཡེ་ཤེས་ཆེན་པོ་བརྗོད་དུ་མེད་པའི་གནས་གཞན་རྙེད་པ་ཡོད་དམ་
D423.080.0140b06.01ཅི། བཅོམ་ལྡན་འདས་ཀྱིས་བཀའ་སྩལ་པ། གྲངས་མེད་པའི་སངས་རྒྱས་རྣམས་ཀྱི་ཡུམ་ཁྱོད་ཅི་ལ་དེ་ལྟ་བུར་འདྲི། བརྗོད་དུ་མེད་པའི་ཡེ་ཤེས་ཆེན་པོ་ཁྱོད་ཀྱིས་ཅིའི་ཕྱིར་མི་ཤེས། དེ་ལྟར་ཡིན་ན་བདག་གི་རང་གི་ངོ་བོ་ཡང་དག་པར་ཁྱོད་ཀྱིས་མི་ཤེས་སོ། །ལྷ་མོས་གསོལ་པ། ཁྱོད་
D423.080.0140b07.01