完整藏文原文 · 德格版页 当前仅加载第 93 函德格 134b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་གྱི་འཁོར་ལོ་ལས་སྨན་མུར་བའི་ཆོ་ག་ཞེས་བགྱི་ལགས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་ཡིད་བཞིན་གྱི་འཁོར་ལོ་ལས་སྨན་མུར་བའི་ཆོ་གའི་ལེའུ་སྟེ་བཞི་པའོ།། །།དེ་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་
D692.093.0134b01.01གཞན་ཡང་སེམས་ཅན་རྣམས་ལ་སྙིང་བརྩེ་བའི་ཕྱིར་སྐྱེ་བོ་མང་པོ་ཐམས་ཅད་ཀྱིས་མཐོང་ན་བྱམས་ཤིང་དགའ་བར་འགྱུར་བའི་ཆོ་ག་བསྟན་པ། མན་ཤི་རི་ཀ་ཀུ་ཤུ་དང་། པདྨ་ལེ་བརྒན་དང་། པདྨ་སྔོན་པོ་དང་། རྒྱ་མཚོའི་ཆབ་ཀྱི་དབུ་བ་དང་། ཉ་རྐུན་མ་ནག་པོའི་རུས་པ་དང་། པ་
D692.093.0134b02.01བླས་དང་། ཀ་ཀུན་བན་སྱ་དང་། གིའུ་ཝང་དང་། གུར་གུམ་དང་། རྒྱའི་གུར་གུམ་དང་། པི་པི་ལིང་དང་། ན་ལེ་ཤམ་དང་། བཅའ་སྒ་རྣམས་ཆ་མཉམ་པར་བགྱིས་ཏེ། བརྡུངས་ནས་ཞིབ་མོར་བཙགས་ཏེ་སྨན་སྔ་མ་སྲང་གཅིག་མཆིས་ན་གླ་རྩི་དང་། ག་པུར་སྲང་ཕྱེད་
D692.093.0134b03.01སྩལ་ནས་ཞིབ་ཏུ་བརྡར་ཏེ། སྤྱན་རས་གཟིགས་དབང་ཕྱུག་གི་གཟུགས་ཀྱི་མདུན་དུ་སྦྱར་བ་བགྱིས་ལགས་པས། སྔ་མའི་སྔགས་རྣམ་པ་གསུམ་རེ་རེ་ཡང་ལན་སྟོང་རྩ་བརྒྱད་བཟླས་ཏེ། སེམས་ཅན་ཐམས་ཅད་ལ་བྱམས་པ་དང་། སྙིང་བརྩེ་བའི་སེམས་བསྐྱེད་ནས་སྨན་དེ་
D692.093.0134b04.01དག་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་རྐང་པའི་དྲུང་དུ་གཞག་པར་བགྱིའོ། །དེའི་རྗེས་ལ་རེག་པར་བགྱིས་ནས། ཁར་བའི་ཐུར་མས་བླངས་ཏེ་མིག་ཏུ་སྩལ་ན་མིག་དང་། ཀླད་པ་བྲོ་འཚལ་བ་དང་། ལིང་ཏོག་གིས་བསྒྲིབས་པ་ཐམས་ཅད་དང་། སྤྲིན་
D692.093.0134b05.01དཀར་དང་། མཆི་མ་འཛག་པ་དང་། སྤྲིན་དམར་དང་། ལོང་ནད་དང་། ཀླད་པ་བྲོ་འཚལ་བ་ཐམས་ཅད་སོས་པར་འགྱུར་ལགས་སོ། །རྟག་པར་གདུགས་རེ་བཞིན་དུ་སྨན་འདི་མིག་ཏུ་སྩལ་ན་མིག་ནད་ཐམས་ཅད་འབྱང་བར་འགྱུར་ལགས་སོ། །གདུགས་གཉིས་སྩལ་ན་ལུས་
D692.093.0134b06.01ཀྱི་བྲོ་ནད་ཐམས་ཅད་འབྱང་བར་འགྱུར་རོ། །གདུགས་གསུམ་སྩལ་ན་སྨྱོ་བའི་བྲོ་ནད་རྣམ་པ་བརྒྱད་ཅུ་རྩ་བཞི་འབྱང་བར་འགྱུར་ལགས་སོ། །གདུགས་བཞི་སྩལ་ན་ཕྱི་ནང་གི་སྒྲིབ་པ་ཐམས་ཅད་ཀྱིས་སྒྲིབ་པར་མི་འགྱུར་རོ། །གདུགས་ལྔ་སྩལ་ན་དགྲ་དང་འཐབ་པ་ན་ཐམས་ཅད་དུ་རྒྱལ་
D692.093.0134b07.01