完整藏文原文 · 德格版页 当前仅加载第 93 函德格 131a 版页；藏文 NFD、目录标记与异常页序保留在来源切片中，重复版页行以稳定序号区分。
བསྙེན་མའམ། ཁྱེའུའམ། བུ་མོ་གཞོན་ནུ་གང་ལ་ལ་ཞིག་གིས་ཚེ་འདི་ཉིད་ལ་རྣམ་པར་སྨིན་པ་མངོན་དུ་མྱོང་བར་འཚལ་ན། གདུགས་མཚན་སེམས་རྩེ་གཅིག་ཏུ་ནན་ཏན་བརྩོན་འགྲུས་ཀྱིས་གཟུངས་འདི་མི་བསྐྱུད་པར་བགྱིས་ཏེ། གདུགས་དང་དུས་མི་འདམ་
D692.093.0131a01.01བར་གཙང་ཡང་རུང་། མི་གཙང་ཡང་རུང་སྟེ། གཡར་སྟོན་དུ་བཟླས་པར་གྱུར་ན་བགྱི་བ་རྣམས་དོན་དང་ལྡན་པར་འགྱུར་ལགས་སོ། །ཅི་ཡང་རུང་སྟེ། དོན་དུ་བགྱི་ཞིང་གཉེར་བ་ཞིག་མཆིས་ན་ལན་བརྒྱ་རྩ་བརྒྱད་བཟླས་བརྗོད་བགྱིས་ན་དོན་བརྒྱ་སྟོང་དུ་མ་འགྲུབ་པར་འགྱུར་བས། རིག་
D692.093.0131a02.01སྔགས་གཞན་གང་ཡིད་བཞིན་གྱི་འཁོར་ལོའི་གཟུངས་འདི་དང་བསྐྲུན་པར་བཟོད་པ་གང་ཡང་མ་མཆིས་ལགས་སོ། །དེ་ཅིའི་སླད་དུ་ཞེ་ན། འདས་པ་དང་། ད་ལྟར་གྱི་ལས་ངན་པ་དང་། སྒྲིབ་པ་ལྕི་བ་རྣམས་རབ་ཏུ་འཇོམས་པས་སོ། །གང་ལ་ལ་ཞིག་གཟུངས་འདི་བཟླས་བརྗོད་
D692.093.0131a03.01བགྱིས་ན་མནར་མ་མཆིས་པའི་དམྱལ་བར་ལྟུང་བར་འགྱུར་བའི་རིགས་དག་ཀྱང་ཐར་བར་འགྱུར་ལ། མཚམས་མ་མཆིས་པ་ལྔ་ལ་སོགས་པའི་སྡིག་པ་རྣམས་ཀྱང་འབྱང་བར་འགྱུར་ན། ལས་ངན་པ་དང་། གདོན་བགེགས་དང་། བྲོ་ནད་གཞན་ཐམས་ཅད་ལྟ་སྨོས་ཀྱང་ཅི་འཚལ་
D692.093.0131a04.01ལགས། གང་དག་རིམས་ནད་ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པ་དང་། ཉིན་མཚན་དུ་བྲོ་འཚལ་བའམ། རླུང་དང་། མཁྲིས་པའམ། བད་ཀན་ལ་སོགས་པས་བྲོ་འཚལ་བ་དག་ལ་རིག་སྔགས་འདི་བཟླས་བརྗོད་བགྱིས་པར་
D692.093.0131a05.01གྱུར་ན་ཐམས་ཅད་འབྱང་ཞིང་སོས་པར་འགྱུར་ལགས་སོ། །གང་ཞིག་དུག་དང་བྱད་སྟེམས་ཀྱིས་ཕོག་པར་གྱུར་ཏམ། ལྷོག་པ་དང་། གཡན་པ་དང་། མཛེ་ནད་དམ། ཕོལ་མིག་གམ། རླུང་ནད་དམ། སྨྱོས་པའམ། ཀླད་པ་བྲོ་འཚལ་བའམ། རྣ་བ་དང་། སྣ་དང་། མཆུ་
D692.093.0131a06.01དང་། ལྕེ་དང་། མིད་པ་དང་། ཁ་དང་། གདོང་དང་། གཙུག་དང་། ཀླད་རྒྱས་དང་། བྲང་དང་། རྩིབ་ལོགས་དང་། སྙིང་དང་། ལྟོ་བ་དང་། རྐེད་པ་དང་། རྒྱབ་དང་། རྐང་པ་དང་། ལག་པ་ལ་སོགས་པ་ཐམས་ཅད་བྲོ་འཚལ་བར་གྱུར་ན་ཡང་ཐམས་ཅད་སོས་
D692.093.0131a07.01