完整藏文原文 · 德格版页 当前仅加载第 80 函德格 179a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་རྣལ་འབྱོར་པ་ཆེན་པོ། །ཨཱ་ར་ལི་ནི་ཉིད་ཀྱིས་ནི། །དམ་དུ་འཁྱུད་པར་འོ་མཛད་པས། །རི་གི་ལ་ནི་གུས་པས་ཞུས། །ཨེ་པྃ་མ་ཡཱ་ཅི་ཞིག་བཤད། །ཨེ་ཡི་རྣམ་པས་ས་རུ་བཤད། །བྃ་གི་རྣམ་པ་དེ་བཞིན་ཆུ། །མ་ནི་མེ་ཞེས་བྱ་བར་བརྗོད། །ཡཱ་ཡི་རྣམ་པ་རླུང་དུ་གསུངས། །
D427.080.0179a01.01རི་གི་སྡོམ་པ་ཅི་ཞིག་བཤད། །རི་གིས་བཀའ་སྩལ་པ། རི་གི་མཁའ་འགྲོ་མར་ནི་གསུང་། །སྡོམ་པ་དམ་པར་གྱུར་པ་འདི། །རི་གི་ཨེ་བྃ་སྡོམ་པ་ནི། །ཨེ་བྃ་རྣམ་པ་རྣ་བར་གནས། །རི་གི་སྣ་ཡི་རྩེ་མོར་ནི། །རྟག་ཏུ་རི་གི་བཞུགས་པ་ཡི། །ཡེ་ཤེས་དམ་པ་འདི་ཉིད་ནི། །
D427.080.0179a02.01ཀུན་མཁྱེན་ཡེ་ཤེས་དེ་ཡི་བདག །འབྱུང་བ་ཆེན་པོ་བཞི་གཏན་ལ་དབབ་པ་དང་བརྡའི་ལེའུ་སྟེ་གསུམ་པའོ།། །།དེ་ནས་རྣལ་འབྱོར་ཆེན་པོ་ཡིས། །ཨཱ་ར་ལི་ནི་ཉིད་ཀྱིས་ནི། །རང་བཞིན་མཛེས་པ་ཉིད་ལ་ཞུས། །དཀོན་མཆོག་གསུམ་ལ་གནོད་བྱེད་པའི། །ཁྲག་ནི་ཇི་
D427.080.0179a03.01ལྟར་དགུག་པར་བགྱི། །རི་གིས་བཀའ་སྩལ་པ། ནུས་ལ་སོགས་པས་མདུན་དུ་ནི། །ཡ་པའི་མེ་ཏོག་བཞག་ནས་ནི། །རང་གི་ཁྲག་ནི་དགུག་པར་བྱ། །རི་གི་ཉོན་ཅིག་གོམས་པ་ཡི། །ནས་ནི་ཉི་ཤུ་ཁ་སྨད་འབྱུང་། །ཕྱི་ནས་ཁྲག་ནི་འགུགས་པར་བྱེད། །ལྷ་ནི་དྲལ་བ་
D427.080.0179a04.01བཤད་པར་བྱ། །སྤྱི་བོར་འབར་བ་བསམ་པར་བྱ། །འབར་བའི་ཕྲེང་བས་ཁྱབ་ནས་ནི། །དེར་ནི་སྔགས་ནི་བཟླས་པར་བྱ། །ཨོྃ་ཧེ་རུ་ཀ་པ་ཏྃ་ཕི་པ་ཏཱ་ཡ། །རི་གི་ཨཱ་ར་ལིའི་སྦྱོར་བས། །ལྷ་ལ་ཕྱག་བྱས་འགག་པར་འགྱུར། །ཨཱ་ལི་ཀཱ་ལི་ཡན་ལག་མཉམ། །འདི་དག་གཉིས་
D427.080.0179a05.01དབུས་རང་ས་བོན། །རང་གི་ས་བོན་ཉིད་ཀྱིས་ནི། །རང་གི་ཕྱག་རྒྱ་རྣམས་ཡིན་ཏེ། །ཕྱག་རྒྱ་ལས་ནི་ལྷ་རྣམས་འབྱུང་། །ཨོྃ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷ་བ་ཨཱཏྨ་ཀོ྅ཧྃ། ལྕགས་ཀྱུ་ཕྱག་རྒྱ་ལག་གཉིས་ཀྱིས། །མཐེ་ཆུང་ཕན་ཚུན་ལྕགས་ཀྱུའི་ཚུལ། །དབུ་མ་ཡི་ནི་སོར་མོ་གཉིས། །མཐེ་བོང་རྒན་པོས་
D427.080.0179a06.01གཟིར་བར་བྱ། །སྡིགས་མཛུབ་གཉིས་ཀྱི་ཞགས་པ་ཉིད། །རྡོ་རྗེ་རལ་གྲི་ཞགས་ཆེན་པོ། །ཆོས་ཀྱི་ཡེ་ཤེས་གང་ཞིག་གཞན། །རི་གི་ཉིད་དུ་རབ་ཏུ་གྲགས། །འཕགས་པའི་བདེན་པ་བཞི་ཡིས་ནི། །སི་སི་ལ་སོགས་རབ་ཏུ་གྲགས། །མི་འཇིགས་པ་ནི་བཞི་ཡིན་ཏེ། །མི་
D427.080.0179a07.01