完整藏文原文 · 德格版页 当前仅加载第 91 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
བཟང་པོའི་མདུན་འདུག་ནས། །སྨྱུང་བར་གནས་ནས་ཉིན་གཅིག་ལ། །དུས་གསུམ་སྔགས་འདི་བརྒྱ་རྩ་བརྒྱད། །བརྗོད་ཅིང་ཅི་འབྱོར་མཆོད་པར་བྱ། །ཆོས་བརྒྱད་ཐོ་རངས་དུས་ནས་ནི། །དབེན་པར་གདན་ཁྲི་བཟང་པོ་ལ། །སྐུ་གཟུགས་ནུབ་ཏུ་གཟིགས་ནས་
D681.091.0256b01.01གཞག །བཟའ་བཏུང་དང་ར་བས་སྦགས་པས་མཆོད། །ཨ་ཀ་རུ་དང་དུ་རུ་སྐ། །བདུག་པ་རྒྱུན་དུ་བསྲེག་པར་བྱ། །འབྲུ་དཀར་འོ་མའི་ཟས་བཟའ་ཞིང་། །ཞག་གསུམ་བཟླས་པ་ཅི་ནུས་བྱ། །དེ་ནས་ཞག་གསུམ་བར་དུ་བདག །འོ་མ་ཞོ་དང་འབྲས་ཆན་འཚལ། །
D681.091.0256b02.01ལྷ་ལ་མཆོད་པ་ཆེར་བསྐྱེད་ནས། །བྱང་ཆུབ་ཤིང་དྲུང་སྟོང་རྩ་བརྒྱད། །དུ་རུ་སྐ་ཡི་མར་དུ་སྦང་། །དུམ་བུ་རེ་རེ་སྔགས་རེ་དང་། །བྱང་ཆུབ་སེམས་དཔའི་དྲུང་དུ་བསྲེག །ས་ཡང་གཡོ་ཞིང་སྐུ་ཡང་གཡོ། །སྟེང་ཞལ་ནས་ནི་སྙན་པའི་སྒྲ། །ལེགས་སོ་
D681.091.0256b03.01ལེགས་སོ་རིགས་ཀྱི་བུ། །ཁྱོད་ནི་ནན་ཏན་བརྩོན་འགྲུས་ཅན། །འདོད་སྨན་དོན་གཉེར་གང་ཡིན་པ། །མཁའ་ལ་འབུར་རམ་རྐང་མགྱོགས་སམ། །དྲང་སྲོང་རིག་འཛིན་རྒྱལ་པོ་ལ། །བདག་དང་སྐལ་བ་མཉམ་འདོད་ན། །དེ་རིང་ཉིད་དུ་སྩལ་བར་བགྱི། །བཅོ་
D681.091.0256b04.01ལྔའི་ཚེས་ལ་སྐུ་གཟུགས་དེ། །བདེ་གཤེགས་རིང་བསྲེལ་ཡོད་པ་ཡི། །མཆོད་རྟེན་ནང་ངམ་དྲུང་དུ་བཞུགས། །གསོ་སྦྱོང་བླངས་ནས་སྨྱུང་བ་ཡིས། །སྐྱ་སྣར་མེ་ཏོག་བརྒྱ་རྩ་བརྒྱད། །སྔགས་རེ་བརྗོད་པས་སྐུ་ལ་བརྡེག །དེ་ཚེ་མདུན་ཞལ་རྩ་བ་ནས། །འབྲུག་
D681.091.0256b05.01སྒྲ་ཆེན་པོ་ལྟ་བུ་འབྱུང་། །ས་ཆེན་རབ་ཏུ་གཡོ་བར་འགྱུར། །དེ་ཆོ་བདག་ཉིད་མ་སྐྲག་པར། །སྔགས་བསྒྲུབ་རྗེས་སུ་དྲན་བྱ་སྟེ། །བྱང་ཆུབ་སེམས་དཔའ་སེམས་དཔའ་ཆེ། །མགོན་པོ་སྤྱན་རས་གཟིགས་དབང་ཕྱུག །ཐུགས་རྗེ་ཆེ་དང་ལྡན་པ་ལ། །བདག་ཉིད་
D681.091.0256b06.01གུས་པར་ཕྱག་འཚལ་ལོ། །བདག་ནི་སེམས་ཅན་ཐམས་ཅད་ཀྱི། །མགོན་སྐྱབས་རེ་གནས་གྱུར་ནས་ཀྱང་། །འགྲོ་བ་ཀུན་གྱི་རེ་འདོད་རྣམས། །ཚུལ་བཞིན་དུ་ནི་སྐོང་བར་ཤོག །དེ་ཚེ་འདོད་པ་སྩོལ་བ་ལ། །ལྷ་ཀླུ་ཚོགས་ཀྱི་བར་ཆད་མེད། །སྔགས་ཀྱི་འདོད་དོན་
D681.091.0256b07.01