完整藏文原文 · 德格版页 当前仅加载第 80 函德格 176a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། །རྒྱ་གར་སྐད་དུ། རི་གི་ཨཱ་ར་ལི་ཏནྟྲ་རཱ་ཛ་ནཱ་མ། བོད་སྐད་དུ།
D427.080.0176a02.01རི་གི་ཨཱ་ར་ལིའི་རྒྱུད་ཀྱི་རྒྱལ་པོ་ཞེས་བྱ་བ། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རི་གི་རྣམ་པའི་ཨེ་བྃ་སྡོམ་པ་ལ་བཞུགས་སོ། །གཉིས་མེད་གཉིས་ཀྱི་རྣལ་
D427.080.0176a03.01འབྱོར་གྱི། །ཨཱ་ར་ལི་དང་རི་གིར་བརྟགས། །རི་གི་རྣལ་འབྱོར་དབང་ཕྱུག་གཙོ། །དེ་ལ་ཨཱ་ར་ལིས་ཞུས་པ། །གནས་ཀྱི་རྣམ་པ་དུ་ཞིག་ལགས། །ཉེ་གནས་རྣམ་པ་དུ་རུ་འགྱུར། །དེ་ལ་ཞིང་གི་རྣམ་པ་དུ། །ཉེ་ཞིང་རྣམ་པ་དུ་རུ་གསུངས། །
D427.080.0176a04.01ཙྪནྡོ་རྣམ་པ་དུ་རུ་བརྗོད། །ཉེ་བའི་ཙྪནྡོ་རྣམ་པ་དུ། །དེ་ལ་འདུ་བ་གང་ཞིག་ལགས། །དེ་བཞིན་ཉེ་བའི་འདུ་བ་ཅི། །དེ་ལ་དུར་ཁྲོད་རྣམ་པ་དུ། །ཉེ་བའི་དུར་ཁྲོད་ཇི་ལྟར་ལགས། །དེ་ལ་ལྷ་མོ་རི་གི་ཆེ། །རྣལ་འབྱོར་རྣལ་འབྱོར་ཆེར་
D427.080.0176a05.01གནས་པས། །ཨཱ་ར་ལི་དང་བདེར་གོ་བར། །ས་བཅུ་རྣམས་ནི་རབ་ཏུ་ཕྱེ། །གནས་ནི་ཤར་གྱི་ལུས་འཕགས་སོ། །དེ་བཞིན་དུ་ནི་བ་ལང་སྤྱོད། །གནས་ནི་བྱང་གི་སྒྲ་མི་སྙན། །གནས་ནི་དེ་བཞིན་འཛམ་བུ་གླིང་། །གླིང་བཞིར་
D427.080.0176a06.01ལྷ་མོ་བཞི་དང་ནི། །རི་རབ་སྤྱི་བོར་རི་གི་བཞུགས། །ཨཱ་ར་ལི་དང་མཉམ་སྦྱོར་བས། །གཉིས་ཀྱིས་མཉམ་སྦྱོར་གཉིས་མེད་ལས། །སི་སའི་འདོད་པའི་ལྕུག་མ་དང་། །བདེ་ཆེན་དེ་བཞིན་སྡོམ་པ་མ། །ལྗང་ཁུ་སེར་མོ་བཙོད་མདོག་
D427.080.0176a07.01