完整藏文原文 · 德格版页 当前仅加载第 80 函德格 139b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་མཆོད་པའི་དོན། །དེ་ནི་དྲི་མེད་བདེ་བ་འབྱུང་། །འདས་པ་ལས་ནི་ཡང་སྐྱེ་བ། །སྐྱེ་བ་དེ་ལ་འཕེལ་བའོ། །ལྷ་མོ་ཤེས་རབ་ཡེ་ཤེས་གང་། །དེ་ནི་ཁ་ལ་སྙིང་གར་བདེ། །ཁ་ནི་རྟག་ཏུ་ཤེས་རབ་ཡིན། །སྙིང་ག་ཡེ་ཤེས་བརྗོད་པའོ། །གང་ཞིག་
D423.080.0139b01.01གསང་བའི་དཀྱིལ་འཁོར་འཁོར། །དེ་ནི་ཁུ་བ་འཕོ་མེད་དགེ། །ཡང་ན་བདེ་ཆེན་རང་ངོ་བོ། །བདེ་བའི་རྣམ་པར་རྟོག་དང་བྲལ། །ལྷ་མོ་ཚིགས་རྒྱས་གང་ཞིག་ནི། །བྱ་གདོང་མ་དེ་ཁོང་དུ་ཆུད། །ཡང་ན་ཚིགས་ནི་ཞུ་མེད་ཁུ། །དགའ་མོ་རྒྱས་པ་མཆོག་ཡིན་
D423.080.0139b02.01ནོ། །འབྱུང་བ་བསྲུང་དོན་གཏོར་མ་གང་། །དེ་ནི་སྲོག་ཆགས་བསད་པའོ། །བཅད་པ་དེ་ནི་མཆོག་གི་གནས། །འགྲོ་བ་འགོག་པར་བྱེད་པའོ། །དེ་དག་ནི་མཆོག་གི་གསང་བ་ཆེན་པོའི་གསང་ཆེན་བཅོམ་ལྡན་འདས་མ་བཞི་བཅུའི་བདག་ཉིད་ཀྱི་དེ་ཁོ་ན་ཉིད་བདེ་བ་
D423.080.0139b03.01ཆེན་པོའི་རྒྱལ་པོའི་བདུད་རྩིའི་གཏེར་ལ་ངེས་པའི་དོན་ཏོ།། །།ལྷ་མོས་གསོལ་བ། བཞི་བཅུའི་བདག་ཉིད་དེ་ཉིད་ནི། །ཤིན་ཏུ་རེག་མེད་གཟུང་བར་དཀའ། །ས་ཡི་དབང་ཕྱུག་དུ་ཙམ་ཞིག །མཆོག་གི་དབང་ཕྱུག་གིས་མཁྱེན་ལགས། །བཅོམ་ལྡན་འདས་ཀྱིས་བཀའ་སྩལ་
D423.080.0139b04.01པ། །སྣ་ཚོགས་རྙེད་པ་སུམ་ཅུ་དྲུག །བཅུ་གཅིག་ས་ཡི་བདག་པོའོ། །དགའ་བ་རྙེད་པ་སུམ་ཅུ་བདུན། །བཅུ་གཉིས་ས་ཡི་བདག་པོར་བརྗོད། །མཆོག་དགའ་རྙེད་པ་སུམ་ཅུ་བརྒྱད། །དེ་ནི་བཅུ་གསུམ་པ་ཡིས། །སུམ་ཅུ་དགུ་ལྷག་མཐར་ཐུག་པ། །ས་
D423.080.0139b05.01ནི་བཅུ་བཞི་རྙེད་པའོ། །བཞི་བཅུ་དེ་ནི་ལྷན་སྐྱེས་སོ། །{བཅྭ་,བཅོ་}ལྔ་རྙེད་པའི་མངའ་བདག་གོ། །གང་ཞིག་བཅུ་དྲུག་པ་ཡིས། །བརྗོད་དུ་མེད་པ་ནམ་མཁའ་བཞིན། །དེ་ལ་དབང་ཕྱུག་མཆོག་གི་མཁའ། །ཐམས་ཅད་མཁྱེན་པ་རྙེད་དཀའ་བ། །ཟག་མེད་འཕོ་མེད་ཞི་
D423.080.0139b06.01བ་སྟེ། །སྐྱེ་མེད་རྨད་བྱུང་བས་རྨད་བྱུང་། །ལྷ་མོས་གསོལ་པ། ཀྱཻ་བཅོམ་ལྡན་འདས་སུམ་ཅུ་རྩ་གཉིས་ཀྱི་བདག་ཉིད་བདེ་བ་ཆེན་པོའི་བདུད་རྩིའི་རྒྱལ་པོའི་བདུད་རྩིའི་གཏེར་དེ་ཁོ་ན་ཉིད་དེ་ལ་ཀུན་དུ་སྤྱོད་པའི་དུས་ནི་གང་ལགས། འདུས་པ་ནི་ཅི་ཞིག་ལགས། ཉམས་
D423.080.0139b07.01