完整藏文原文 · 德格版页 当前仅加载第 80 函德格 180a 版页；藏文 NFD、目录标记与异常页序保留在来源切片中，重复版页行以稳定序号区分。
དོན་གྲུབ་ལྷན་ཅིག་སྐྱེས་དགའ་ཉིད། །སྲས་ནི་བཅོམ་ལྡན་རྡོ་རྗེ་ཅན། །ཡབ་ནི་རྡོ་རྗེ་འཆང་བར་གྲགས། །ཡུམ་ནི་སྒྱུ་མ་ཆེན་མོ་ཡིན། །དེ་ཉིད་ཕྱག་རྒྱར་རབ་ཏུ་གྲགས། །མཐེ་བོང་རྒན་པོ་རྡོ་རྗེ་ཡིན། །ལྟེ་བ་ཆོས་ཀྱི་འབྱུང་གནས་གསུངས། །སྒྱུ་མ་ཆེན་པོའི་རྣམ་འཕྲུལ་བས། །དོན་གྲུབ་ཉིད་ནི་
D427.080.0180a01.01གཟི་བརྗིད་ཅན། །ངོ་བོས་འགྲོ་བ་སངས་རྒྱས་ཉིད། །ལྷ་མོ་རི་གི་ང་ཚིག་ཉོན། །ལས་ལ་སྤྱོད་པ་རབ་བརྟགས་པས། །ལུས་ཅན་རྣམས་ནི་རྟག་ཏུ་གདུངས། །དགའ་བ་ཡང་ནི་ཤི་ཤིར་གསུངས། །མཆོག་ཏུ་དགའ་བ་འདོད་པ་མ། །དགའ་བྲལ་དགའ་བ་བདེ་ཆེན་མ། །ལྷན་ཅིག་སྐྱེས་དགའ་སྡོམ་པ་
D427.080.0180a02.01མ། །མི་བཟང་མ་ནི་འོ་རུ་གསུངས། །རྣོན་མོ་ཡང་ནི་འཁྱུད་མོ་ཉིད། །སྒྱུ་མ་སྐྱེད་ལ་སྒྱུ་མ་ཆེ། །མཐེ་བོ་མཆུ་ནི་འཇིབ་པ་ཉིད། །དགའ་བའི་རྩོད་པ་ཝ་ཉིད་དེ། །སྦྲང་རྩི་བཏུང་བས་མ་ཧེ་ཉིད། །རྟོག་པ་ཡིས་ནི་རྟ་མགྲིན་ཏེ། །འོ་བྱེད་གླང་པོའི་རྒྱལ་མཚན་ནོ། །རྡོ་རྗེ་ར་ལི་འདོད་
D427.080.0180a03.01ཆེན་ཅན། །འདོད་པ་མ་ནི་རི་གིར་བརྗོད། །ཐབས་དང་ཤེས་རབ་རང་བཞིན་གྱིས། །འགྲོ་བ་ཐམས་ཅད་རྣམ་པར་ཁྱབ། །སི་སི་རྣམ་པས་དམྱལ་བ་བཞི། །དེ་བཞིན་ཧ་ཡི་རྣམ་པ་བཞི། །འཁོར་བར་ཇི་ལྟར་སྤྱད་པ་ནི། །མྱ་ངན་འདས་པ་མི་འགལ་ལོ། །རྡོ་རྗེ་ཨཱ་ར་
D427.080.0180a04.01ལི་ཉིད་ནི། །ཁུ་བར་ཡང་ནི་འགྱུར་བ་ཡིན། །རི་གི་བདེ་བ་ཆེན་པོར་གསུངས། །རི་གི་ཨཱ་ར་ལི་སྦྱོར་བས། །རྡོ་རྗེ་སྒྱུ་མ་ཞེས་བྱར་བརྗོད། །བུད་མེད་སྒྱུ་མའི་སྤྲོས་པ་ཡིས། །འགྲོ་བ་ཐམས་ཅད་རྣམ་པར་རྨོངས། །བུད་མེད་སྒྱུ་མ་སངས་རྒྱས་ཉིད། །སྒྱུ་མ་ཐམས་ཅད་སྤེལ་བར་བྱེད། །སྙིང་པོའི་
D427.080.0180a05.01སྔགས་ནི། ཨོྃ་ཨཱ་ར་ལཱི་བྷྱོ་བྷྱོ་ཧ་ཧ་ཧ་ཧ། སི་སི་སི་སི་མི་གསལ་བར་བཟླས་སོ། །གཉིས་ཀྱི་ཉེ་བའི་སྙིང་པོ་ནི། །ཧ་ཧ་ཧ། ལས་རྒྱས་པ་ལ་སྔགས་གང་ནི། །དེ་ཡི་སྔགས་སུ་རབ་ཏུ་བསྔགས། །སྙིང་པོ་ཡི་ནི་སྔགས་ཡིན་ནོ། །ཉེ་བའི་སྔགས་ཀྱིས་བསྐུལ་བ་ཡིན། །བསྒོམ་པ་བདེ་ཆེན་མྱང་བ་སྟེ། །དེ་
D427.080.0180a06.01བཞིན་དམ་ཚིག་མཆོད་པ་ཉིད། །ཐམས་ཅད་ཀྱི་ནི་དམ་ཚིག་ལ། །མི་ལས་སྐྱེས་པ་རབ་ཏུ་བསྔགས། །ཀླུ་གཟིར་གཉིས་འཐུང་དམ་ཚིག་སྟེ། །རྨི་ལམ་རྟ་ནི་རབ་ཏུ་བསྔགས། །བསད་ལ་མ་ཧེ་དམ་ཚིག་གོ། །དབང་ལ་ཁྱི་ནི་རབ་ཏུ་བསྔགས། །ཁྲག་དགུག་པ་ལ་དམ་ཚིག་
D427.080.0180a07.01