完整藏文原文 · 德格版页 当前仅加载第 81 函德格 2a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། སྲིན་པོ་དང་། ཆུ་ལྷ་དང་། གཤིན་རྗེ་དང་། མེ་ལྷ་དང་། རླུང་གི་ལྷ་དང་། སའི་ལྷ་མོ་དང་། དགའ་བོ་དང་། ཉེ་དགའ་བོ་དང་། འཇོག་པོ་དང་། མཐའ་ཡས་དང་། དུང་སྐྱོང་དང་། རིགས་ལྡན་དང་། པདྨ་དང་། པདྨ་ཆེན་པོ་དང་།
D432.081.0002a01.01སྲིན་པོའི་བདག་པོ་ལང་ཀ་མགྲིན་བཅུ་དང་། ལྷའི་བུ་དྲུག་ཁྲི་ལ་སོགས་པ་ས་སྟེང་དང་། ས་བླ་དང་། ས་འོག་པ་ཐམས་ཅད་སྐད་ཅིག་དེ་ཉིད་ལ་དཔལ་འབྱུང་བའི་མཆོད་རྟེན་གྱི་སྤོ་དེ་ལ་འཁོད་དོ། །དེའི་ཚེ་འཇིག་རྟེན་གསུམ་གྱི་བདུད་ཐམས་ཅད་དེར་ལྷགས་ནས་
D432.081.0002a02.01བྱང་ཆུབ་ཆེན་པོའི་བར་དུ་གཅོད་པར་རྩོམ་མོ། །དེ་རྣམས་ཀྱིས་ཐལ་མོ་སྦྱར་ཏེ་མགྲིན་གཅིག་ཏུ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་འདས་སྟོན་པ་བདེ་བར་གཤེགས་པ་བྱང་ཆུབ་ཀྱི་བར་དུ་གཅོད་པའི་བདུད་ཀྱི་རིགས་འདི་རྣམས་ཞི་བ་དང་མེད་པར་མཛད་དུ་
D432.081.0002a03.01གསོལ་ཞེས་པ་དང་། དེ་ནས་བཅོམ་ལྡན་འདས་བདུད་ཐམས་ཅད་ལས་མཆོག་ཏུ་རྒྱལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་གསང་སྔགས་འདི་ཉིད་སྐུ་དང་། གསུང་དང་། ཐུགས་རྡོ་རྗེ་ལས་ཕྱུང་ངོ་། །ཧཱུྃ་ཧཱུྃ་ཧཱུྃ་ཞེས་བརྗོད་མ་ཐག་ཏུ་ཉིད་ཀྱི་
D432.081.0002a04.01མདུན་དུ་ཁྲོ་བོ་ཆེན་པོ་མི་གཡོ་བ་སྐུ་མདོག་མཐིང་ནག་ཏུ་འདུག་པ། ཞལ་སྟོང་ཕྲག་སྟོང་ཧ་ཧར་བཞད་པ། ཞབས་སྟོང་ཕྲག་སྟོང་བརྐྱང་བསྐུམ་གྱི་ཚུལ་དུ་བཞུགས་པ། ཕྱག་སྟོང་ཕྲག་སྟོང་དུ་གདུག་པའི་མཚོན་ཆ་རལ་གྲི་དང་། རལ་གྲི་ཀྱོག་པོ་དང་། ཆུ་གྲི་དང་
D432.081.0002a05.01གྲི་གུག་དང་། སྤུ་གྲི་དང་། ཁ་ཊྭཱཾ་ག་དང་། རྩེ་གསུམ་དང་། རྩེ་དགུ་པ་དང་། མདུང་དང་། འཕེན་མདུང་དང་། ལྡོང་མདུང་དང་། མདའ་དང་། མདའ་སྟེའུ་ཁ་དང་། མདའ་རྩེ་ལྔ་པ་དང་། མདའ་ཁ་བྲག་པ་དང་། རྡོ་རྗེ་རྩེ་གཅིག་པ་དང་། རྩེ་གསུམ་པ་དང་།
D432.081.0002a06.01