完整藏文原文 · 德格版页 当前仅加载第 91 函德格 262b 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་དབང་གིས་གང་བ་ཡི། །སྔགས་ཀྱང་མཐའ་ཡས་ཁྱབ་དམིགས་ནས། །སྔགས་ཀྱི་མཐུ་ཡིས་སངས་རྒྱས་ནས། །དགོངས་པ་རྒྱ་ཆེན་སྐྱེས་གྱུར་ཏེ། །ལེགས་སོ་བཀྲ་ཤིས་འབབ་པར་འགྱུར། །རྒྱལ་སྲས་རྣམས་དང་རིག་པ་ཡི། །ལྷ་མོ་ཚོགས་དང་གླུ་ལེན་
D681.091.0262b01.01དང་། །བཀྲ་ཤིས་དུ་མ་བརྗོད་པར་འགྱུར། །དེ་ཚེ་མཁའ་ལ་ཡེ་ཤེས་ཀྱི། །འོད་ཟེར་བྱེ་བ་ཕྲག་བརྒྱ་ཡིས། །ཤིང་ཆེན་ཡོངས་སུ་སྨིན་པ་ལས། །བདུད་རྩི་ཆར་ཆེན་འབེབས་པར་འགྱུར། །འཇིག་རྟེན་སྐྱོང་ལ་གཏོར་མ་སྦྱིན། །རྒྱལ་དང་རྒྱལ་སྲས་མཆོད་པར་
D681.091.0262b02.01བྱ། །སྐར་མ་ལ་སོགས་འབབ་པའམ། །ཚེས་གཅིག་ནས་ནི་ཉ་ཡི་བར། །སྔགས་ཀྱི་ཕྲེང་བ་བརྗོད་པར་བྱ། །ལྷ་ལ་ཡང་ཡང་བསྐོར་བར་བྱ། །ལས་རྣམས་གང་དང་གང་ལ་ཡང་། །ལྷ་ཡི་དབང་གྱུར་སྦྱར་བར་བྱ། །དེ་དང་དེ་ནི་ལས་རྣམས་ལ། །ཅི་བདེ་བར་ཡང་
D681.091.0262b03.01སྦྱར་བར་བྱ། །ཕྲན་ཚེགས་ལས་ལ་སྤྱན་མའི་སྔགས། །ལྷོག་པ་འབྲུམ་བུ་ལ་སོགས་ལ། །མི་བཤོལ་བ་ཡི་སྔགས་ཀྱིས་སྦྱར། །གདོན་རིགས་བཟློག་ལ་གར་དབང་སྟེ། །བྱད་སྟེམས་རིག་སྔགས་བཟློག་པ་ལ། །དོན་ཡོད་ཞགས་པའི་སྔགས་ཀྱིས་བཀྲུ། །ཤེས་
D681.091.0262b04.01རབ་འཕེལ་བ་རྡོ་རྗེ་ཆོས། །ཀླུ་ནད་ཧ་ལ་ཧ་ལས་སེལ། །ཚེ་འཕེལ་པདྨ་རྒྱན་ལུང་སྟེ། །མགྲིན་སྔོན་སྔགས་ཀྱིས་དཔལ་འཕེལ་བྱེད། །ཧ་རི་ཆེན་པོ་བདུག་སྤོས་ཏེ། །གདོང་བཅུ་གཅིག་པས་གློ་བུར་སེལ། །སེང་གེ་སྒྲས་ནི་མཛེ་ནད་སེལ། །རྣལ་འབྱོར་ཡོ་བྱད་
D681.091.0262b05.01འདོད་པས་ནི། །ཡིད་བཞིན་ནོར་བུའི་སྔགས་ཀྱིས་བཀྲུ། །བཀྲ་ཤིས་རོལ་མོ་དུ་མ་དང་། །གཙང་སྦྲ་གོས་གསར་ལྡན་པ་ཡིས། །སྙན་པའི་གདངས་དང་ལྡན་པས་བཀྲུ། །མྱུར་དུ་སྒྲིབ་པ་འབྱང་བ་དང་། །འདོད་ཡོན་ཀུན་གྲུབ་སྔགས་ཕྲེང་ནི། །གང་དང་གང་ཡང་
D681.091.0262b06.01སྦྱར་བར་འགྱུར། །ཕྲན་ཚེགས་གཞན་ལྟ་སྨོས་ཅི་དགོས། །ཟླ་བ་གཟས་བཟུང་གྱུར་པའི་ཚེ། །མར་སྲང་གཅིག་ནི་དངུལ་སྣོད་གཞུག །སྐུ་གཟུགས་མདུན་བཞག་སྔགས་བརྗོད་ནས། །ཟླ་བ་སོས་ནས་མར་བླངས་ཏེ། །ཟོས་སམ་ལུས་ལ་བྱུགས་པ་ཡིས། །ནད་
D681.091.0262b07.01