完整藏文原文 · 德格版页 当前仅加载第 91 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ། །ཐིག་པིར་ཕྱོགས་སུ་བཤད་ནས་ཀྱང་། །སེར་སྐྱ་ཚོན་གྱི་གཟུགས་བརྙན་ནི། །ཚད་ལ་མཁས་པ་ཚད་ལྡན་པའི། །ནན་ཏན་དུ་ནི་བྲི་བར་བྱ། །དཀར་པོ་ཝ་ཡི་ཤེལ་ཡིན་ཏེ། །དམར་པོ་སེམས་རྩོ་ལི་ཁྲིའོ། །སྔོན་པོ་རམས་དང་མཐིང་ཤིང་
D681.091.0247a01.01སྟེ། །སེར་པོ་བ་བླ་དག་པ་ཡིན། །ནག་པོ་སྣག་ཚ་ཉིད་ཡིན་ཏེ། །ལྗང་གུ་རམས་དང་ལྡོང་རོས་སྦྱར། །ཡང་ན་སྤོང་མ་ཉིད་ཀྱིས་བྱ། །སྨུག་རྩི་རམས་དང་སྐགས་སྦྱར་ཏེ། །གཞན་ཡང་ཅི་རིགས་སྦྱར་བར་བྱ། །སྦྱིན་དང་བྲལ་ན་གྲུགས་པར་འགྱུར། །ཤིང་སྤྱིན་
D681.091.0247a02.01སེར་དང་ཀ་བི་ཏ། །ལོ་མི་ཏ་དང་ཐན་ཛ་ར། །དེ་དག་སོ་སོར་སྦྱར་བ་ཡིས། །གསལ་ཞིང་དཀྲུགས་མེད་དག་པར་བྱེད། །ཨ་ཏ་པས་ནི་སྣུམ་པར་བྱེད། །གན་ཏོ་ཧས་ནི་རྟག་པར་འགྱུར། །རྒྱས་པར་གྲུ་བཞི་སྒོ་བཞི་པ། །ཡང་ན་སྒོ་གཅིག་པ་ཡང་རུང་། །དཀྱིལ་
D681.091.0247a03.01འཁོར་ཆ་རིམ་གསུམ་པའམ། །ཡང་ན་གཉིས་སམ་གསུམ་ཡང་རུང་། །དབུས་སུ་གདོང་བཅུ་གཅིག་པ་ནི། །མཛེས་པའི་ལྷ་མོ་བཞི་ལྡན་བྲི། །ཤར་དུ་སྤྱན་རས་གཟིགས་དབང་གི། །དཀྱིལ་འཁོར་རྣམ་སྣང་གཙོ་བོ་ཅན། །དེ་ཡང་སྤྱན་སོགས་ལྷ་མོ་བཞི། །ཕྱག་བཞི་
D681.091.0247a04.01པ་དང་བཅས་པའོ། །ལྷོར་ནི་འཇིག་རྟེན་དབང་ཕྱུག་གི། །དཀྱིལ་འཁོར་ཤཱཀ་ཐུབ་གཙོ་བོ་ཅན། །ལྕགས་ཀྱུ་ཞགས་པ་ལྕགས་སྒྲོག་དང་། །འབེབས་པའི་ཕྱག་རྒྱ་ལྡན་པའོ། །ནུབ་ཏུ་རིགས་མའི་དཀྱིལ་འཁོར་ནི། །སེམས་དཔའ་བཞི་བཞིར་བཅས་པའོ། །དབུས་
D681.091.0247a05.01སུ་རྡོ་རྗེ་དབང་མོ་ཡང་། མདུན་དུ་རྡོ་རྗེ་རྟག་པ་སྟེ། །གཡས་སུ་རྡོ་རྗེ་དཔལ་འབྱུང་ངོ་། །རྒྱབ་ཏུ་རྡོ་རྗེ་དཔག་མེད་དེ། །གཡོན་དུ་རྡོ་རྗེ་དོན་གྲུབ་པོ། །ཤར་དུ་ལྷ་མོ་སྤྱན་མ་ནི། །མདུན་དུ་རྡོ་རྗེ་སེམས་དཔའོ། །གཡས་སུ་རྡོ་རྗེ་རྒྱལ་བོའོ། །རྒྱབ་ཏུ་རྡོ་རྗེ་ཆགས་པ་སྟེ། །
D681.091.0247a06.01གཡོན་དུ་རྡོ་རྗེ་ལེགས་པའོ། །ལྷོར་ནི་ལྷ་མོ་མཱ་མ་ཀཱི། །མདུན་དུ་རྡོ་རྗེ་རིན་ཆེན་ནོ། །གཡས་སུ་རྡོ་རྗེ་ཉི་མ་སྟེ། །རྒྱབ་ཏུ་རྡོ་རྗེ་རྒྱལ་མཚན་ནོ། །གཡོན་དུ་རྡོ་རྗེ་བཞད་པ་ཡིན། །ནུབ་ཏུ་ན་བཟའ་དཀར་མོ་ཡང་། །མདུན་དུ་རྡོ་རྗེ་ཆོས་ཡིན་ཏེ། །གཡས་སུ་རྡོ་རྗེ་རྣོན་པོ་ཡིན། །རྒྱབ་ཏུ་
D681.091.0247a07.01