完整藏文原文 · 德格版页 当前仅加载第 93 函德格 137a 版页；藏文 NFD、目录标记与异常页序保留在来源切片中，重复版页行以稳定序号区分。
བསྐྱེད་དེ་ཁ་ནས་བཟླས་བརྗོད་བྱས་ན་དངོས་གྲུབ་ཐོབ་པར་འགྱུར་རོ། །དེ་ལྟར་ཡིན་མོད་ཀྱི་ངས་བསྟན་པ་བཞིན་དུ་སེམས་ཅན་རྣམས་ལ་ཡང་ནས་ཡང་དུ་ནན་ཏན་བརྩོན་འགྲུས་ཀྱིས་རྗེས་སུ་བསྟན་ནས་དངོས་གྲུབ་ཐོབ་པར་བྱ་བའི་ཆེད་དུ་ལུས་ཉེ་བར་སྟོན་ལ། ངའི་ཚིག་
D692.093.0137a01.01དག་འགལ་བར་མ་བྱེད་ཅིག་དང་། ང་ཡང་རྗེས་སུ་ཡི་རང་ངོ་། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ནི་བསྐལ་པ་དཔག་ཏུ་མ་མཆིས་པ་ནས་བྱམས་པ་དང་བརྩེ་བའི་
D692.093.0137a02.01སེམས་ཀྱིས་སེམས་ཅན་ལ་རྗེས་སུ་སྟོན་ཅིང་། རྟག་པར་ཡོངས་སུ་བསྲུངས་ནས་དངོས་གྲུབ་སྩལ་བར་ནི་བཅོམ་ལྡན་འདས་ཉིད་ཀྱིས་མཁྱེན་ཅིང་དབང་དུ་གྱུར་པ་ལགས་སོ། །སེམས་ཅན་རྣམས་ཀྱི་སླད་དུ་ཡིད་བཞིན་གྱི་འཁོར་ལོའི་གཟུངས་འདི་བཤད་པ་ལགས་པས། གང་ལ་ལ་ཞིག་
D692.093.0137a03.01གིས་ལེན་ཅིང་འཆང་བ་དང་རྟག་པར་བདག་ཉིད་བཟླས་བརྗོད་བགྱི་བའི་གྲངས་ཚང་བར་བགྱིས་ན་སྨོན་པ་རྣམས་གྲུབ་པར་འགྱུར་ཏེ། བདག་ནི་དེ་ལྟར་བཅོམ་ལྡན་འདས་ཀྱི་བྱིན་གྱི་རླབས་ཀྱི་མཐུས་སེམས་ཅན་ཐམས་ཅད་སྡུག་བསྔལ་བ་རྣམས་ཡོངས་སུ་བསྐྱབ་པར་བགྱིད་པ་ལགས་
D692.093.0137a04.01སོ། །དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་ཡིད་བཞིན་གྱི་འཁོར་ལོའི་གཟུངས་འདི་སྨྲས་པ་དང་། འཁོར་འདུས་པ་ཆེན་པོ་ཐམས་ཅད་རབ་ཏུ་དགའ་ནས་མངོན་པར་ཡིད་ཆེས་བས་ཡང་དག་པར་བླངས་ཏེ་སྤྱོད་པར་གྱུར་ཏོ། །
D692.093.0137a05.01བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་ཡིད་བཞིན་གྱི་འཁོར་ལོའི་གཟུངས་ལས། སྦྱིན་སྲེག་ཧོམ་གྱི་ཆོ་ག་སྨན་སྦྱོར་བའི་ལེའུ་སྟེ་དྲུག་པའོ།། །།འཕགས་པ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་གསང་བའི་མཛོད་ཐོགས་
D692.093.0137a06.01པ་མེད་པའི་ཡིད་བཞིན་གྱི་འཁོར་ལོའི་སྙིང་པོ་ཞེས་བྱ་བའི་གཟུངས་རྫོགས་སོ།། །།ཞུ་ཆེན་གྱི་མཁན་པོ་དང་ལོཙྪ་བ་བཅོམ་ལྡན་འདས་ཀྱི་རིང་ལུགས་པ་བནྡེ་ཆོས་གྲུབ་ཀྱིས་རྒྱའི་དཔེ་ལས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།
D692.093.0137a07.01