完整藏文原文 · 德格版页 当前仅加载第 91 函德格 255a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེང་། །རྡོ་རྗེ་དྲིལ་བུ་སྐྱབས་སྦྱིན་དང་། །ཆོས་ཀྱི་ཟ་མ་ཏོག་འཆང་བའོ། །ཉི་འོད་མ་དང་ཟླ་འོད་མ། །ཆུ་དབང་མོ་དང་ནོར་ཕྲེང་མོ། །དགེ་བའི་མདངས་དང་ལྡན་པའོ། །མགོན་པོ་པདྨ་རྒྱན་ལུང་ཆེ། །ཆུ་སྲིན་སྟེང་དུ་རོལ་པའི་ཚུལ། །ཌ་མ་རུ་དང་བགྲང་
D681.091.0255a01.01ཕྲེང་དང་། །མི་འཇིགས་ཕྱག་དང་ལྕགས་སྒྲོག་གོ། །ལུ་གུ་རྒྱུད་མ་འཁོར་ལོ་མ། །གསང་བ་མོ་དང་རིང་བསྲེལ་མོ། །གླང་སོར་རྡོ་རྗེ་ཆོས་དབང་ཕྱུག །ཆོས་ཀྱི་འཁོར་ལོ་ཆོས་འཆད་རྒྱ། །སྐྱབས་སྦྱིན་པདྨ་པོ་ཏིར་བཅས། །དགའ་བ་དགའ་སྐྱེས་སྣང་བྱེད་མ། །སིལ་སྙན་
D681.091.0255a02.01མ་རྣམས་པད་ཟླར་ནི། །ཕྱེད་ཀྲུང་ལྡེམ་བག་ཚུལ་དུའོ། །རྗེ་བཙུན་ཆོས་ཀྱི་གཙུག་ཏོར་ནི། །ཧ་རི་ཧ་རི་ཧ་རི་ཞོན། །ཞལ་གསུམ་ཕྱག་ནི་བརྒྱད་པ་ལ། །འཁོར་ལོ་རྡོ་རྗེ་མདའ་གཞུ་དང་། །པད་དཀར་བགྲང་ཕྲེང་སྐྱབས་སྦྱིན་དང་། །བདུད་རྩིས་གང་བའི་བུམ་པ་འཆང་། །
D681.091.0255a03.01མཁའ་ལྡིང་གདོང་མ་ཤཱ་རིའི་གདོང་། །ཉི་ཞལ་ཟླ་ཞལ་ལྷ་མོའོ། །མགྲིན་སྔོ་དགའ་བོ་ཉེ་དགའི་སྟེང་། །ཞལ་གསུམ་ཕྱག་དྲུག་པདྨ་དང་། །པོ་ཏི་སྐྱབས་སྦྱིན་བགྲང་ཕྲེང་ཕྱག །སེང་གེ་གདོང་མོ་ཀླུ་ཞལ་མོ། །དགའ་བྱེད་མོ་དང་སྲོག་བྱེད་མོ། །པད་ཟླར་སེམས་དཔའི་སྐྱིལ་
D681.091.0255a04.01ཀྲུང་ངོ་། །དབུས་སུ་མགོན་པོ་གདོང་བཅུ་གཅིག །གསང་འཛིན་མོ་དང་འཛིན་པ་མོ། །སྔགས་སྲུང་བ་དང་གྲུབ་སྲུང་མ། །གོང་ལྟར་ཆ་བྱད་ཕྱོགས་མདོག་གོ། །ཕྱོགས་བཞི་འཁོར་ལོའི་ཆ་ལ་ནི། །གཙོ་བོ་སེམས་དཔའ་བཞི་དང་བཅས། །ཤར་དུ་རྡོ་རྗེ་དབང་ཕྱུག་ནི། །
D681.091.0255a05.01ཐོགས་མེད་ཡིད་དང་གྲུབ་དབང་ཕྱུག །རྡོ་རྗེ་ཕྱག་རྒྱ་གཏེར་སྒྲོམ་ཅན། །ཀུན་ཀྱང་པདྨ་ཟླ་བ་ལའོ། །ལྷོར་ནི་རིན་ཆེན་དབང་ཕྱུག་སྟེ། །གྲུབ་ཆེན་དབང་ཕྱུག་དང་ཕག་ཞལ། །གྲུབ་པའི་རྣལ་འབྱོར་དབང་ཕྱུག་དང་། །གྲུ་འཛིན་དབང་ཕྱུག་ཅེས་བྱའོ། །ནུབ་ཏུ་པདྨའི་དབང་
D681.091.0255a06.01ཕྱུག་ནི། །སྐྱེས་བུ་སེང་གེའི་ཞལ་དང་ནི། །པདྨའི་ཕྱག་དང་སྦྲུལ་ནག་ཕྱག །རྩེ་བྲན་རྒྱས་འཛིན་ཞེས་བྱའོ། །བྱང་དུ་དམ་ཚིག་དབང་ཕྱུག་དང་། །འཁོར་ལོ་འཆང་དང་སྟག་ལྤགས་འཆང་། །ཀུན་གྲུབ་དབང་ཕྱུག་སྒྲ་དུང་འཕེལ། །ཕྱོགས་དང་ཕྱོགས་ཀྱི་མདོག་ཅན་ནོ། །
D681.091.0255a07.01