完整藏文原文 · 德格版页 当前仅加载第 80 函德格 176b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། །དམར་མོ་རུ་ནི་ཡོངས་སུ་གྲགས། །ཞལ་གཅིག་མ་ནི་ཕྱག་གཉིས་དང་། །གཡས་ན་ཆུ་གྲི་འཛིན་མ་སྟེ། །གཡོན་ན་རྣལ་འབྱོར་ལྷུང་བཟེད་ཉིད། །གཅེར་བུ་མགོ་སྐྱེས་གྲོལ་བའོ། །ཨཱ་ར་ལི་ཡི་སྐུ་མདོག་གནག །སྤྱན་གསུམ་ཕྱག་
D427.080.0176b01.01དྲུག་ཨཱ་ར་ལི། །རི་གི་སྔོན་མོ་སྤྱན་གསུམ་མ། །ཕྱག་གཉིས་ཞགས་པ་ལྕགས་ཀྱུ་འཕྱར། །རྡོ་རྗེ་ར་ལིའི་ཕྱག་གཉིས་ཀྱིས། །རི་གི་དགེ་བའི་བཤེས་གཉེན་འཁྱུད། །གཡས་ཀྱི་ཕྱག་གཉིས་དག་ཏུ་ནི། །རྡོ་རྗེ་དང་ནི་ཅང་ཏེའུ་བརྟགས། །གཞན་དག་ཏུ་ནི་དགྲ་སྟ་དང་། །
D427.080.0176b02.01ཐོད་པར་མགོ་བོ་འཛིན་པ་ཉིད། །གནས་ནི་སེམས་དང་ཉེ་བའི་གནས། །ས་དང་ཆུ་དང་མེ་དང་རླུང་། །འདིར་ཡང་ལྷ་མོ་རྣམ་པ་བཞི། །ཁ་དོག་དབྱེ་བ་གོང་མ་བཞིན། །མི་བཟད་རྣོན་པོ་སྒྱུ་མ་ཆེ། །མཐོན་པོ་གསུང་གི་འཁོར་ལོ་ལའོ། །ཤར་སྒོ་དེ་བཞིན་དུ་ནི་ཞིང་། །
D427.080.0176b03.01ཉེ་བའི་ཞིང་ནི་ལྷོ་རུ་འགྱུར། །ཙྪནྡོ་ཧ་ནི་ནུབ་ཀྱི་སྒོ། །ཉེ་བའི་ཙྪནྡོ་ཧ་ནི་བྱང་། །ཝ་དང་མ་ཧེ་ཉིད་དང་ནི། །རྟ་མགྲིན་གླང་པོའི་རྒྱལ་མཚན་ཉིད། །འདི་རྣམས་སྒོ་དང་སྒོ་རུ་ནི། །ཁ་དོག་དབྱེ་བ་གོང་མ་བཞིན། །གསུང་གི་འཁོར་ལོའི་མཚམས་རྣམས་ནི། །འདུ་བ་ཉེ་བའི་འདུ་བ་
D427.080.0176b04.01ཉིད། །སྐུ་ཡི་འཁོར་ལོའི་མཚམས་སུ་ནི། །དུར་ཁྲོད་ཉེ་བའི་དུར་ཁྲོད་ཉིད། །སྐུ་གསུང་འཁོར་ལོའི་མཚམས་སུ་ནི། །དམྱལ་བ་དག་ནི་རྟག་ཏུ་བྲི། །སྐུ་ལ་གྲང་བའི་དངོས་པོ་བཞི། །གསུང་ལ་དེ་བཞིན་ཚ་བ་བཞི། །རི་གི་ཨཱ་ར་ལིའི་སྦྱོར་བ་སྟེ་ལེའུ་དང་པོའོ།། །།ལྷ་མོ་རི་གི་སྙིང་
D427.080.0176b05.01རྗེ་ཆེ། །ཨཱ་ར་ལི་ནི་ཉིད་ཀྱིས་ཞུས། །ཇི་ལྟར་འཁོར་ལོའི་མཚམས་བརྒྱད་དུ། །དམྱལ་བ་བརྒྱད་ནི་རྣམ་པར་བསྒོམ། །རི་གིས་བཀའ་སྩལ་པ། ཇི་སྙེད་པ་ཡི་སེམས་ཅན་གྱི་བསྡུ་བས་བསྡུས་པ་སྒོ་ང་ལས་སྐྱེས་པ་དང་། མངལ་ལས་སྐྱེས་པ་དང་། དྲོད་གཤེར་ལས་སྐྱེས་
D427.080.0176b06.01པ་དང་། རྫུས་ཏེ་སྐྱེས་པ་དང་། གཟུགས་ཅན་དང་། གཟུགས་མེད་པ་ཅན་ནམ། འདུ་ཤེས་ཅན་དང་། འདུ་ཤེས་མེད་པ་ཅན་དེ་ཐམས་ཅད་ཨཱ་ར་ལི་དམྱལ་བར་འཚེད་པར་འགྱུར་རོ། །དེ་རྣམས་གདོན་པའི་བློས་ཨེ་བྃ་རྣམ་པར་བཞུགས་པར་བྱའོ། །
D427.080.0176b07.01