完整藏文原文 · 德格版页 当前仅加载第 80 函德格 178b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ། །རང་གི་མཚན་མ་རང་གིས་སྟོན། །རིལ་བུ་མིག་སྨན་ལ་སོགས་པ། །མཆོག་ནི་རབ་ཏུ་སྨིན་པར་འགྱུར། །ཨཱ་ར་ལི་ཡིས་ལྷ་མོར་ཞུས། །ཡེ་ཤེས་དམ་པ་ཇི་ལྟར་ལགས། །གང་གིས་རྣམ་པར་ཤེས་ཙམ་གྱིས། །སྒྲུབ་པོ་དངོས་གྲུབ་ཐོབ་འགྱུར་བ། །འབྲས་ཕྱིར་བྱང་ཆུབ་ཐོབ་འགྱུར་བའི། །ཏིང་
D427.080.0178b01.01འཛིན་ལྷ་མོ་རི་གི་སྟེ། །མཆོག་ཏུ་བདེ་བ་ཆེན་པོ་ཉིད། །སྲུབ་དང་སྲུབ་བྱེད་ལས་བྱུང་བ། །ཀུན་མཁྱེན་ཡེ་ཤེས་ཡང་དག་འབྱུང་། །སེམས་པ་ཐམས་ཅད་ཡོངས་སུ་སྤངས། །དབང་པོ་ཐམས་ཅད་བཟློག་པར་བྱ། །དགོན་པ་དབེན་པའི་གནས་སུ་ནི། །གཉིས་གཉིས་ཐམས་ཅད་རྣམ་པར་
D427.080.0178b02.01སྤངས། །མིག་དག་སྟེང་དུ་བཟློག་ནས་ནི། །སྨིན་མའི་དབུས་སུ་སེམས་བྱས་ན། །མི་ཟད་མུན་པའི་གཟུགས་སུ་ནི། །སྒྲུབ་པོས་དང་པོ་མཐོང་བར་འགྱུར། །ཕྱིས་ནི་རྣ་བ་གཡོན་པར་བཅུག །དལ་གྱིས་དལ་གྱིས་འགུལ་བར་འགྱུར། །ཡན་ལག་ཅན་གྱི་བདེ་བ་གང་། །དེ་བཞིན་ཕྱག་རྒྱ་
D427.080.0178b03.01ཆེན་པོ་བདེ། །ཕྱི་ཡི་ཕྱག་རྒྱ་ངང་གིས་འཇིག །དེ་ཡིས་ཡེ་ཤེས་ཀྱང་ནི་འཇིག །བདེ་བ་ཆེན་པོ་རྟགས་པའི་ཕྱིར། །དེ་ཡི་ཡེ་ཤེས་ཕྱག་རྒྱ་བ། །འདི་ཉིད་ཡེ་ཤེས་ཆེན་པོ་ཉིད། །རང་གིས་རིག་པའི་རང་བཞིན་ཅན། །གཞོན་ནུའི་དགའ་བ་ཇི་ལྟ་བར། །གཞན་དུ་བརྗོད་པར་མི་ནུས་སོ། །ལྷན་ཅིག་
D427.080.0178b04.01སྐྱེས་པའི་རྣལ་འབྱོར་འདི། །སེམས་ཅན་གསོལ་འདེབས་སེམས་ཀྱིས་ནི། །སེམས་ཅན་ཀུན་ལ་སྙིང་རྗེ་ཡིས། །འདི་ནི་རྣལ་འབྱོར་གཙོ་བོ་ཉིད། །འདི་ལ་གོམས་པའི་རྣལ་འབྱོར་གྱིས། །ནམ་མཁའ་མཉམ་པའི་སེམས་ཀྱིས་ནི། །སྙིང་རྗེ་མཐུ་ཆེན་རྣལ་འབྱོར་བས། །འགྲུབ་འགྱུར་འདི་ལ་
D427.080.0178b05.01ཐེ་ཚོམ་མེད། །དང་པོར་མུན་པ་མཐོང་བར་འགྱུར། །གཉིས་པ་དཀར་དང་དུ་བ་འཐུལ། །གསུམ་པ་མེ་ཁྱེར་རྣམ་པ་ལྟར། །བཞི་པ་ཡ་པའི་མེ་ཏོག་བཞིན། །ལྔ་པ་སྤྲིན་མེད་ཡེ་ཤེས་ནི། །རང་གཞན་ཡང་དག་རིག་པ་སྤངས། །སྤྲིན་མེད་ནམ་མཁའ་ལྟ་བུ་ནི། །དེ་ཡོད་ཐམས་ཅད་མཁྱེན་པའི་རྒྱུ། །
D427.080.0178b06.01རྟག་ཏུ་གོམས་པའི་རྣལ་འབྱོར་གྱིས། །རྩེ་གཅིག་སེམས་ཀྱིས་རི་གིར་འགྱུར། །ཡེ་ཤེས་བདུད་རྩི་རྟག་འཐུངས་པས། །བཀྲེས་པས་ཟིལ་གྱིས་མི་ནོན་ཅིང་། །སྐོམ་པ་ཡིས་ཀྱང་ཟིལ་མི་ནོན། །རྒ་དང་ན་བས་གཟིར་མི་འགྱུར། །འདི་ཡི་ཐབས་ཀྱི་རྣལ་འབྱོར་གྱིས། །རི་གི་ཐམས་ཅད་རིག་པར་འགྱུར། །
D427.080.0178b07.01