完整藏文原文 · 德格版页 当前仅加载第 93 函德格 134a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིང་མགོ་སྟོང་གི་འབྲས་བུ་ཙམ་དུ་བགྱིས་ཏེ། ཡང་སྔགས་གོང་མ་གསུམ་ལན་བརྒྱ་རྩ་བརྒྱད་བཟླས་ནས་གྲིབ་མ་ལ་བསྐམས་ཏེ། གདུགས་དང་། རླུང་གིས་མ་ཕོག་པར་བགྱིས་ནས་རིལ་བུ་རེ་རེ་ལ་ཡང་གོང་མའི་སྔགས་རྣམ་པ་གསུམ་ལན་བདུན་བདུན་གྱིས་བཏབ་སྟེ། རིལ་
D692.093.0134a01.01བུ་གཅིག་ཁར་མུར་ནས་རྒྱལ་པོའམ། བླློན་པོ་ཉེ་ཕན་ནམ། སྐྱེ་བོའི་ཚོགས་མང་པོ་དག་ལ་གཏམ་བགྱིས་བར་གྱུར་ན་བཀུར་སྟི་བགྱིས་ནས། ནོར་དང་། རིན་པོ་ཆེ་དག་ཕངས་པ་མ་མཆིས་པར་ཅི་དང་ཅི་འཚལ་བ་ཐམས་ཅད་སྩོལ་བར་འགྱུར། ཚིག་ཏུ་སྨྲས་སོ་འཚལ་ཐམས་ཅད་ཀྱིས་
D692.093.0134a02.01ཡིད་ཆེས་ཤིང་ཉན་པར་འགྱུར། སྒོ་བ་ཞིག་མཆིས་ན་ཡང་ཐམས་ཅད་ཉན་ཅིང་བགྱིད་པར་འགྱུར་ལགས་སོ། །ཁར་སྨན་མུར་བའི་ཚེ་རྟག་པར་སྔགས་བཟླ་འཚལ་ཏེ། སྤྱན་རས་གཟིགས་དབང་ཕྱུག་གིས་སྨོན་པ་རྣམས་འགྲུབ་པར་བགྱིད་ལགས་སོ། །བྱང་ཆུབ་སེམས་དཔའ་
D692.093.0134a03.01སྤྱན་རས་གཟིགས་དབང་ཕྱུག་གི་གཟུགས་ཀྱི་མདུན་དུ་སྤོས་ཆབ་ཀྱིས་དཀྱིལ་འཁོར་གྲུ་བཞི་ཆུ་ཞེང་ཁྲུ་བཞིས་འཁོར་བ་གཅིག་བགྱིས་ཏེ། དཀྱིལ་འཁོར་གྱི་ནང་དུ་རྩི་ཤིང་གི་མེ་ཏོག་རྣམ་པ་སྣ་ཚོགས་ཅི་འབྱོར་པ་བཀྲམ་ཤིང་ཙནྡན་དཀར་པོ་བསྲེགས་ནས་སྨན་གྱི་རིལ་བུ་སྔ་མ་བླངས་ཏེ་དཀྱིལ་
D692.093.0134a04.01འཁོར་གྱི་ནང་དུ་བཞག་ནས། རྒྱལ་མཚན་བཞི་གཟུགས་ཤིང་། ཡོལ་བ་དང་། བླར་དཀར་པོ་བྲེས་ཏེ་དཀྱིལ་འཁོར་གྱི་སྟེང་དུ་པདྨ་དཀར་པོ་བཞི་ཡང་བྲིས་ཏེ། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་མཆོད་པ་བགྱིས་ལགས་པའི་རྗེས་ལ་སྙིང་པོའི་སྔགས་དང་།
D692.093.0134a05.01སྙིང་གི་སྙིང་པོའི་སྔགས་ལན་བརྒྱ་རྩ་བརྒྱད་བཟླ་བར་བགྱིའོ། །ལུས་ཀྱི་སྔགས་ཀྱང་ལན་བརྒྱ་རྩ་བརྒྱད་བཟླས་ནས་ཙནྡན་དཀར་པོ་བསྲེགས་ཏེ། མེ་ཏོག་གཏོར་ན་དེའི་ཚེ་སྨོན་པ་ཐམས་ཅད་ཀྱང་འགྲུབ་པར་འགྱུར་ལ། དཀྱིལ་འཁོར་གྱི་ནང་ན་མཆིས་པའི་སྨན་བླངས་ཏེ་ལུས་ལ་བཏགས་
D692.093.0134a06.01ན་ཕྱོགས་གང་དུ་མཆི་ཡང་རུང་སྟེ། ཅི་དང་ཅི་གཉེར་བ་ཐམས་ཅད་འགྲུབ་པར་འགྱུར། ཚིག་ཏུ་སྨྲས་པ་ཐམས་ཅད་ཀྱིས་ཡིད་ཆེས་ཤིང་ཉན་པར་འགྱུར། དོན་དུ་སྒྲུབ་པ་ཐམས་ཅད་འགྲུབ་པར་འགྱུར་ལགས་སོ། །སེམས་རྩེ་གཅིག་ཏུ་མ་བགྱིས་པ་ནི་མ་གཏོགས་ཏེ། འདི་ནི་ཡིད་
D692.093.0134a07.01