完整藏文原文 · 德格版页 当前仅加载第 81 函德格 5a 版页；藏文 NFD、目录标记与异常页序保留在来源切片中，重复版页行以稳定序号区分。
སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །དམ་ཚིག་སེམས་དཔའ་ལྟ་བུ་ཡི། །ཡེ་ཤེས་སེམས་དཔའ་སྙིང་གར་བསྒོམ། །འོད་ནི་ཆེར་འབར་དྲག་པོའི་གཟི། །ཤེས་བྱའི་སྒྲིབ་ལས་རྣམ་པར་རྒྱལ། །དེ་ཡི་ཐུགས་ཀར་མཚན་མ་སྟེ། །ས་བོན་རྟག་
D432.081.0005a01.01པར་དམིགས་པ་ནི། །ལས་ཀྱི་སྒྲིབ་པ་རྣམ་དག་རྒྱུ། །ལས་ཀྱི་ལས་རྣམས་བསྒྲུབ་པའི་ཕྱིར། །ས་བོན་ལས་ནི་འོད་ཟེར་འཕྲོས། །ཡེ་ཤེས་སེམས་དཔའ་བཀུག་ནས་གཞུག །དེས་ནི་མི་ཤེས་བག་ཆགས་རྣམས། །བློ་ལྡན་བློ་ལ་འཇོག་མི་བྱེད། །དེ་བཞིན་གཤེགས་
D432.081.0005a02.01པ་ཀུན་དམིགས་ནས། །སངས་རྒྱས་རྣམས་ཀྱིས་དབང་བསྐུར་འགྱུར། །སྤྱི་བོར་རང་གི་རིགས་བསམས་ནས། །རིགས་ཀྱི་བདག་པོས་དབུ་བརྒྱན་འགྱུར། །དེ་ལྟར་དེ་ལ་བརྩོན་ཆེན་བྱ། །འདིས་ནི་རྒྱལ་རྣམས་མཉེས་གྱུར་ནས། །མྱུར་དུ་རྒྱལ་བ་ཉིད་ཐོབ་འགྱུར། །འཕགས་
D432.081.0005a03.01པ་མི་གཡོ་བའི་རྟོག་པའི་རྒྱུད་ཀྱི་རྒྱལ་པོ་ལས་ལྷ་འབྱུང་བའི་ལེའུ་སྟེ་གཉིས་པའོ།། །།དེ་ནས་ཡང་དག་བཤད་བྱ་བ། །དགེ་བྱེད་རས་རིས་བཀྲ་ཤིས་ཀྱིས། །སྡིག་པའི་དྲི་མ་རྣམ་བསལ་ནས། །སྒྲུབ་པོ་རྣམས་ལ་མཆོག་སྟེར་བྱེད། །གཙང་བྱེད་བྲམ་ཟེ་ལས་རྙེད་དམ། །
D432.081.0005a04.01རྒྱལ་པོའམ་བུ་མོ་བཟང་གི་རས། །འཇམ་ཞིང་འཐས་པར་བརྡུངས་བྱས་ཏེ། །འདོད་པ་བཞིན་དུ་བྲི་བར་བྱ། །རམས་སམ་མིག་སྨན་ཁུ་བ་དང་། །སྨན་གསུམ་མེ་ཏོག་གཉིས་ལྡན་པའི། །ཁུ་བ་ཤིང་སྦྱིན་གསུམ་སྦྱར་ནས། །གཞན་ཡང་སྣ་ཚོགས་ཚོན་གྱིས་བྲི། །དེ་ལས་ཁྲོ་བོའི་
D432.081.0005a05.01རྒྱལ་པོ་མི་གཡོ་བ་ནི་ཞལ་གཅིག་ཕྱག་གཉིས་པ་སྟེ། གཡས་རལ་གྲི། གཡོན་པ་སྡིགས་མཛུབ་ཞགས་པ་དང་འབྲེལ་བ། ཀླུས་བརྒྱན་པ། པདྨ་དང་། ཉི་མ་དང་། ཚོགས་ཀྱི་བདག་པོའི་སྟེང་ན་གཡོན་བརྐྱང་བས་འགྱིང་ཞིང་བསྐལ་པའི་མེའི་ནང་ན་ཁྲོ་བོ་དུ་མའི་ཚོགས་འཕྲོ་བ་བྲིའོ། །
D432.081.0005a06.01ལྷའི་དབང་ཕྱུག་མི་གཡོ་མགོན་པོ་ནི་ཞལ་གསུམ་ཕྱག་དྲུག་པ་ཞལ་གཡས་དཀར་བ་གཡོན་དམར་བ། ཞལ་རེ་རེ་སྤྱན་གསུམ་གསུམ་དང་ལྡན་པའོ། །སྐྲ་སེར་པོ་གྱེན་དུ་བརྫེས་པ། ཕྱག་གཡས་གསུམ་ན་རལ་གྲི་དང་། ཆུ་གྲི་དང་། སྟ་རེ་བསྣམས་པ། གཡོན་གསུམ་ན་སྡིགས་
D432.081.0005a07.01