完整藏文原文 · 德格版页 当前仅加载第 80 函德格 141b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་སེམས་ལས་འབྱུང་། །སེམས་ནི་མཚན་མོའི་ངོ་བོ་ཉིད། །ཡང་དག་འོད་ནི་གསུམ་དང་བྲལ། །ལྷན་སྐྱེས་ཡེ་ཤེས་མཚན་ཉིད་དོ། །གང་ཚེ་ཚངས་པའི་ཚིགས་སུ་སེམས། །ལྷ་མོ་དེ་ཚེ་ཉིན་མོར་འགྱུར། །གང་ཚེ་དེ་ལས་སྲོག་འཕོ་བ། །དེ་ཚེ་མཚན་མོ་འོག་ན་
D423.080.0141b01.01གནས། །སྟེང་ཡང་མ་ཡིན་འོག་ཡང་མིན། །དེ་ཚེ་མཚམས་ཤེས་དྲན་པར་བྱ། །དེ་ཡང་མེ་ཡི་རང་བཞིན་གྲགས། །ཉི་མ་ལ་ནི་སྲོག་འཛིན་མ། །གང་གིས་ཉི་མ་ཡོད་པ་ནི། །སྣང་བ་ལས་ནི་ཤར་དུ་འགྱུར། །སྣང་བ་ཟླ་བ་ཞེས་པར་བསྟན། །ཡོངས་སུ་ཞུ་བའི་བདུད་རྩི་
D423.080.0141b02.01གཡོ། །ལྷ་མོ་ཆེན་མོ་གཡོ་བའི་ཕྱིར། །དགའ་བྲལ་དགའ་བར་རབ་ཏུ་གྲགས། །གང་དུ་ཆད་པ་ལས་ནི་ཐིམ། །མཆོག་གི་དགའ་བ་ཤར་བའི་དུས། །དེ་ནི་སྣང་བ་དང་པོའི་དགའ། །དེ་ལས་མཆོག་ནི་གསལ་བར་འགྱུར། །གསང་ཕྱིར་སྣང་བ་མཆེད་པར་གྲགས། །
D423.080.0141b03.01ཞུ་མེད་གཡོ་མེད་སྐ་བའོ། །སྐ་བ་ལ་ནི་ཕྲ་མོའི་དངོས། །བདེ་སྦྱིན་ཡང་ན་ཀུན་སྤྱོད་དོ། །ཀུན་སྤྱོད་ལས་ནི་ཐོབ་པ་ཡིན། །ཞལ་བཟང་མོ་ནི་སྣང་བས་སོ། །དེ་ནི་མཚམས་ཞེས་གྲགས་པ་སྟེ། །དབུས་ཀྱི་གནས་སུ་ཡོད་པའི་ཕྱིར། །དབུས་ཀྱི་གནས་ན་ཡོད་པ་ན། །དེ་ཕྱིར་
D423.080.0141b04.01ཀུན་དུ་སྤྱོད་བྱེད་པའོ། །དབུས་ནི་དངོས་པོ་ཐམས་ཅད་ལ། །འདུས་པར་བྱེད་པ་དྲན་པའོ། །ཡང་ན་གང་དུ་མཚན་མོ་ནི། །མ་བྱུང་ཉི་མ་ནུབ་པའོ། །དེ་ནི་དབུས་ཀྱི་མཚམས་ཞེས་གྲགས། །རང་བཞིན་དགའ་བ་སྦྱིན་བྱེད་མ། །དེ་ཉིད་སྣང་བ་ཐོབ་པ་ཡིན། །ཐམས་ཅད་སྐྱེ་བའི་རྒྱུ་
D423.080.0141b05.01ཡིན་ནོ། །གང་དུ་དབུས་མཚམས་སྐད་ཅིག་གིས། །བདེ་བའི་ཚོར་བ་མ་ཤེས་ན། །སྐལ་ལྡན་ལྷ་མོ་དེ་རུ་ནི། །དགའ་བྲལ་གསལ་བར་འགྱུར་བའོ། །དེ་ཡི་ཉམས་སུ་མྱོང་ཤེས་པ། །སྐྱོན་ནི་ཅུང་ཟད་མི་བྱེད་དོ། །མི་ཤེས་པས་ནི་སྐལ་ལྡན་མོ། །རྩ་བ་དང་བཅས་མེད་
D423.080.0141b06.01པར་བྱེད། །རྩ་བ་སྣང་བ་ཞེས་བྱར་དྲན། །ཁུ་བའི་གཟུགས་ནི་ཟླ་བའོ། །བདེ་བ་ཆེན་པོའི་བདུད་རྩིའི་གཏེར། །བསྲུབས་ལས་སྐྱེ་བ་ཡིན་པའི་ཕྱིར། །ལྷ་མོ་མེ་ཏོག་སྣང་བ་མཆེད། །དམར་བའི་ཕྱིར་ནི་ཉི་མར་བརྗོད། །བདེ་ཆེན་རྣམ་པར་སྨིན་པའི་ཕྱིར། །དམར་བའི་
D423.080.0141b07.01