完整藏文原文 · 德格版页 当前仅加载第 93 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བཞིན་དུ་ཐམས་ཅད་འགྲུབ་པར་འགྱུར་ལགས་སོ། །གལ་ཏེ་ཐེ་ཚོམ་འཚལ་བར་འགྱུར་ན་ཆོ་ག་རྣམས་གྲུབ་པར་དཀའ་སྟེ། འདི་ནི་སྤྱན་རས་གཟིགས་དབང་ཕྱུག་གི་ཙནྡན་དེའི་ནོར་བུའི་འཁོར་ལོ་ལས་མིག་སྨན་གྱི་ཆོ་ག་ཞེས་བགྱི་བ་ལགས་སོ། །བྱང་ཆུབ་སེམས་
D692.093.0136a01.01དཔའ་སྤྱན་རས་གཟིགས་དབང་ཕྱུག་གི་སེམས་ཀྱི་འཁོར་ལོ་ལས་མིག་གི་སྨན་གྱི་ལེའུ་སྟེ་ལྔ་པའོ།། །།དེའི་ཚེ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་གཞན་ཡང་སེམས་ཅན་རྣམས་ལ་སྙིང་བརྩེ་བའི་ཕྱིར། སྒྲུབ་པའི་དོན་ཐམས་ཅད་གྲུབ་པར་བྱེད་པ། ཉོན་མོངས་པ་དང་།
D692.093.0136a02.01ཁ་ན་མ་ཐོ་བའི་སྒྲིབ་པ་དང་ལས་ངན་པ་ཐམས་ཅད་རྣམ་པར་འཇོམས་པ། དགྲ་ཐམས་ཅད་འདུལ་བ། བི་ནཱ་ཡ་ཀ་ཁྲོ་བའི་སེམས་ཉེ་བར་ཞི་ནས་སྐྱེ་བོ་མང་པོ་ལ་གནོད་པ་མི་བྱེད་ཅིང་། བྱམས་པའི་སེམས་སྐྱེ་བར་འགྱུར་བ། སྦྱིན་སྲེག་ཧོམ་བཀྲ་ཤིས་ཀྱི་ཆོ་ག་བསྟན་པ། དོག་ས་བརྐོས་ཏེ་ཞུགས་ཐབ་
D692.093.0136a03.01ཁྲུ་གང་གྲུ་བཞི་པ་ཅིག་བགྱིས་ནས་མེ་ཏོག་མ་ལེན་ཙ་སུ་དང་། ཡུངས་ཀར་དང་། ཞོ་དང་། སྦྲང་རྩི་དང་། ཆབ་མར་ཆ་མཉམ་པར་བསྲེས་ཏེ། ཨ་ག་རུ་དང་། ཙནྡན་དང་། ཤིང་དྲི་ཅན་སོ་སོ་ནས་སྲིད་དུ་སོར་བཅུ་གཉིས་ཞེང་དུ་སོར་གཅིག་མཆིས་པ་གཏུབས་ཏེ། ཐབ་ཏུ་བསྲེག་པར་
D692.093.0136a04.01བགྱི་ཞིང་སྨན་ཉུང་ཟད་ཅིག་བླངས་ནས་ལན་ཅིག་སྔགས་ཀྱིས་བཏབ་སྟེ། ཞུགས་ཀྱི་ནང་དུ་དོར་བ་ལན་སྟོང་རྩ་བརྒྱད་ཚང་བར་བགྱིས་ན་ལས་ཀྱི་སྒྲིབ་པ་ཐམས་ཅད་རྣམ་པར་འཇོམས་ཞིང་། ཚེ་ལོ་བརྒྱ་ཉི་ཤུ་ཐུབ་པར་འགྱུར་ལགས་སོ། །ཞག་བདུན་གྱི་བར་དུ་རྒྱུན་ཆད་པ་མ་མཆིས་པར་
D692.093.0136a05.01ཧོམ་གྱི་ཆོ་ག་བཞིན་བགྱིས་ན་ཚེ་ལོ་སྟོང་ཐུབ་ཅིང་ལུས་ཀྱང་ཡོངས་སུ་དག་པར་འགྱུར་རོ། །ཞག་བདུན་ཕྲག་གཉིས་ཀྱི་བར་དུ་ཆོ་ག་བགྱིས་ན་རྒྱལ་པོ་དང་། རྒྱལ་བུ་དང་། བློན་པོ་ཆེན་པོ་ཉེ་ཕན་དང་། སྐྱེ་བོ་ཕལ་པ་རྣམས་ཀྱང་སྐྱབས་སུ་མཆིས་ནས་བསྙེན་བཀུར་བགྱིད་པར་
D692.093.0136a06.01འགྱུར་རོ། །ཞག་བདུན་ཕྲག་གསུམ་གྱི་བར་དུ་ཆོ་ག་བཞིན་དུ་བགྱིས་ན་སུམ་ཅུ་རྩ་གསུམ་གྱི་ལྷ་རྣམས་འཁོར་དང་བཅས་པ་དང་། ཉི་ཟླའི་ལྷ་དང་། རྒྱལ་པོ་ཆེན་པོ་བཞི་འཁོར་དང་བཅས་པ་ཡང་ཉེ་བར་ལྷགས་ནས་ཡོངས་སུ་སྲུང་བར་འགྱུར། ལག་ན་རྡོ་རྗེས་ཀྱང་དངོས་
D692.093.0136a07.01