完整藏文原文 · 德格版页 当前仅加载第 80 函德格 179b 版页；藏文 NFD、目录标记与异常页序保留在来源切片中，重复版页行以稳定序号区分。
བཟར་ལ་སོགས་རབ་ཏུ་གྲགས། །བསྡུ་བའི་དངོས་པོ་བཞི་ཡིས་ནི། །ཝ་ལ་སོགས་པ་རབ་ཏུ་གྲགས། །ཕྱག་དྲུག་འགྲོ་བ་དྲུག་ཏུ་གསུངས། །སྤྱན་གསུམ་སྲིད་པ་གསུམ་དུ་བརྗོད། །འཇིགས་བྱེད་བདག་གི་སེམས་ཉིད་དེ། །ཞབས་ཀྱི་རྩ་བར་བསྒྱེལ་བ་ཉིད། །དགའ་བ་ལ་
D427.080.0179b01.01སོགས་ས་བཅུ་ནི། །གནས་སོགས་ཡང་དག་རབ་ཏུ་གྲགས། །ཕ་རོལ་ཕྱིན་དྲུག་ཕྱག་རྒྱ་དྲུག །ཐོད་པ་ནམ་མཁའི་དཀྱིལ་འཁོར་ཉིད། །ཨེ་བྃ་མ་ཡཱའི་དབུས་གནས་པའོ། །བདག་ཉིད་ཀྱིས་ནི་དེ་ལྟར་བསམ། །འཆོལ་བ་ཀུན་གྱི་མཚན་ཉིད་ཀྱིས། །ཐམས་ཅད་རྒྱུད་
D427.080.0179b02.01དུ་ཡང་དག་གནས། །གྲི་གུག་མ་རིག་གཅོད་པ་ཉིད། །ཐོད་པ་ཉིད་ནི་སྙིང་རྗེ་ཆེ། །རི་གི་ཨཱ་ར་ལི་ཡི་སྒྲ། །ཅང་ཏེའུ་ཧཱུྃ་ཧེའི་སྔགས་བཟླས་པས། །དགྲ་སྟེ་ཆོས་ཀྱི་འབྱུང་གནས་བརྗོད། །རྡོ་རྗེ་རྡོ་རྗེར་རབ་ཏུ་གྲགས། །མགོ་བོར་ཉོན་མོངས་པ་ཡི་བདུད། །ཐོད་པ་
D427.080.0179b03.01ནམ་མཁའ་དག་པ་ཉིད། །ལྕགས་ཀྱུ་རི་གི་ཟེ་འབྲུ་སྟེ། །དེ་བཞིན་ཞགས་པ་དག་པ་ཉིད། །ངང་གི་དག་པ་བསྡུས་ནས་ནི། །ལུས་ནི་མཆོད་རྟེན་དག་པ་སྟེ། །སྐྱིལ་ཀྲུང་གདན་དུ་ཤེས་པར་བྱ། །འཛམ་བུའི་གླིང་གི་སྙིང་པོར་གསུངས། །གཉེར་མ་གསུམ་
D427.080.0179b04.01བརྟག་ལྟེ་བ་ཉིད། །ལྟོ་བ་ཡང་ནི་གཟུགས་སུ་འགྱུར། །མགྲིན་པ་ཡང་ནི་མགྲིན་པར་བརྗོད། །ཁ་ཁྱེར་མགོ་བོར་ཤེས་པར་བྱ། །སྤྱི་བོ་གདུགས་ཀྱི་ཕྲེང་བར་བརྗོད། །མིག་གཉིས་ཟླ་བ་ཉི་མ་ཉིད། །འཕན་ནི་མགོ་ལས་སྐྱེས་པ་ཡིན། །རུས་པ་བདེ་བར་གཤེགས་
D427.080.0179b05.01པའི་གདུང་། །དེ་ཕྱིར་རང་བྱིན་རློབ་པར་འགྱུར། །དེ་ཕྱིར་སངས་རྒྱས་གཟུགས་བརྙན་ལུས། །རྣལ་འབྱོར་པ་ཡིས་རྟག་ཏུ་མཆོད། །རང་གི་ངོ་བོ་སངས་རྒྱས་སུ་བཤད་པའི་ལེའུ་སྟེ་བཞི་པའོ།། །།རྒྱལ་པོ་ཆེན་པོ་ཟས་གཙང་འདི། །ཨཱ་ར་ལིས་ནི་ཡང་དག་
D427.080.0179b06.01ཕྱེ། །དེ་ལ་རི་གི་སྒྱུ་མ་ཆེ། །འགྲོ་བ་ཐམས་ཅད་ཤེས་རབ་དག །དོན་གྲུབ་རྡོ་རྗེ་སེམས་དཔའ་སྟེ། །ལྷ་མོ་ས་འཚོ་ཕྱག་རྒྱའོ། །སྒྲ་གཅན་བཟང་པོའི་བདེ་བ་ཆེ། །སྒྱུ་མའི་གཟུགས་ཀྱི་སྤྲོས་པ་ལས། །སྒྱུ་མ་ཆེན་པོས་འཚོ་ཉིད། །རྡོ་རྗེ་སྒྱུ་མའི་རྣམ་འཕྲུལ་བས། །
D427.080.0179b07.01