完整藏文原文 · 德格版页 当前仅加载第 81 函德格 6a 版页；藏文 NFD、目录标记与异常页序保留在来源切片中，重复版页行以稳定序号区分。
མཆོད་ན་སངས་རྒྱས་ཐམས་ཅད་ཀྱི་གསང་སྔགས་འགྲུབ་པ་ལ་གདོན་མི་ཟའོ། །འདིར་སྐྱེ་བོ་འགའ་ནི་དམན་པ་སྟེ། སྐུར་པ་འདེབས་ན་ཤིན་ཏུ་ཡང་ལྷུང་བར་འགྱུར་བའི་ཕྱིར་སྐུ་དབེན་པའི་ས་ཕྱོགས་སུ་སྦ་བར་བྱའོ། །ཞི་རྒྱས་དབང་དང་བསད་པའམ།
D432.081.0006a01.01རལ་གྲི་ལ་སོགས་བརྒྱད་རྣམས་དང་། །མཆོག་གི་སངས་རྒྱས་ཐམས་ཅད་ནི། །རྒྱལ་བའི་གཟུགས་བརྙན་ལས་རྙེད་འགྱུར། །འཕགས་པ་མི་གཡོ་བའི་རྟོག་པའི་རྒྱལ་པོ་ལས་བྲིས་སྐུའི་ལེའུ་སྟེ་གསུམ་པའོ།། །།དེ་ནས་ཡང་དག་བཤད་བྱ་བ། །གསང་བ་རྣམ་པར་
D432.081.0006a02.01དག་བྱེད་ཅིང་། །དངོས་གྲུབ་མྱུར་ཕྱིར་གསང་སྔགས་རྣམས། །རིམ་པ་དབྱེ་བ་ངོ་མཚར་ཉོན། །བཅུ་བཞིའི་དབྱངས་ལས་ཡུམ་གྱིས་བརྒྱན། །གསལ་བྱེད་གཉིས་པའི་དང་པོ་ལ། །གསུམ་པའི་ལྔ་པས་ཉེ་བར་བརྒྱན། །གསུམ་པའི་གསུམ་པ་དེར་བཞག་གོ། །ལྔ་པའི་ལྔ་པ་བརྒྱད་པ་
D432.081.0006a03.01ལ། །དབྱངས་ཀྱི་གཉིས་པས་མཛེས་པར་བྱས། །མེ་དང་དབྱངས་བཅུ་གསུམ་པར་འབྲེལ། །དྲོད་གཉིས་པ་དང་དྲག་མཐའ་འབྲེལ། །སུམ་ཅུ་གསུམ་དང་དབྱངས་དྲུག་འབྲེལ། །ཉི་ཤུ་རྩ་ལྔ་པས་བརྒྱན་ནོ། །ཉི་ཤུ་གཉིས་དང་བཅུ་གཅིག་འབྲེལ། །དེ་ལ་ཉི་ཟླས་རྣམ་བརྒྱན་པའོ། །
D432.081.0006a04.01གསང་སྔགས་རྒྱལ་པོ་ཡི་གེ་བཅུ། །སྟོང་ཁྲི་འབུམ་མམ་བྱེ་བ་བཅུ། །ས་ཡ་བཟླས་ཀྱང་ལྷ་མཐོང་འགྱུར། །སྙིང་པོ་སྡིག་བྲལ་དགའ་བ་སྟེ། །ཕྱོགས་བཅུའི་སངས་རྒྱས་ཀུན་གྱིས་བསྔགས། །སྡུག་བསྔལ་ཟད་བྱེད་བདེ་བ་ཆེ། །སྒྲུབ་པ་རྣམས་ལ་སྐྱེད་བྱེད་པའི། །གསང་
D432.081.0006a05.01སྔགས་དྲག་པོ་དྲན་བྱེད་ན། །འཇིག་རྟེན་འདིར་ཡང་ཚེ་རིང་འགྱུར། །སངས་རྒྱས་འགྱུར་རོ་གཞན་ཅི་སྨོས། །ཨོཾ་སྭ་བྷཱ་བ་ཤུད་དྷཱཿསརྦ་དྷརྨཱཿསྭ་བྷཱ་བ་ཤུདྡྷོ྅་ཧཾ། གཟུང་བ་དག་པ་ཡེ་ཤེས་ཀྱི་སྔགས་སོ། །ཨོཾ་ཤཱུནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། འཛིན་པའི་སེམས་དག་པ་ཡེ་ཤེས་
D432.081.0006a06.01ཀྱི་སྔགས་སོ། །ཨོཾ་བཛྲ་ཤུད་དྷཱཿསརྦ་དྷརྨཱ་བཛྲ་ཤུདྡྷོ྅་ཧཾ། སྐུ་བརྟན་པ་རྡོ་རྗེ་ཡེ་ཤེས་ཀྱི་སྔགས་སོ། །ཨོཾ་ཀཱ་ཡ་བཱཀྩིཏྟ་བཛྲ་སྭ་བྷཱ་བ་ཨཱཏྨ་ཀོ྅ཧཾ། སྐུ་གསུང་ཐུགས་ཀྱི་ཡེ་ཤེས་ཀྱི་སྔགས་སོ། །ཨོཾ་ཨ་ཙ་ལ་ཏེ་ཛ་བཛྲ་པུཥྤེ། དྷཱུ་པེ། དཱི་པེ། གན་དྷེ། ནཻ་བི་དྱེ་ས་པ་རི་ཝཱ་རེ་བྷྱཿཛཿཧུྃ་པྃ་ཧོཿ།
D432.081.0006a07.01