完整藏文原文 · 德格版页 当前仅加载第 81 函德格 11a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་རྡོ་རྗེ་རྒྱ་གྲམ་བྲི། །གསད་པ་ལ་ནི་བསྔགས་པའོ། །ཏིལ་དང་འབྲས་དང་འོ་མ་དང་། །ཞོ་དང་མར་དང་སྦྲང་རྩི་དང་། །པ་ལ་ཤ་དང་བེ་ཤིང་སོགས། །མེ་ཏོག་དཀར་པོ་ཡོད་པ་སྟེ། །དཀར་གསུམ་མངར་གྱིས་བསྲེས་པ་རྣམས། །ཞི་བའི་ལས་ལ་ཤིན་ཏུ་
D432.081.0011a01.01ཤིས། །སཱ་ལུ་ནས་དང་གྲོ་དང་ནི། །རྒྱ་རྩི་ཆེ་དང་ན་གུ་ལ། །སརྫ་གུ་གུལ་གུར་གུམ་བཅས། །ཙམ་པ་ཞོ་དང་ཉེའུ་ཤིང་། །མེ་ཏོག་གསེར་མདོག་ལ་སོགས་རྣམས། །རྒྱས་པའི་ལས་ལ་ཤིན་ཏུ་ཤིས། །ཙནྡན་དམར་དང་གུར་གུམ་དང་། །བྲ་བོ་ཏིལ་དང་རྒྱ་སྲན་དང་། །
D432.081.0011a02.01ཁྲེ་དང་ཅུང་ཙེ་སྤེལ་བ་དང་། །བ་སེར་མོ་ཡི་བདུད་རྩི་ལྔ། །ན་ག་ཁྲོ་དང་ཙནྡན་དམར། །མེ་ཏོག་དམར་པོ་དབང་ལ་ཤིས། །བསད་ལ་ཁྲག་དང་དུག་ཡུངས་ཀར། །ཚྭ་གསུམ་ལིང་གར་བཅས་པའོ། །གོས་དཀར་རྒྱན་ཡང་དཀར་པོ་སྟེ། །ཡོ་བྱད་ཀུན་ཀྱང་དཀར་བྱས་དང་། །
D432.081.0011a03.01བསམ་པ་བཟང་པོས་ཤར་བལྟས་པ། །འདིས་ནི་ཞི་བའི་ལས་རྣམས་འགྲུབ། །རྒྱན་གོས་ཡོ་བྱད་ཀུན་སེར་ཞིང་། །རྒྱས་པའི་ཡིད་བྱས་བྱང་དུ་བལྟས། །དགའ་བའི་དཀྱིལ་འཁོར་བསྐོར་བྱས་ན། །འདིས་ནི་རྒྱས་པའི་ལས་འགྲུབ་བྱེད། །རྒྱན་དང་གོས་དང་ཡོ་
D432.081.0011a04.01བྱད་ཀུན། །ཁ་དོག་དམར་ཞིང་སྣུམ་གྱུར་ནས། །མྱོས་པའི་ཡིད་ལྟ་བུས་བལྟས་ན། །དབང་གི་ལས་རྣམས་འགྲུབ་པར་བྱེད། །རྒྱན་གོས་གནག་ཅིང་ཡོ་བྱད་གནག །རྩུབ་པའི་ཡིད་བལྟས་ཁྲོས་པའི་སྐད། །འབྱིན་ཅིང་ལྷོ་ཡི་ཕྱོགས་སུ་བལྟས། །དྲག་
D432.081.0011a05.01པོའི་ལས་རྣམས་མྱུར་དུ་འགྲུབ། །དེ་ལ་ལས་བྱེད་པའི་དུས་སུ་མི་རུས་ལ་བྱས་པའི་ཕུར་པ་མི་གཡོ་བར་བསྒོམས་ལ། སྔོན་དུ་བསྙེན་པ་སོང་བས་དང་པོས་ཁ། གཉིས་པས་སྙིང་ག ། གསུམ་པས་ལྟེ་བ། བཞི་པས་པུས་མོ་རྣམས་སུ་དམ་པར་གདབ་བོ། །སྤྲ་
D432.081.0011a06.01ཚིལ་ལམ། ཐལ་ཆེན་ནམ། བག་ཟན་ལ་ལིང་ག་བྱས་ལ་སྐེ་ཚེ་དང་། རེ་ལྕག་དང་། ཉའི་རྔོག་གཞོབ་རྣམས་བརྡུངས་ལ་ཁྲག་དང་སྦྱར་ནས་གྲོ་ག་ལ་རྡོ་རྗེ་རྒྱ་གྲམ་བྲིས་པའི་དཀྱིལ་དུ་མིང་དང་སྔགས་སྤེལ་ཏེ་བྲིས་པའི་སྙིང་ཀར་བཅུག་ལ། ཨོཾ་ཙཎྜ་མ་ཧཱ་རོ་ཥ་ཎ་ཨ་
D432.081.0011a07.01