完整藏文原文 · 德格版页 当前仅加载第 80 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
འོད། །དོན་དམ་པར་ནི་ནམ་མཁའ་བཞིན། །གང་ཞིག་སྐུ་བརྒྱད་མཆོག་སྦྱིན་ནི། །དེ་ནི་མཚན་མོ་བརྒྱད་མཆོག་གོ། །ལྷ་མོ་ཡང་ན་ཡེ་ཤེས་བརྒྱད། །མཚན་མོ་ཉིན་མོ་གཉིས་ལས་འབྱུང་། །གང་ཞིག་ཐིམ་དང་ལོངས་སྤྱོད་དབང་། །དེ་ནི་ངེས་པར་བསྐྱེད་རིམ་མོ། །
D423.080.0138b01.01ལྷ་མོ་བསྐྱེད་རིམ་གསལ་བ་སྟེ། །རིམ་ལས་བྱུང་བའི་བདེ་བ་ཆེ། །སྐལ་ལྡན་མོ་གང་ཡེ་ཤེས་སྐུ། །དེ་ནི་རིམ་སོགས་ཡན་ལག་སྤངས། །ཡན་ལག་བཞིར་དབྱེ་དྲུག་དབྱེ་འམ། །བསྐྱེད་དང་རྫོགས་པའི་རིམ་པའོ། །ལྷ་མོ་གང་ཞིག་གསང་བའི་སྒྲ། །དེ་ནི་ཡེ་ཤེས་གསུམ་
D423.080.0138b02.01དང་བྲལ། །ཡང་ན་གཞན་མིན་བདག་ཉིད་གསུམ། །མཚམས་ཀྱི་ཡེ་ཤེས་ཡོད་པའི་ཕྱིར། །ལྷ་མོ་གང་ཞིག་དམ་ཚིག་ནི། །སྲུང་བ་ལ་སོགས་ངེས་པར་རོ། །དེ་ནི་བདེ་བ་དབུས་གནས་སུ། །གཟུང་བྱ་ཡང་ན་གང་ནང་དུ། །གང་ཞིག་སྦྱིན་སྲེག་དོན་དམ་པར། །
D423.080.0138b03.01དེ་ནི་ཧ་ཞེས་གློ་བུར་ཏེ། །ཆར་ཡང་དབུས་ཡོད་ཐིག་ལེ་ནི། །གང་དུ་སྐད་ཅིག་གིས་ཐིམ་མོ། །གང་ཞིག་སྲུབ་དང་བསྲུབས་ཐབས་ནི། །དེ་ནི་ཐོག་མའི་དགའ་བ་སྤངས། །ལྷ་མོ་དེ་བཞིན་ཐ་མའང་མིན། །ཐོག་མ་ཐ་མ་གཉིས་དང་བྲལ། །སྐལ་ལྡན་མོ་གང་སྔགས་
D423.080.0138b04.01ཀྱི་བཟླས། །དེ་ནི་སྲིད་པ་འདས་པའི་ཡིད། །མྱ་ངན་འདས་པའི་གནས་ཀྱང་མིན། །གཉིས་ཀྱི་ངོ་བོ་གཉིས་དང་བྲལ། །གང་ཞིག་གནས་ནི་བརྒྱད་དུ་བསྟན། །དེ་ནི་ཉི་སྐྱེས་མ་རྒྱས་པ། །གནས་ཀྱི་དབང་གིས་ཤར་བ་ལ། །ཉེ་བས་མྱུར་དུ་རྒྱས་པའོ། །གང་
D423.080.0138b05.01ཞིག་དགའ་བ་ལ་སོགས་རིམ། །དེ་ནི་རིམ་པ་གཉིས་སུ་དབྱེ། །རྣམ་བཅས་ལས་ནི་དང་པོ་པ། །རྣམ་བྲལ་བཅུ་ཡི་དབང་ཕྱུག་གོ། །གང་ཞིག་དུར་ཁྲོད་རྣམ་རྟོག་བྲལ། །དབུགས་དབྱུང་ལ་སོགས་རྣམ་པར་སྤངས། །བྱང་ཆུབ་ཀྱི་ནི་སེམས་རོལ། །རྣམ་པར་ཞུ་བ་
D423.080.0138b06.01དམ་ཚིག་ཕྱིར། །ལྷ་མོ་གང་ཞིག་ཆུ་ཡི་ངོགས། །དེ་ནི་རྟོག་མེད་མ་ཡི་མཐར། །ཡང་ན་དེ་རུ་སྲོག་གི་རྩ། །བདེ་བའི་ཆུ་བོ་འབབ་པའི་ཕྱིར། །གང་ཞིག་སྣང་བ་སོགས་ཡེ་ཤེས། །དེ་ནི་དགའ་བ་དང་ལྡན་ཡིད། །ས་དང་ཆུ་དང་འོད་ཀྱི་གཟུགས། །དེ་བཞིན་རླུང་གི་ངོ་
D423.080.0138b07.01