完整藏文原文 · 德格版页 当前仅加载第 81 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
སྨོས་ཀྱང་ཅི་དགོས། ཡང་ན་དྷ་དུ་ར་དང་། ཁྱི་ཁྲག་དང་། ཉའི་ཁྲག་གིས་འཁོར་ལོ་རལ་གྲིའི་རྩེ་མོ་ལྟར་རྣོ་བར་བྱས་ནས། ལྟེ་བའི་དབུས་སུ་གྲུ་གསུམ་མའི་ནང་དུ་བསྒྲུབ་བྱའི་མིང་དང་རྒྱུད་དུ་བཅས་པ་བྲིས་ལ། དེ་ཞགས་པས་བསྐོར་བར་བྱའོ། །རྩིབས་
D432.081.0009a01.01རྣམས་སུ་སྔགས་ཀྱི་རྐང་པ་བརྒྱད་པ་བྲིའོ། །མུ་ཁྱུད་ལ་མིང་དང་བཅས་པའི་སྙིང་པོ་བྲིའོ། །དེའི་རྒྱབ་ཀྱི་མུ་ཁྱུད་ལ་ལས་ཐམས་ཅད་པ་བྲིའོ། །མུ་ཁྱུད་གསུམ་པ་ལ་རྡོ་རྗེ་དང་རལ་གྲི་སྤེལ་ནས་བྲི་བར་བྱའོ། །དེ་ནས་ཐོད་པ་ཁ་སྦྱར་གྱི་ནང་དུ་བཅུག་ནས་ཞིང་སྐྲས་བཅིངས་
D432.081.0009a02.01ཏེ། བསྒྲུབ་བྱ་དག་ཟ་བའི་བསམ་གཏན་དང་ལྡན་པས་ཁྲོ་བོ་ཤིན་ཏུ་ཁྲོས་པས་ཁྲག་འདྲེན་པའི་ལྟ་བས་བལྟས་ན་ཞག་ཉི་ཤུ་རྩ་གཅིག་གིས་གང་ལ་བྱས་པ་དེ་ཁྲག་ཏུ་སྐྱུགས་ནས་འཆིའོ། །དུར་ཁྲོད་དུ་སྦས་ན་མཚོན་གྱི་བསྐལ་པ་བབས་ནས་འཆིའོ། །ཤིང་གཅིག་གི་
D432.081.0009a03.01རྩར་སྦས་ན་རེངས་སོ། །ཆུ་མདོར་སྦས་ན་འབྱེར་རོ། །ལམ་རྒྱ་གྲམ་དུ་སྦས་ན་སྨྱོའོ། །ལྷ་རྟེན་ཞབས་སུ་སྦས་ན་ཞ་བོར་འགྱུར་རོ། །ཀླུ་ཡོད་པའི་སར་སྦས་ན་མཛེས་ཟིན་པ་ལ་ཐེ་ཚོམ་མེད་དོ། །རང་ཉིད་ཀྱི་ཉལ་བའི་ཞབས་སུ་སྦས་ན་འདོད་པའི་བུ་མོ་ཁུགས་སོ། །ཅི་སྟེ་རྒྱལ་
D432.081.0009a04.01མཚན་གྱི་རྩེ་མོ་ལ་བཏགས་ན་དམག་ཀྱང་རེངས་སོ། །དེ་དག་ཐམས་ཅད་ལ་ཁྲོ་བོ་འབར་བ་དུད་པའི་ཁ་དོག་དང་ལྡན་པ་ཕྱག་བཞི་ཞབས་བཞི་སྤྱན་གསུམ་དང་ལྡན་པར་བལྟའོ། །དུར་ཁྲོད་ཀྱི་རས་ལ་དམག་དཔོན་གྱི་མིང་དང་སྤེལ་བའི་སྔགས་རྡོ་རྗེ་རྒྱ་གྲམ་གྱི་ལྟེ་བར་བྲིས་ལ་མཐའ་ཡི་གེ་
D432.081.0009a05.01ལྃ་བརྒྱད་ཀྱིས་མནན་ཏེ། དེའི་ཕྱི་རོལ་དུ་དབང་ཆེན་གྱི་དཀྱིལ་འཁོར་ལ་རྡོ་རྗེ་རྒྱ་གྲམ་བྲིས་ལ། དེ་སྤྲ་ཚིལ་ལས་བྱས་པའི་ཚོགས་ཀྱི་བདག་པོའི་སྙིང་གར་བཅུག་ནས་གང་འཐབ་པའི་མཚམས་སུ་བཞག་ན་དམག་རེངས་སོ། །གཞན་ཡང་གཟའ་སྐར་ལ་བལྟས་ཏེ་འཕྱར་རོ། །བསྐྲད་
D432.081.0009a06.01པར་འདོད་ན་གྲོ་གའམ་རས་ལ་བྱ་རོག་དང་འུག་པའི་ཁྲག་གིས་གོང་དུ་གསུངས་པའི་འཁོར་ལོ་བྲིས་ཏེ། ཨུ་ཙྪཱ་ཊ་ཡ་སྤེལ་བར་བྱའོ། །ཆར་ཆེ་བའམ་སེར་བ་གཅད་པར་འདོད་ན། གྲོ་ག་ལ་གུར་གུམ་མམ་གི་ཝང་གིས་འཁོར་ལོ་རྩིབས་བཞི་པ་བྱས་ལ་མུ་ཁྱུད་གསུམ་པ་བྱས་ཏེ།
D432.081.0009a07.01