完整藏文原文 · 德格版页 当前仅加载第 81 函德格 3b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་བ་སྲས་དང་བཅས་རྣམས་དང་། །བླ་མ་ལ་ཡང་ཕྱག་འཚལ་ཞིང་། །རྟག་ཏུ་མཆོད་དེ་དགའ་ཆེན་བསྐྱེད། །ལུས་ངག་ཡིད་ཀྱི་སྡིག་བྲལ་གང་། །དཀོན་མཆོག་གསུམ་མཆོད་བདེ་དོན་གཉེར། །སངས་རྒྱས་བཞུགས་ཤིང་ཆོས་གསུངས་པའི། །སྨོན་ལམ་དག་པའི་
D432.081.0003b01.01བློ་བསྐྱེད་བྱ། །བྱང་ཆུབ་སེམས་ཀྱང་བསྐྱེད་བྱ་ཞིང་། །དགེ་བའི་ཕུང་པོ་དུས་གསུམ་དུ། །གཞན་གྱི་དོན་དུ་བསྔོ་བར་བྱ། །བྱམས་དང་སྙིང་རྗེ་བསམ་པར་བྱ། །དགའ་བའི་དགེ་ལ་ཡིད་ཀྱིས་དམིགས། །ནམ་མཁའ་ཆེ་མཚུངས་བློ་ཡིས་ནི། །བཏང་སྙོམས་ཆེན་པོ་
D432.081.0003b02.01བསྒོམ་པར་བྱ། །དེ་ལྟར་དད་ལྡན་བརྩོན་འགྲུས་ཅན། །གཡོ་སྒྱུ་བྲལ་ཞིང་བླ་མ་བཀུར། །སྙིང་བརྩེ་ལེ་ལོ་མེད་པ་ཡི། །སྲིད་པའི་སྲེད་པ་སྤོང་བྱེད་པ། །དགའ་བའི་ཚལ་ལམ་ནེའུ་གསིང་དང་། །ཕུག་གམ་ལྷ་ཁང་སྟོང་པ་འམ། །ཤིང་དྲུང་ནགས་དགོན་ལྗོངས་
D432.081.0003b03.01རྣམས་སུ། །བདེ་བའི་ཡིད་ཀྱིས་གནས་པར་བྱ། །དེ་ནས་བཅོམ་ལྡན་འདས་ཐུབ་པ་ཆེན་པོ་ཡོངས་སུ་རྫོགས་པ་ཐམས་ཅད་མཁྱེན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ནམ་མཁའི་
D432.081.0003b04.01དབྱིངས་ཀྱི་དབུས་གནས་པར། །ཧཱུྃ་གི་ཡི་གེ་ལས་སྐྱེས་པ། །མི་གཡོ་མགོན་པོ་རྒྱལ་པོའི་སྐུར། །རྣལ་འབྱོར་དག་པའི་ལུས་བསྒོམ་བྱ། །ཞལ་གཅིག་ཕྱག་གཉིས་བརྗིད་པའི་སྐུ། །ལྷ་དང་ལྷ་མིན་བདུད་ཚོགས་རྣམས། །ཤིན་ཏུ་སྐྲག་པར་མཛད་པའི་ཕྱིར། །གཡས་ཀྱིས་
D432.081.0003b05.01རལ་གྲི་མཁའ་ལ་ཕྱར། །གཡོན་པ་སྡིགས་མཛུབ་ཞགས་པ་འཛིན། །པདྨ་ཉི་མའི་གདན་ལ་ནི། །ཚོགས་ཀྱི་བདག་པོའི་སྟེང་གནས་པ། །གཡོན་བརྐྱང་གར་བཞུགས་སྟག་ཤམ་ཅན། །ཕུཿསྒྲོགས་ཀླུ་ཆེན་བརྒྱད་ཀྱིས་བརྒྱན། །དམར་སེར་གྱེན་སྐྲ་སྤྱན་རྩ་དམར། །སྤྱན་ཟླུམ་
D432.081.0003b06.01ཁྲོ་ཚུལ་མཆེ་བ་གཙིགས། །ཚངས་པ་ལྷ་དབང་ཁྱབ་འཇུག་དང་། །དབང་ཕྱུག་ཆེ་སོགས་ལྷ་རྣམས་དང་། །ལྷ་མ་ཡིན་རྣམས་སྐྲག་པར་བྱེད། །བསྐལ་པའི་མེ་འོད་འབར་དབུས་ན། །ཁྲོ་བོ་དུ་མའི་ཚོགས་དང་བཅས། །བརྟན་གཡོ་ཁམས་གསུམ་མ་ལུས་རྣམས། །རང་གི་
D432.081.0003b07.01