完整藏文原文 · 德格版页 当前仅加载第 93 函德格 130b 版页；藏文 NFD、目录标记与异常页序保留在来源切片中，重复版页行以稳定序号区分。
སྙིང་གི་སྙིང་པོའི་སྔགས་ལགས་སོ། །དེའི་ཚེ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཡིད་བཞིན་འཁོར་ལོའི་གཟུངས་འདི་སྨྲས་པ་དང་། ས་ཆེན་པོ་ཡང་རྣམ་པ་དྲུག་ཏུ་རབ་ཏུ་གཡོས་པར་གྱུར། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་།
D692.093.0130b01.01ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་ལ་སོགས་པའི་ཁང་ཁྱིམ་རྣམས་ཀྱང་རབ་ཏུ་གཡོས་པར་གྱུར་བདུད་ཀྱི་རྒྱལ་པོ་དང་། བདུད་ཀྱི་འཁོར་རྣམས་ཀྱང་ཤིན་ཏུ་སྐྲག་ཅིང་འཇིགས་པ་ཆེན་པོ་སྐྱེས་པར་གྱུར། བདུད་ཀྱི་རྒྱལ་པོའི་
D692.093.0130b02.01གཞལ་མེད་ཁང་ཡང་རབ་ཏུ་འབར་བར་གྱུར། གནོད་སྦྱིན་དང་། འདྲེ་སྲིན་མ་རུངས་པ་གཞན་རྣམ་པ་སྣ་ཚོགས་ཀྱང་དངང་ཞིང་སྐྲག་པས་གདོང་བཀབ་སྟེ། ས་ལ་འགྱེལ་བར་གྱུར། སེམས་ཅན་དམྱལ་བའི་སྒོ་ཐམས་ཅད་ཀྱང་ཕྱེ་ནས་སྡུག་བསྔལ་བའི་སེམས་ཅན་རྣམས་ཐར་ཏེ།
D692.093.0130b03.01ལྷའི་བདེ་བ་མཆོག་མྱོང་བར་གྱུར་ཏོ། །དེའི་ཚེ་ལྟ་རྣམས་ཀྱིས་ཀྱང་རིན་པོ་ཆེའི་མེ་ཏོག་དང་། རིན་པོ་ཆེའི་རྒྱན་གྱི་ཡོ་བྱད་རྣམ་པ་སྣ་ཚོགས་ཀྱི་ཆར་མངོན་པར་ཕབ་པར་གྱུར། ལྷའི་རོལ་མོ་རྣམས་ཀྱང་བར་སྣང་ལ་སྒྲ་སྣ་ཚོགས་ཕྱུང་སྟེ། དེ་བཞིན་གཤེགས་པ་ལ་མཆོད་པ་བྱས་པར་
D692.093.0130b04.01གྱུར་ཏོ། །དེ་ནས་བཅོམ་ལྡན་འདས་ཀྱིས་ཚངས་པའི་དབྱངས་ཀྱིས་ཚིགས་སུ་བཅད་དེ། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ། རིགས་ཀྱི་བུ་ཁྱོད་སེམས་ཅན་ལ་སྙིང་བརྩེ་བའི་ཕྱིར་གཟུངས་འདི་བཤད་པ་ཉིད་ཀྱིས་སེམས་ཅན་
D692.093.0130b05.01རྣམས་ཀྱི་ཕན་ཡོན་ཆེན་པོ་ཐོབ་པར་འགྱུར་བ་ལེགས་སོ་ལེགས་སོ་ཞེས་བསྔགས་པ་བརྗོད་དོ། །དེ་ནས་བཅོམ་ལྡན་འདས་ཀྱིས་ཡང་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་སེམས་ཅན་རྣམས་ཀྱི་ཕྱིར་རྫུ་
D692.093.0130b06.01འཕྲུལ་གྱི་རྒྱལ་པོ་ཆེན་པོའི་གཟུངས་འདིའི་ཆོ་ག་ཤོད་ཅིག །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་འདི་སྐད་ཅེས་གསོལ་ཏོ། །རིགས་ཀྱི་བུའམ། རིགས་ཀྱི་བུ་མོའམ་དགེ་སློང་ངམ་དགེ་སློང་མའམ། དགེ་བསྙེན་ནམ། དགེ་
D692.093.0130b07.01